SPRIk bilera bat antolatu eta gidatu du emakumeak manufaktura-industria berrian parte hartzera bultzatzeko
SPRI Taldeko Teknologia, Berrikuntza eta Jasangarritasun zuzendari Cristina Oyónek “Zenbait gomendio emakumeen erakarpena, sustapena eta lidergoa indartzeko manufaktura-industrian” ekitaldia gidatu du eta bertan parte hartu dute European Factories of the Future Research Association-eko (EFFRA) zuzendari Zeljko Pazin-ek eta AVIT Manufacturing-eko presidente eta CEO eta Canada’s Women in Manufacturing-en sortzaile Rhonda Barnet-ek. Biek azaldu dituzte industria-eredu jasangarri eta digital berri batek dakartzan erronkak eta aukerak eta Kanadak ezarri dituen politikak emakumeen papera indartu eta handitzeko manufaktura-industrian.
Ekitaldiaren ostean egin den mahai-inguruan parte hartu dute Cecilia Ugaz Estradak, Nazio Batuen Industria Garapenerako Bulegoko (UNIDO) Genero Berdintasun eta Emakumeen Ahalduntze Saileko zuzendariak, Alina Sorgner-ek, Erromako John Cabot Unibertsitateko datuen analitikako katedradunak, eta Luciana Ciceri-k, Italiako Ciceri de Mondel manufaktura-enpresako CEOak, eta bertan aurkeztu dira emakumeak manufaktura-industrian duen presentziaren joko-arauak aldatuko dituzten zortzi ekintzak.
Mezu hau zabaldu da jardunaldi osoan: emakumeak manufaktura-industrian inplikatzea lehiakortasun kontu bat da.
SPRIko zuzendaritzako Cristina Oyónek azpimarratu du zeinen garrantzitsua den manufaktura-industria generoari buruzko ekitate politiken buru izatea konektatutako zerbitzuetan oinarritua egongo den industria-eredu jasangarri eta digital berrian. Lidergo horrek instituzio publiko, nazioarteko erakunde, ikastetxe, ikerketa erakunde eta gizarte zibilaren laguntza izan behar du emakumearen interesa eta partaidetza sustatzeko manufaktura-industrian digitalizazioa eta jasangarritasuna txertatzen duten negozio-eredu berrietan. Horretarako, beharrezkoa da:
- Baldintzak sortzea emakume gehiago sarrarazteko manufaktura-industrian, eten digitala gainditzea, emakumeen presentzia handitzea STEM karreretan eta genero ikuspegia txertatuko duen erakunde-kultura bat sortzea.
- Baldintza onenak sortzea emakumeek aurrera egin dezaten ingurune industrialean, lan-baldintzekin lotutako egungo oztopoak gaindituz eta lan-ingurune malguagoak, anitzagoak eta ekitatiboagoak sortuz.
- Beirazko sabaia haustea, sabai horrexek eragozten diolako emakumeari lidergo-postuetara iristea eta emakume gehiago sartzea zuzendaritza batzordeetan eta erabaki-guneetan.
Ekimenari buru emateko, mezu hau gogoratu da: emakumeen tasa handitzen denean enpresetan errendimendua hobetzen da, produktibitatea handitzen delako, erabakiak hobeto hartzen direlako, arriskuak kudeatzeko estrategia desberdinak erabiltzen direlako, berrikuntza eta sormen gehiago dagoelako eta efizientzia ere handiagoa delako. Beraz, genero berdintasuna ez da bakarrik giza eskubide kontu bat, baizik eta funtsezkoa da manufaktura-industriaren lehiakortasuna eta suspertze ekonomikoa bermatzeko
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.