ScrapAdek hondakinen salerosketa-prozesua errazten die mundu osoko enpresei
Hondakinen salerosketak, tradizionalki, prospekzio-ahalegin, bidaia eta negoziazio ugari ekarri dizkie sektoreko enpresei transakzioak arrakastaz egiteko. Esparru hori digitalizatzeko, enpresei haien lana egiteko erraztasun gehiago emateko eta munduko hainbat tokitako enpresak batzeko helburuarekin, ScrapAd plataforma globala sortu zen 2020an.
2018ko Las Vegaseko birziklatze-sektoreko makineriarentzako azokan, Sandra Montes Pérez eta Samuel Ruiz de Lorenzo, enpresaren sortzaileak, hainbat erakundek zuten arazoaz ohartu ziren. Espainiako birziklatzaile betek erosleak bilatzen saiatzen ari zen bere materialak Estatu Batuetara esportatzeko, baina lan neketsua zen. Berarekin hitz egin eta esandakoa aztertu ondoren, teknologia erabiltzea erabaki zuten hondakinen salerosketaren prozesua errazteko.
Eibarko enpresa arduratzen da “plataforman erregistratzen diren enpresak egiaztatzeaz, iruzurrak saihesteko eta prozesu logistiko osoa kudeatzeko”, azpimarratu du Samuel Ruiz de Lorenzo ScrapAd-eko CEOak. Behin negozioak erregistratuta eta egiaztatuta daudenean, erosi edo saldu nahi dutenaren iragarkiak argitaratzen dituzte: txatarra, motorrak edo bateriak, esaterako. Erakundeen artean, materialaren prezioa negoziatzen dute, akordioak lortzen dituzte, kontratuak sinatzen dituzte eta logistikari ekiten da. Enpresa saltzaileek haien instalazioetan prest uzten dute bidali nahi duten materiala, eta ScrapAd arduratzen da materiala jasotzeaz eta erosleak eskatzen duen tokian entregatzeaz.
Gaur egun, 3.000 enpresa baino gehiago ditu erregistratuta 100 herrialde baino gehiagotan, batez ere Espainian, Frantzian, Mexikon eta Erresuma Batuan, baina Txinan, Pakistanen edo Indian ere badago. Nazioarteko sare horrek “enpresa ertain eta txikiei haien produktuak esportatzeko aukera ematen die, eta enpresa handiei prezioak askoz ere modu argiago eta errazagoan alderatzeko ahalmena”, azaldu du enpresako CEOak.
ScrapAd plataformaren mugikorreko aplikazioa sortzen eta garatzen ari da, “gure erabiltzaileengana hurbiltzeko eta operatiba are gehiago errazteko“, dio Samuel Ruiz de Lorenzok. Sektorearen beharrak gero eta gehiago ulertu nahi ditu, bere negozioetarako hornitzaile aukera onena bezala finkatzeko; betiere, “berrikuntzan zentratuta eta birziklapenaren sektorea iraultzeko gure misioarekin lotuta, ekonomia zirkularra bizkortzeko eta ingurumen-inpaktua murrizteko”.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.