Telelana errazteko gakoak eta baliabideak
Laneko osasun aholkuak eta teknologia digital berriak aprobetxatzeko tresnak
Egunotan bizi ditugun salbuespen-neurriak direla eta, enpresa eta profesional gehienek telelanari heldu diote beren zerbitzuak ematen jarraitzeko. Teknologia digitalak aliatu paregabea dira egoera honetan, aukera ematen baitigute lan asko urrunetik egiteko. Halere, pertsona asko ez daude ohituta etxetik lan egitera, eta garrantzitsua da kontuan hartzea laneko osasunaren arloko hainbat gako.
Osarten-ek, Mondragon taldeko laneko arriskuen prebentzioko zerbitzu mankomunatuak, hainbat aholku partekatu ditu telelana errazteko eta errutina osasuntsuak mantentzeko. “Garrantzitsua da etxean gune bat prestatzea bulego moduan erabiltzeko” dio Osarten-eko lantaldeak, hau da, etxeko gainerako espazioetatik argi bereizitako gune bat, bulego itxura duena. Horrela errazago da lanerako eta atseden hartzeko tarteak bereiztea.
Halaber, oso garrantzitsua da errutinak finkatzea: “etxetik lan egiteak bulegoan lan egitea bezalakoa izan behar du, beraz, jarri ordutegiak eta bete” azaldu dute prebentzio zerbitzuko kideek. Horrek esan nahi du ahalik eta gehien errespetatu behar direla lanaldia hasteko eta amaitzeko orduak, eta etxetik kanpo lan egitean geneuzkan ohiturak mantendu behar ditugula, hots, “esnatu goiz eta jaiki beti ordu berean. Zure gorputzak eta garunak eskertuko dizute erregulartasuna” diote Osarten-eko lantaldeko kideek. Eguna hasteko modu on bat izan liteke egunero bete beharreko plangintza bat eta helburuak finkatzea, eta atsedenaldiak hartzea begiak pantailatik kentzeko.
Inplantalariak: telelana ezartzeko laguntzak
Gaur egun, enpresa eta profesionalek tresna digital ugari erabil ditzakete eguneroko funtzionamendua telelanera egokitzeko. Halere, badira baliabide horiek ezagutzen ez dituzten ETE eta autonomoak. Horregatik, Eusko Jaurlaritzako Ekonomi Garapen eta Azpiegitura Sailak, SPRI Taldearen bitartez, Inplantalariak izeneko doako zerbitzu berria jarri du martxan, enpresei telelana erabiltzen hasten laguntzeko.
Programa honek laguntza telematikoa ematen du adituen bitartez, hobeto ezagutzeko erabil daitezkeen tresnak, berme eta segurtasun handiagoarekin. Hauxe da aholkularitza teknologikoko zerbitzu honek eskaintzen duena: bezero, langile eta hornitzaileekin komunikazio birtualeko tresnak erabiltzen hasteko laguntza, taldeko lanak kudeatzeko eta informazioa urrunetik eskuratzeko programak eta telelanerako zibersegurtasunari buruzko prestakuntza. Aholkularitzako talde adituak berehala ezarri eta erabiltzen has daitezkeen tresna-katalogo zabala jarri du ETEen eta autonomoen esku, eta eskaerak SPRI Taldeko Telelanari buruzko Aholkularitza eta Ezarpen Zerbitzuaren bitartez tramitatu daitezke.
Tresna digitalei buruzko prestakuntza
APTES, Estatuko Zientzia eta Teknologia Parkeen Elkarteak (Euskadiko Teknologi Parkeen Sarea elkarte horretako kide da) ApteForma prestakuntza-gela digitala ireki du. Plataforma honek teknologia berriei buruzko hainbat eduki dauzka: ikastaroak, webinar direlakoak eta gidaliburuak, denak ere enpresetako eraldaketa digitalera zuzenduak. Orain arte, Teknologi Parkeen sareko konpainia, erakunde eta profesionalek bakarrik erabil zezaketen gela digital hori, baina orain dohainik ireki dute, bere gaitasun digitalak hobetu nahi dituen edozein pertsona edo enpresa sar dadin.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.