Mccgraphics, arte grafikoetako kooperatiba bat bere negozioaren % 50etik gora esportatzen duena
Errenterian kokatutako Mccgraphics enpresa Mondragon Taldearen barruko kooperatiba bat da eta inprimaketa industrialaren arloan ari da lanean. Errotatibako inprimaketa industriala egiten duen Euskadiko enpresa bakarra da, eta bere produkzioaren % 50 baino gehiago esportatzen du. Enpresa horrek SPRI Taldearen Zibersegurtasun Industrialeko programaren laguntza bat jaso du.
Mccgraphics enpresak arte grafikoen arloko hiru kooperatibez osatutako talde batean du jatorria: Litografia Danona (1969an Oiartzunen sortua), Artes gráficas Elkar (1967an Loiun sortua) eta Evagraf (1966an Gasteizen sortua). “Hirurak elkartu ziren kudeaketa arlo bakar baten pean, eta 1999an S.A. bat eratu zuten errotatibako inprimaketan aritzeko” azaldu du konpainiako sistemen arduradun Imanol Andrések.
2011n bat egin zuten Mccgraphics izeneko kooperatiban, eta arte grafikoen sektorean jarraitu zuten, “baina inprimaketa industrialera pasa ginen, hori baita merkatuak eskatzen duena”.
Enpresa honek katalogo industrialen eta aldizkari nahiz liburuetako goiburuen inprimaketa-produktuak eskaintzen ditu nagusiki. Bere bezeroak sektore industrialekoak dira, gehienbat automobilgintzakoak eta editorialak. Merkatuaren erdia atzerrian dauka, “ia erabat Frantzian, ondoan daukagu eta”.
Mccgraphics-ek katalogoak inprimatzen ditu Ikea, Saltoki edo SNA bezalako enpresentzat. Bere lantegia -5.500 metro koadro baino gehiago duena- gai da milioi bat eta erdi folio baino gehiago ekoizteko bi aldeetatik. “Hileko 120 eskaera inguru ateratzen ditugu”.
Konpainia honek ere jasan du paperaren sektoreari eragiten dion krisia, 2008an hasi zena: “sektorea ez da egokitu oraindik, eta fakturazio txikia duten enpresa asko daude. Guk, berriz, errotatiba-makinetako fabrikazioari esker, ez daukagu lehiakiderik Euskadin, bai ordea Bartzelonan eta Madrilen”.
Inbertsio handiak
Arte grafikoen sektorean inbertsio handiak egin behar izaten dira, eta Mccgraphics-en errotatibak 6 milioi eurotik gorako kostua du, “horregatik, eguneraketak egiten ditugu. Oso sektore heldua da gurea. Inprimaketa digitala ez da lehiakorra tirada ertain eta luzeak egiteko”.
Gaur egun 55 pertsonako plantilla dauka “baina datozen hilabeteetan langile gehiago hartu nahi ditugu”, eta inprimaketa-lantegi bakarra du Errenterian. Aurtengo fakturazioa 13 milioi euro ingurukoa izango da, eta negozioaren % 3 bideratuko dute I+G-ra.
SPRI Taldearen zibersegurtasun industrialeko programaren bidez jasotako laguntza erabili dute segurtasun-sistema osoa eguneratzeko, lantegi osoa sektorizatuz eta zerbitzariak eguneratuz. Proiektua garatuta dago jadanik.
Etorkizuneko erronkak dira bi urte barru 15 milioi euroko fakturaziora iristea eta lantegiko lineak automatizatzea lehiakorrago izateko. “Gai izan behar dugu Turkiako enpresa batekin lehiatzeko, gure merkatuan tokikotasunak ez baitauka garrantzirik. Funtsezkoa dena prezioa da”. Horregatik, etorkizuneko asmoa da tiradetan papera aurreztea, makinak automatizatzea eta errendimendu handiagoa lortzea.
Halaber, digitalizazioaren aldeko apustua egin dute, zeina aspaldi baitago txertatuta enpresaren produkzio-prozesuan. “Baina ezin dugu ahaztu gure mundua papera dela, hau da, produktua papera da. Ikusten dugu liburu fisikoa itzultzen ari dela, jendeak atsegin duelako orriak ukitzea”.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean