SPRI Taldeak handitu egin du digitalizazio, zibersegurtasun industrial eta adimen artifizialaren aplikazio arloetako laguntzen aurrekontua eta luzatu egin du eskaerak egiteko epea
Euskal enpresek denbora gehiago izango dute laguntzak eskatzeko digitalizaziorako, adimen artifiziala aplikatzeko eta zibersegurtasun industrialerako, luzatu egin delako programa horien irekiera-epea, gainera, handitu egin da euren aurrekontua. Eskaerak SPRI Taldeak kudeatzen ditu, eskaera horiek egiteko epea zabalik egongo da urrira eta azarora arte, eta aurrekontu globala 9,6 milioi eurotik 12,6 milioiraino igo da.
Industria Digitala programarekin enpresen digitalizazioa bultzatu nahi da, EIKTak txertatuz enpresa industrialetan eta zerbitzuei loturikoetan, eta 5,1 milioitik 6,1 milioi eurora handitu da bere aurrekontua. Bestalde, eskaerak aurkezteko epea urriaren 22ra arte luzatu da.
Programa honek urtean 18.000 euroraino eskaintzen ditu enpresa bakoitzeko, diagnostiko-proiektuak egiteko edo/eta EIKTak ezartzeko. Proiektu horiek lantzen dituzten arloak dira: cloud zerbitzuetaranzko migrazioa, Big Data, errealitate birtuala, Smart factory, fabrikazio gehigarria, gamifikazioa, merkataritza elektronikoa edo telelana.
Zibersegurtasun industrialeko programaren aurrekontua 2,5 milioitik 3,5 milioira handitu da, eta 18.000 eurorainoko itzuli beharrik gabeko dirulaguntzak emango zaizkie zibersegurtasun arloko neurriak aplikatzen dituzten enpresa industrialei. Bere helburua da zibererasoen aurkako babesa sustatzea eta zibersegurtasuna lehiakortasun-abantaila gisa aprobetxatzea. Eskaerak aurkezteko epea azaroaren 26an amaituko da.
Hona hemen diruz lagundu daitezkeen jarduerak: sistemen konbergentzia eta integrazioa IT/OT inguruneetarako, lantegietako ekipo industrialetarako urruneko sarbideen sekurizazioa, auditoretzak, kanpoko erasoen simulazioak, plantillaren kontzientziazioa, enpresa bakoitzaren egungo egoeraren diagnostikoa eta jardunbide egokiak barneratzeko edo ziurtagiriak eskuratzeko proiektuak.
Zibersegurtasun industrialeko 2021eko laguntzek proiektuaren hardware eta software gastuen %80 estaliko dute gehienez; eta aholkularitza edo/eta ingeniaritza gastuak proiektuaren %20 izan behar dira gutxienez. Dirulaguntzak %5 handiagoak izango dira euskararen erabilerako Bikain kalitate ziurtagiria zein Berdintasun plan bat duten edo euskarazko softwarea darabilten proiektuentzat.
Adimen Artifizialeko programak hiru milioi euro banatuko ditu (lehen 2 milioiko aurrekontua zuen), eta eskaerak aurkezteko epea azaroaren 26ra arte luzatuko da kasu honetan ere. Bere helburua da Adimen Artifizialeko teknologiak ezartzeko proiektuak babestea, laguntzak banatuz zerbitzu zein konponbide komertzialetan Adimen Artifiziala aplikatzeko proiektuei. Proiektu horiek frogatu beharko dute Adimen Artifizialeko algoritmoak erabiltzen dituztela Machine learning, Deep learning eta Ikusmen Artifiziala bezalako esparruetan.
100.000 eurorainoko itzuli beharrik gabeko laguntzak dira. Kontzeptu bakoitzerako dirulaguntzaren portzentajea %50ekoa izango da.
Adimen artifizialaren esparru desberdinei buruzko jakintza berriak eskuratzeaz gain, posible izango da hardware eta software berrien erosketa finantzatzea, eta baita ere aholkularitza, ingeniaritza eta antzeko zerbitzuen kostuak.
Azken helburua da negozioaren produktibitatea hobetzea datuen analisi aurreratuan oinarritutako erabakiak hartuz.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat