NBEren txosten baten arabera, euskal enpresen % 92k txertatu dituzte teknologia digitalak
Zibersegurtasun, sare sozial eta lainoko konputazioaren arloetako teknologiak izan dira euskal enpresek azken hiru urteotan gehien txertatu dituzten teknologia digitalak
NBEren txosten batek azpimarratu du asko direla teknologia digitalak darabiltzaten euskal enpresak. UNIDO-Garapen Industrialerako Nazio Batuen Erakundeak “Euskal industriaren eraldaketa digitala eta bere posizioa balio-kate globaletan” izeneko txostenean dio inkestatutako enpresen % 92k gutxienez teknologia digital bat txertatu duela. Gainera, enpresen %80k bi teknologia digital darabiltzate eta %70ek hiru.
Txosten hori SPRI Taldearen eta Orkestraren parte-hartzearekin egin da, eta iaz eginiko Euskal Industriaren Eraldaketa Digitalari buruzko inkestaren emaitzak aztertzen ditu, zeinetan galdeketa egin baitzitzaien Euskadi osoko 500dik gora enpresari teknologia digitalei buruz. Orobat aztertzen du zenbateraino uste duten euskal enpresek teknologia berri hauek ondorioak izango dituztela euren produkzio-jardueren eremu desberdinetan.
Azken hiru urteotan, euskal enpresek gehienbat txertatu dituzte zibersegurtasun, sare sozial eta lainoko konputazio arloetako teknologiak, % 55, % 54 eta % 48ko ratioekin; aldiz, errealitate areagotua, sistema ziberfisikoak eta biki digitalak % 10etik beherako ratioetan gelditu dira.
Txostenaren arabera, euskal enpresak horrelako teknologia digitalak erabiltzen hasi izanaren ondorio garrantzitsuenak dira hazi egin direla produktu/zerbitzu adimendun berrien salmentak, lehiakortasuna hobetu dela eta bezero berriak erakarri direla.
Gainera, azterlanak alderatzen du zein neurritan txertatu dituzten teknologia horiek Euskaditik kanpoko ekoizpen-lantegiak dituzten enpresek edota Euskadiko kluster-elkarteetako kide diren enpresek, eta, bi kasuetan, teknologia digitalen txertatze-mailaren portzentajea handiagoa da, bai nazioartekotutako enpresetan, eta bai klusterretako enpresetan.
Azkenik, euskal enpresa batzuek atzerriko ekoizpen-lantegiak erosteko dituzten arrazoiei buruzko perspektibak ere jasotzen ditu txostenak.
Azterlan hori oinarritzat erabili da euskal industriaren eraldaketa digitalaren esperientzia sartzeko UNIDOk bi urterik behin egiten duen Garapen Industrialari buruzko IDR 2020 Txostenean, zeinak aztergai baitu manufakturako produkzioaren etorkizuna eta teknologia berrien inpaktua garapen bidean dauden herrialdeen nahiz herrialde industrializatuen industrializazio-prozesuetan. Txostena egiteko, UNIDOko hainbat kide etorri ziren Euskadira, eta elkarrizketak egin zituzten enpresa industrialekin, hala nola, Fagor Industrial, Ormazabal, Gestamp, Arteche, SNA Europe, NBI Bearings edota Orbearekin, eta baita ere ACICAE, AFM, EEE eta GAIA klusterrekin. Cristina Oyónek, Ekimen Estrategikoen arduradunak, aurkeztu zituen txostenaren emaitzak txostena egin zuen Aditu Taldearen aurrean, eta Ekonomi Garapen eta Azpiegitura sailburu Arantxa Tapiak berretsi zituen UNIDOren egoitzara eginiko bisita batean.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian