Novaut, blog batetik jaio zen marketplace industrialaren finkapena
Novaut ordezko piezetan espezializatutako marketplace bat da, Vitoria-Gasteizen du egoitza, eta automatizazio industrialeko 800.000 produktu baino gehiago eskaintzen ditu. Pandemian sortua, onlineko denda honek 90 herrialderi egin zizkion salmentak pasa den urtean, eta aukera ematen du ordezko pieza kritikoak lortzeko, baita osagarri industrialak ere. Horiek guztiak erabakigarriak dira makinak, instalazioak edo fabrika osoak gelditzea saihesteko, bertako CEOak, David Ibañezek, dioenez.
Nola azal daiteke marketplaceren helburua?
Marketplacea produktuen kontzentratzailea da, enpresek bertan beren produktuak argitaratzen dituzte, eta webgune baten bidez saldu. Horrela, gure kasuan, 800.000 produktu baino gehiago ditugu orain stockean, sinkronizatuta ditugun eta momentuan eguneratzen ditugun biltegietatik datozenak.
Eta ordezko pieza kritiko bat?
Ordezko pieza kritiko bat momentu jakin batean hondatzen den osagarri bat da (elektronikoa normalean) eta, beraz, makina edo instalazio bat edo, makinaren arabera, fabrika osoa geldiarazteko gaitasuna du. Automaten CPUez ari gara hizketan, HMI pantailez, abiadura-erregulagailuez, bihurgailuez… Ordezko pieza kritikoak elementu berdin batekin bakarrik ordezka daitezke; izan ere, beste fabrikatzaile baten osagarri bat edo antzeko modelo bat jarri nahi baduzu, inbertitu egin beharko duzu ingeniaritzan, hala kableatuan, nola programazioan… Osagarri zehatz hori ezinbestekoa da zure lehiakortasunak bizirik iraun dezan.
Zer testuingurutan jaio zen Novaut?
Ingeniari elektronikoa naiz eta beti egin dut lan automatak eta robotak programatzen, makinak martxan jartzen… Proiektu hau abian jarri aurretik automobilgintza-fabrika bateko mantentze-lanetako arduraduna nintzen eta, bertan, oso ondo izan behar genituen identifikatuak horrelako ordezka pieza kritiko guztiak; izan ere, robotekin lan egiten zuen soldadura-zelula bat geldituz gero, esaterako, 24 ordu baino gehiago irauten bazuen, kotxeen fabrika oso bat geldiaraz zezakeen eta, hortaz, nahiko garrantzitsua da ordezko piezen analisia eta kontrola…
Baina egia da proiektua blog batetik abiatuta hasi zela?
Bai, bai… Bere garaian sortu nuen «Novedades Automatización» izeneko blog bat, hura elikatzeaz arduratzen nintzen, eta automatizazioaren gaineko berriak eta artikuluak idazten nituen bertan. Fabrikatzaileek merkaturatzen zituzten produktu berri guztiak aztertzen nituen, baita interesgarria iruditzen zitzaidan produktua ere, eta hari buruzko berri bat argitaratzen nuen. Gutxinaka, bloga ezaguna egiten hasi zen, eta fabrikatzaile guztiek produktu berriak bidaltzen zizkidaten, argitara eman nitzan. Ondoren marketplacea sartu nuen, eta, ataria jada ezaguna zenez, lehenengo urtean Novautentzako produktu piloa lortu nituen, eta haien izena hortik dator, hain zuzen, «Novedades Automatización»…
Noizbait nabarmendu duzu rara avis enpresa bat direla sektorean benetako erraldoiekin lan egiteagatik… Zein da posible egiten duen balio bereizgarria?
Hala da. Gure enpresako sektoreak benetako erraldoiak dira, eta milaka milioi euro fakturatzen dituzte, baina lekua egin dugu haien artean. Zergatik? Suposatzen dut enpresek benetako eragiletzat hartzen gaituztela, onlineko salmentaren eta produktuen tipologia horren barruan. Egia da gure plataformaren barruan onlineko salmentan lan egiten duten enpresa erraldoiak daudela Gehienek beren denda daukate eta bertan jasotzen dituzte eskaerak, baina haien produktuak gure marketplacean ere izaten dituzte, eta hori haien stock soberakin handiengatik da, lekuz aldatu behar baitituzte. Stock asko izanagatik ere, ikusgarri egiten ez baduzu, ezin izango dituzu produktu asko atera, eta horregatik da oso interesgarria gurekin produktuak argitaratzea eta ikusgarritasuna ematea. Ildo horretatik, 92 herrialdetan saltzea lortu dugu eta gero eta ohiko bezero gehiago etortzen dira bilatzen ari diren produktua daukagun galdetzera. Gure plataformara behin etorri, gure bilatzailean produktua sartu eta aurkitzen baduzu, itzuli egingo zara segur aski.
Baina horrez gain, zein da zuen balio bereizgarria?
Gure posizionamendua, esango nuke. Argitaratzen dugun produktu oro emaitza onenen artean kokatzen dugu eta, horri esker, bezeroek oso azkar aurkitzen dute produktua bilaketa-prozesuetan. Webgune bizia gara, egunean 300.000 eta 400.000 orri artean eguneratzeaz gain produktu berri asko sortzen dituena, eta horrek posizionamendu oso ona izateko aukera ematen digu Egiaz, Google gure webgunea indexatzen hasten den bakoitzean bertan behera uzten du, aktibatu beharreko gauza berri guztiengatik eta, beraz, mugak jarri behar dizkiogu, webgunea bertan behera utz ez diezagun.
Enpresa sortu eta bost urtetara, zein heldutasun-unetan dago?
Oraintxe bertan esan daiteke nahiko kontrolatua daukagula enpresa, munduko erreserba guztiekin, egunero gertatzen ari zaigun guztia ikusita. Baina nahiko lasai gaude nolabait, batez ere aspektu batzuei dagokienez —finantzak, esaterako, guretzat ezinbesteko gaia baitira, baina baita stockei, inbentarioari, itzulketei, bermeei eta abarrei dagokienez ere—
Egoitza Jundizko industrialdera aldatzea ondo datorkio zuen enpresaren momentu on horri?
Jundizera aldatzeko ideia proiektua hasi berritan genuen buruan, eta, izaera industriala duenez, ekosistemetatik eta fabriketatik gertu egon behar du. Orain de la gutxi arte BIC Araban geunden —Miñaoko inguru zoragarria da, oso gustura egon gara bertan eta oso ondo tratatu gaituzte—, baina aurten ateratzea tokatzen zitzaigun eta Jundizko aukera sortu zen. Eta ez genuen birritan pentsatu! Egiaz, erabaki ona izan da, gertuko enpresekin mugimendua ikusten hasiak baikara.
Lotutako albisteak
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko