Oreka IT: “Ez dago enpresa bat digitalki eraldatu behar ez izateko bezain txikia”
Enpresetan kudeaketa sistemak ezartzea digitalizazio- eta eraldaketa-prozesu digital handiagoak eta beharrezkoak ezartzeko lehen urratsa da. Gaur egun, SAP, ERP eta CRM terminoak ezezagunak dira esparru hauetan sartzen ez bagara: datuen mundua, analitika aurreratua, ‘Cloud computing’, IoT sistemak edo datu horiek bistaratzeko plataformak eta horien azterketaren ondorioak.
Oreka IT Araban, Bizkaian eta Nafarroan bulegoak dituen aholkularitza-enpresa bat da, enpresen produktibitatea hobetzera bideratutako jarduerarekin, SAP, ERP eta CRM teknologietan espezializatua. Iraitz Pérez de Goldarazena Urkiola Oreka ITko zuzendari nagusiak azaldu duenez, “eskuzko lanak murriztuz optimizatu ditzakegun negozio-prozesuak aztertzen ditugu, itxierak, operazioak eta abar automatizatuz eta optimizatuz. Era berean, enpresa baten analitika sendo eta fidagarri bat sortzean zentratzen gara, enpresan gertatzen ari den informazio hori guztia bildu eta modu arin eta ikusgarrian konpainien erdi-mailako agintari eta erabaki-zentroetara eramateko gai izateko”.
Ezarpen berrienen artean, farmazia-sektorera bideratutako bat nabarmendu behar da. Bertan, funtsezkoa da sendagaiak manipulatu behar dituzten langileen prestakuntza kudeatzea, identifikatzea eta egiaztatzea. Oso lan nekeza da eguneratuta izateko, batez ere langileek egin ohi dituzten prestakuntza-ikastaro ugariak direla eta. “Gaur egun, prestakuntza ‘elearning’ formatuan egiten da, aurrez aurrekoa izan beharrean; horregatik, garrantzitsua da bakoitzak, bere lanpostutik edo ordenagailutik, ikastaro bat nork egin duen edo ikastaroaren zein puntutan geratu den jakitea. Online testa egin dezakegu eta erantzunak jaso. Ziurtagirien eta abarren dokumentazio guztia langile bakoitzarentzat partekatutako eta zentralizatutako karpetetan gorde dezakegu, eta lanpostuetan enplegatuen gaikuntza eta prestakuntza oso modu dinamikoan eta egunean egiaztatuta izan ditzakegu”, azpimarratu du Pérez de Goldarazenak.
Oreka ITk arrakasta izan duen beste kasu bat automobilgintzako enpresa bateko lan-absentismoarekin lotuta dago, arduradunak azaldu duenez: “Enpresak aztertu nahi zuen zergatik une jakin batean absentismo-ehuneko handiago bat ematen den, beste une batzuekin konparatuta. Enpresa gai bada arrazoi horiei aurrea hartzeko, lanpostuak eta aste horietako txandak askoz eraginkorragoak izango dira. Analitika aplikatuz, zenbait ondorio atera dira, eta, horietan oinarrituta, konpainia gai da urteko aste bakoitzean absentismo-maila zein izango den zehaztasun argiarekin iragartzeko”.
Datuen analisia ez dago soilik enplegura bideratuta, baita industrien eta haien makinen prozesuen operatibora ere. Horren adibidea da makinen mantentze prediktiboa, sortzen dituzten funtzionamendu-datuen analisiaren bidez, konpainiako CEOak azaldu duenez: “Tenperatura, bibrazioak eta horrelako faktoreak sentsorizatzeko gai bagara, sistemei erakuts diezaiekegu makina bat matxura baten ondorioz noiz geldituko den abisatzen. Gainera, sistemak astebete lehenago jakinarazten badu, astebete izango dut makina hori gelditzeko eta mantentze-prozesua programatzeko, produkzio-plangintzan eragin gutxien izango duen momentuan gelditzeko. Programatu gabeko geldialdi horiek murrizteak produktibitatea optimizatzea eragin du planta askotan”.
SAP, ERP edo CRM plataformen ezarpena ez da berria, “Big data” edo Business Intelligence bezalako terminoak ere ez diren bezala. Une honetan, plataforma horien gaitasunak ugariak dira eta, aldi berean, kostuak jaisten dituzte. “SAP orain dela 10 urte eskaintzen zirenak baino askoz ere prozesu- eta biltegiratze-ahalmen handiagoko soluzioak ematen ari da, enpresentzat arrazoizkoa den kostuarekin. Oso proiektu eraldatzaileak egin ditzakegu; izan ere, duela 10 urte genuenaren antzeko inbertsio-kostuarekin, orain askoz ere informazio gehiago kudeatzeko gai gara. Eta aztertzen eta kudeatzen dugun informazio gehigarri horrek, azkenean, zuzenean enpresa-erabakietan eragina du, gaur egun bilatzen den enpresa adimendunaren kontzeptua hain zuzen ere”, azpimarratu du Oreka ITko CEOak.
Hala eta guztiz ere, Arabako aholkularitza-enpresak duen erronka nagusietako bat hurrengoa da: enpresa txiki eta ertainei horrelako enpresa-kudeaketako sistemak erabiltzearen garrantziaz konbentzitzea, Iraitz Pérez de Goldarazenak nabarmendu duenez. “Teknologia eta inbertsio gaitasuna daudela uste dut, eta eraldaketa digitalerako laguntza nahikoak eskaintzera bideratutako administrazioak ditugula. Eraldaketa digitala soilik enpresa handien gauza bat ez dela kontzientzia dagoela uste dut, hau da, tresna batzuk enpresaren sektore eta tamaina guztietara egokitzen dira. Eta ez dagoela enpresa bat digitalki eraldatu behar ez izateko bezain txikia. Izan ere, ETE asko ikusten ditut beren plan estrategikoa, soilik, biziraupena eta urtea igarotzea dela. Agian, 4-5 urtera begiratzeko ikuspegia falta da ETE askoren eraldaketa digitalerako plan gisa. Arazoa da enpresa txiki eta ertain horiek guztiek, edo digitalki eraldatu gabe dauden enpresa txiki eta ertain gehienek, dirua irabazten jarraitzen dutela eta, beraz, ez dutela epe motzeko mehatxurik antzematen. Badirudi beti alde batera uzten dela eraldaketa digitala. Baina, askotan ikusten ari garenez, mehatxuak sumatzen direnean berandu da. Eraldaketa digitala ez da 6 hilabetetan egingo dugun gauza bat. Garaiz egin badaiteke eta aurrea har badiezaiokezu, zure konpainia lehiakorragoa izango da, eraldaketa digitalak inbertsio segurua itzultzen duelako eta frogatuta dagoelako”.
Oreka ITren agendaren beste erronketako bat TicketBai-rekin lotutako soluzioak ezartzea da. Bizkaiko enpresek 2022ko urtarrilaren 1ean nahitaez bete beharko dute, eta, ondoren, Gipuzkoakoek eta Arabakoek. “Enpresa asko egokitu dira eta beste batzuk egokitzen ari dira. Ez da proiektu erraza. Denbora eta baliabideak behar dituzte erakundeek, eta, beraz, ohartarazpen bat egingo nuke, enpresek lehenbailehen egin dezaten eta denbora gal ez dezaten”.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du. Aurkitu hemen eskuragarri dauden laguntza guztiak.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.