Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 15 urria, 2019 Digitalizazioa Enpresa digitala

ISEAk eta Sprik 5G teknologien potentzialtasunari buruzko jardunaldia antolatu dute

5G teknologiak eta erabilera praktikoak deritzon topaketa azaroaren 7an egingo da Arrasaten

Telefonia mugikorreko teknologien bosgarren belaunaldia gero eta gertuago dagoen errealitatea da, eta telekomunikazioen arloko operadore gehienak 5G sareen hedapena prestatzen hasiak dira dagoeneko. Alabaina, teknologia hauek eta atxikia duten potentzialtasuna ez dira oraindik oso ezagunak. Horren kariaz, ISEAk eta Sprik Taldeak 5G teknologiak eta erabilera praktikoak deritzon jardunaldia antolatuko dute azaroaren 7an Arrasateko Garaia Teknologia Parkean.

5G zer den eta eskaintzen dituen aukera nagusiak ezagutzera ematea da topaketaren helburu nagusia. Horretarako, jardunaldian, Ekonomia eta Enpresa Ministerioak abian jarri duen 5G Plan Nazionala, 5G azpiegituren hedapena eta teknologia hauen aplikazio praktikoak aztertuko dira, Gauzen Internetari eta M2M komunikazio masiboai arreta berezia emanez.

Jardunaldian parte hartuko dute Ekonomia eta Enpresa Ministerioko Aurrerapen Digitalerako Estatu Idazkaritzak, Telefónicak, Vodafonek, Huaweik eta UPV/EHU, Vicomtech, Ikerlan, Ceit eta Tecnaliako zentro teknologikoek. Ekonomia eta Enpresa Ministerioak emango duen informazio-hitzaldian, azpiegituren hedapena eta espektro irrati-elektrikoaren erregulazioa, eta 5G arloko aplikazio eta proiektuetarako abian diren dirulaguntzak aztertuko dira.

Vodafone eta Telefónica telekomunikazio-operadoreek Estatuan 5Ga hedatzeko abiarazten ari diren proiektuen berri emango dute, eta Huaweik bosgarren belaunaldiko sareei eskaintzen dien telefonia mugikorreko euskarri teknologikoa erakutsiko du. Horrekin batera, topaketan, ezagutzera emango dira Zientzia eta Teknologiaren Euskal Sareko ikerketa-laborategietan egiten ari diren 5Garen arloko aurrerapenak. Euskal Herriko Unibertsitateak, Vicomtechek, Ikerlanek, Ceitek eta Tecnaliak teknologia hauen potentzialtasun osoa erakutsiko dute garatzen diharduten proiektuen bitartez.

5G sareek kalitate eta abiadura handiagoa emango diete konexioei, baina prestazio berriak izango dira haien balio bereizgarri nagusia, bereziki Gauzen Internetaren arloan. 5G teknologiak eta erabilera praktikoak topaketa I+G+b arloko profil teknikoei eta kontsultoretza, telekomunikazio era administrazio publikoetako profesionalei zuzenduta dago. Jardunaldia doakoa da eta Garaia Teknologia Parkeko Ekitaldi Aretoan egingo da.

Lotutako albisteak

18 Marzo, 2024 Digitalizazioa
Datozen hilabeteetan mantendu edo hobetu egingo direla aurreikusten dute euskal industriako sektoreek
Irakurri gehiago
14 Marzo, 2024 Digitalizazioa
Fulsion, herritarrei arreta emateko eragile adimendunak eskaintzen dituen euskal ETEa
Irakurri gehiago
14 Marzo, 2024 Digitalizazioa
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Irakurri gehiago
11 Marzo, 2024 Digitalizazioa
Soy Atenea, optiken eta bezeroen arteko harremana azkartzen duen Gipuzkoako startupa
Irakurri gehiago
KUIK DIGITAL SOLUTIONS 8 Marzo, 2024 Digitalizazioa
‘Kuik Digital Solutions ‘: Diversiusek eta Lautikek bat egin dute 360º software eta IT zerbitzuak eskaintzeko
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak