SPRI Taldeak ireki du epea Zibersegurtasun Industrialeko laguntza-programarako eskaerak egiteko
Beraizik zuzenduta dago enpresa industrialetan zibererasoetatik babesteko sistemen konbergentzia eta integrazioa lantzen duten proiektuei.
2018an 102 enpresak jaso zituzten laguntzak
SPRI Taldeak ireki du epea Zibersegurtasun Industrialeko laguntza-programarako eskaerak egiteko; programa hori manufakturako enpresa industrialetako IT/OT inguruneetan (Information Technology/Operational Technology) zibererasoetatik babesteko sistemen konbergentzia eta integrazioa lantzen duten proiektuei zuzendua dago.
Zibersegurtasun Industrialerako laguntza-programak 550.000 euroko zuzkidura izango du aurten, eta %50eko finantzaketa emango du hardwarean eta softwarean eginiko inbertsioak nahiz aholkularitzako edota ingeniaritzako gastuak estaltzeko, proiektu bakoitzak 18.000 euroko diru-laguntza jasoko duelarik gehienez. Eskaerak aurkezteko epea azaroaren 28an amaituko da.
Eusko Jaurlaritzak programa hori bultzatu du, konpromisoa hartua duelako zibersegurtasun industrialarekin eta konpromiso hori betez Zibersegurtasunerako Euskal Zentroa sortu zuelako 2017ko urrian.
Aurtengoa laguntza espezifiko honen bigarren deialdia da, iaz harrera bikaina izan ondoren. Izan ere, 102 enpresak (56 gipuzkoarrak, 25 bizkaitarrak eta 21 arabarrak) eskuratu zituzten Eusko Jaurlaritzak zibersegurtasun industriala bultzatzeko martxan jarritako programa honen laguntzak, zeina aitzindaria baita gure inguruan. Hasieran 600.000 euroko partida bat zuen, baina milioi bat euroraino zabaldu zen enpresen eskaera handia ikusita. Bide horretatik, inbertsio publikoak 2,34 milioi euroko inbertsio pribatua sustatuko du zibersegurtasun arloan.
Zibersegurtasun Industrialeko laguntza-programak gehienez 18.000 euro banatuko ditu enpresa bakoitzeko; helburutzat dauka Zibersegurtasun Industriala bultzatzea, eta batez ere babesten ditu manufakturako enpresa industrialetako IT/OT inguruneetan (Information Technology/Operational Technology) zibererasoetatik babesteko sistemen konbergentzia eta integrazioa lantzen duten proiektuak.
Zibersegurtasun Industrialeko laguntzak ekimen aitzindaria dira, eta ekimen hori SPRI Taldean integratutako eta Arabako Teknologi Parkean kokatutako Zibersegurtasuneko Euskal Zentroaren (BCSC) sorkuntzaren testuinguruan jaio da.
Hala, argi gelditu da Zibersegurtasuneko Euskal Zentroaren sorkuntzarekin batera 2017ko irailean hasitako zibersegurtasunaren aldeko apustua erabaki irmo bat dela, gure herria nazioarteko erreferente bihurtuko duena zibersegurtasun arloan.
Basque Cybersecurity Centre martxan dago 2017ko urritik, eta bere helburu garrantzitsuenak dira zibersegurtasunarekin lotutako enpresa sektorea sendotu eta dinamizatzea, Euskadi nazioarteko erreferente izan dadila sektore horretan eta segurtasun informatikoaren kultura sustatzea euskal gizartean.
Hona hemen ekimen honen bidez babesten diren zibersegurtasun industrialeko arlo zehatz batzuk: Interneteko konexioaren perimetroko segurtasun sistemak ezarri eta hobetzea, zibersegurtasun ikuskaritzak, segurtasuna ezartzea sarean, fase desberdinetako plan estrategikoak eta plan gidariak, urruneko sarbide seguruak instalatzea, erabiltzaile industrialak zibersegurtasunerako entrenatzea, perimetroa zatikatzea eta sekurizatzea, suebakiak, komunikazioen segurtasuna, e.a.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian