JakinCodek I+Gko Europako bi proiektutan parte hartu du, zibersegurtasunean aurrera egiteko helburuarekin
4.0 industriak eta enpresen eraldaketa digitalak agerian utzi dute zibersegurtasunaren garrantzia. Horren erakusgarri dira 2020an onartu diren 175 zibersegurtasun-proiektu baino gehiago, Elkartek, Basque Industry 4.0, Ekintzaile edo Hazitek bezalako laguntza-programei esker, zibersegurtasuneko programa espezifikoak izan ez arren arlo horretako jardueren ikerketan eta garapenean lagundu dutenak. Azken horren barruan daude CRYOGNIC eta GURU, zibersegurtasunaren arloan soluzio berritzaileak bilatzen dituzten I+Gko bi proiektu.
Pandemiak sektore guztietan izan duen eragina gorabehera, JakinCode Gasteizko enpresa gazteak bi berrikuntza-proiektu horietan parte hartu du 2020 honetan, industria-sarearen zibersegurtasuna indartzeko soluzioak garatzeko. Arabako enpresak 5 urte daramatza neurrira egindako irtenbideak garatzen intrusioen eta zibererasoen aurrean arriskua murrizteko eta negozio-prozesuen jarraitutasun egokia bermatzeko, eta, hasiera-hasieratik, garrantzi handia ematen dio I+Gri: “2014an hasi genuen gure ibilbidea, baina 2016ra arte ez genuen gure benetako jarduera hasi. Merkatuari balioa eman nahi genion, zerbait espezializatuagoa eskaini eta irtenbide generikoetatik haratago joan”, azaldu du Mikel Díaz de Arcaya JakinCodeko zuzendari eta sortzaileetako batek.
2020tik, CRYOGNIC eta GURU proiektu europarretan parte hartzen du. Lehenengoa 2021ean amaituko da, eta helburua da “software eta hardware soluzio bat eskaintzea, robotek doitasun handia lor dezaten kostu txikian eta instalatzeko gutxieneko denborarekin”. Díaz de Arcayak azaldu duenez, “gure lana sistema honen zibersegurtasuna bermatzea da”, zehaztu du.
Bigarren proiektua 2022ra arte luzatuko da, eta adimen artifizialeko azken ikerketak (Deep Learning) aplikatu nahi ditu portaeran oinarritutako mehatxuak detektatzeko teknologien garapenean, ondoren ikuspegi integral batetik aztertzeko. Horrela, JakinCodeko zuzendariak azaldu duenez, “erantzun automatizatu eta adimendunak sortzeko gaitasuna lortu nahi da, zibersegurtasunera bideratutako baliabideen erabilera optimizatuz, sistema ziber-erresilienteak eta moldagarriak lortzeko”. Zehazki, JakinCodek proiektu honetan duen helburua “industriaren bertikalerako trafikoa monitorizatzeko gure soluzioa % 30 optimizatzea da”, azaldu du.
CRYOGNIC proiektutik eta GURUtik lortutako soluzioak hainbat sektore eta ingurunetan aplikatuko dira, hala nola automobilgintzan, makina-erremintan edo erakunde- eta enpresa-ingurunean, nahiz eta “JakinCode-tik industriaren bertikalean murgilduta gauden bi proiektuetan”, zehaztu du Díaz de Arcayak.
Informazioa babestetik harago
Bere Gasteizko egoitzatik, 10 profesionalekin, JakinCodek hainbat enpresa eta erakunderi lagundu die beren zibersegurtasun-sistemen hobekuntzan eta eraginkortasunean, eta soluzio espezifiko bat garatu du kasu bakoitzerako: “Bezeroen ahuleziak aztertzen ditugu, eta beren negozio-logikaren testuinguruan kokatutako kontramedida batzuk proposatzen ditugu, adibidez gailu kritikoetan edo komunikazioen araberako alerta espezifikoen sorkuntzan”, azaldu du JakinCodeko zuzendariak.
Arabako enpresaren arabera, zibersegurtasunerako irtenbideak datuen babesetik eta konfidentzialtasunetik haratago joan behar dira, “soluzio orokorrak beharrezkoak dira, baina ez dira nahikoak”, Díaz de Arcayaren esanetan. “Gure ustez, segurtasuna eraginkorra izateko testuinguruan kokatu behar da; izan ere, erakundeen negozio-arriskuak eta -logikak askotarikoak dira, sektorearen, tamainaren, erabiltzen duten azpiegituraren eta teknologiaren eta abarren arabera. Funtsezkoa da aktiboen garrantzia baloratzea eta haien arrisku-mailaren arabera kontraneurriak ezartzea”, azaldu du.
2021 urte honetan arabarrek euren gaitasunak handitzen jarraitzen dute, “gure bezeroen segurtasuna ikuskatzeko tresna erasokorrak eta defentsiboak garatuz”, gaineratu du. Aldi berean, informazioaren segurtasuna kudeatzeko sistema bat garatzen ari dira, bezeroei ISO27001 edo Segurtasun Eskema Nazionala bezalako araudiak kudeatzen laguntzeko.
Eusko Jaurlaritzak zibersegurtasuna bultzatzen du euskal enpresetan, Basque Cibersecurity Centerren inguruan gai horri buruzko sare ekonomiko bat sortuz.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.