Makina adimendun eta konektatuak: Balio erantsia lortu artezketa digitala hobetuz
SPRI taldeak, BDIHren eskutik, makina adimendun eta konektatuen nodoa ekartzen dio euskal ETEei. Aktibo eta aditu-sare honen helburua, EAEko ETE industrialek artezketa digitalaren arloan dituzten ezagutza-, garapen- eta frogapen-beharrak konpontzea da, horretarako, piezetan akabera ezinhobeak lortzeko dituzten beharrak konpontzen lagunduz, prozesu egonkorrak, optimizatuak eta akatsik gabekoak ezarriz, edota artezketa prosezuan erreak edo gainazaleko markak bezalako arazo kritikoak saihesten lagunduz.
Artezketa kritikotasun bereziko fabrikazio-prozesua da, prosezuaren berezko konplexutasun teknologikoa eta, normalean, piezen akabera-prozesu bat izateko erantzukizuna bateratzen baititu. Fabrikazio-prozesuaren azken etapan erabiltzen da produktuaren dimentsio-tolerantzia eta gainazaleko akabera hobetzeko, eta, horrela, fabrikatutako piezaren azken kalitatea bermatzen da. Faktore horiek, artezketa baten kalitatea behar duten produktuak prestazio eta balio erantsi handikoak izatearekin batera, balio erantsi bereziko ondasun eta lehiakortasunaren eta prestigioaren zigilu bihurtzen dituzte artezteko makinak eta soluzioak fabrikazioaren esparruan.
BDIHaren nodo honek eskaintzen dituen zerbitzuen helburua, eskuragarri dauden aktiboek ahalbidetzen dituzten aldagai guztietan dauden prozesuak hobetzea da, hala nola, artezketa zilindriko horizontal eta bertikala, artezketa laua eta zentrorik gabekoa, besteak beste, honako zerbitzu hauen bidez: pieza partikularrentzako baldintza produktibo bereziei buruzko entseguak, proba esperimentalak egiteko entsegu-bankua, mekanizazio superurratzaileko ikerketa edo gainazaleko osotasunaren ziurtapena.
Artezketa, manufaktura-enpresentzat berebiziko garrantzia duten ezaugarriak lortzearekin lotuta dago, hala nola, kalitate-, osotasun-, fidagarritasun- eta produktibitate-baldintza zorrotzak. Horretarako, teknologia desberdinei buruzko ezagutzak batu eta horiek konponbide integratzaileetan bildu behar dira: makinen eta osagaien portaerari, materialei eta haien interakzioei buruzko ezagutza, eta fenomeno termikoak, dinamikoak, diamantatze- eta artezketa-prozesuen oinarriak, besteak beste, artezketa-soluzio baten konfiguraziorako beharrezkoak dira.
BDIHaren makina adimendun eta konektatuen nodoak, gaur egun artezketa digitalaren prozesuan espezializatuta dagoena, aipatu diren beharrezko ezagutza guztiak biltzen ditu, baita aktiboak ere, hau da, ekipoak, artezgailuak, sentsoreak, softwarea eta langile adituak, enpresa mekanizatzaileei (artezketa) eta sektore estrategikoetako (biomedikoa, automozioa, energia sortzea, trenbidea, etab.) pieza eta osagai industrialen fabrikatzaileei beharrezko soluzioak emateko gai direnak, aldaera ugari hartuz: artezketa zilindrikoa, laua, erdigunerik gabea, bertikala, horizontala, pieza-materialen tipologia desberdinak, errotarriak eta hozgarriak.
Nodoak, aktibo- eta pertsona-sare hori osatzen duten 6 erakundeen artean banatuta dauden 11 aktibo ditu, euskal industriarentzat eskuragarri daudenak, sareak euskal lurralde osoa hartzen baitu.
IDEKOk koordinatuta eta IK4 TEKNIKER, UPV/EHU, Mondragon Unibertsitatea, IMH eta CEITek osatuta, nodoak eskaintzen dituen zerbitzuek honako onura hauek ekar diezazkiekete euskal industria ETEei: industriako artezketa-prozesuak hobetzea, artezteko prozesu berriak ikertzea, laguntza-prozesuak hobetzea, artezteko makinak testatzea eta egiaztatzea, artezketa-aurreko eta ondorengo piezak testatzea eta egiaztatzea eta digitalizatzea. Ekipamenduan 6 milioi euro baino gehiagoko inbertsioa eginez, nodoa lankidetza-gune bat da, eta industria-digitalizaziora eta artezketa-teknologiara bideratutako ikerketa-proiektuen esperimentazioan, erakustaldian eta baliozkotzean oinarritzen da. Horrez gain, prestakuntza- eta gaikuntza-zerbitzuak eskaintzen dizkie industria digitalera bideratutako lanbide-profil berriei. Horrek agerian uzten du, beste behin ere, bai BDIHko kideek eta bai euskal ekosistema industrialak, teknologia digital eta iraunkor berriekin duten konpromisoa eta esparru horretan abangoardian egoteko egiten duten ahalegina.
Makina adimendun eta konektatuen nodo honek euskal ETEei eman diezaiekeen balio erantsian sakondu nahi baduzu, jarraitu artikulu sorta hau, bertan zehatz-mehatz azalduko baidizugu zer gaitasun, aktibo eta zerbitzu eskaintzen diren modu praktiko eta hurbilean.
Eta jarri harremanetan BDIHrekin zure empresari gehien interesatzen zaion irtenbidea nola hurbildu diezaiokegun jakiteko.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.