Inplantalariak: Euskadiko mikroenpresek Fabrikazio Gehigarriaren abantailak ezagutu dituzte
Joan den otsailaren 18an, Euskadiko hainbat mikroenpresak Fabrikazio Gehigarriaren arloan dituzten esperientziak eta premiak partekatu zituzten SPRI Taldeko MikroEnpresa Digitala ekimenak bere Inplantalariak programaren esparruan antolatutako ekitaldi batean.
Ermua, Debegesa, Arrasate eta Durangoko garapen agentzien eta Durangoko Enpresa Elkartearen laguntzaz antolatutako ekimen hori Ermuko Izarra Centre-n instalazioetan egin zen eta hogei bat mikroenpresa elkartu zituen egungo industria sektoreko teknologia gorakor eta berritzaile honi buruz hitz egiteko.
Sektorean erreferentziazkoak diren ‘Hervel Electróquimica‘, ‘Addimen‘ eta ‘3DKoop‘ enpresek parte-hartzaileen aurrean erakutsi zituzten teknologia eta material berriek aukera ematen dute piezak –amaierakoak barne- 3D inprimaketaren bidez fabrikatzeko.
Addimen-ek ikusgai jarri zituen metalezko materialez eginiko amaierako piezak edo baliozkotze-piezak.
Hervel-ek, bestalde, goi-mailako kalitateko akaberak erakutsi zituen. Horrelako 4.0 teknologiak erabiltzen dituzten enpresek entrega-denborak eta kostuak gutxitzen dituzte.
3DKoop enpresako lantaldeak alderantzizko ingeniaritza-erakustaldi bat egin zuen: pieza fisiko bat digitalizatu zuen, ondoren hobetu eta inprimatu daitekeena, balio handiagoa emanaz pieza horrekin osatzen den amaierako produktuari. Hau da, fabrikazio gehigarriak industriako ekoizpen-prozesuei eskain diezaiekeen balioaren alderdi bat erakutsi zuen.
Kasu arrakastatsuak
Gudiker Alberdik, ‘Talleres Asca‘ enpresako kudeatzaileak, teknologia honen kasu arrakastatsu interesgarri bat erakutsi zuen. Azaldu zuen teknologia hori erabili dutela tresneriaren pilotajerako, eta horrek aukera eman diela beren bezeroei eskainitako zerbitzua egokitzeko neurrira eginiko diseinu konplexuekin, eta gainera, ekoizpen tradizionalaren bidez egingo luketena baino merkeago eta azkarrago.
Arrasateko ‘Aitzorrotz‘ enpresak bere hobekuntzen berri eman zuen, aipatuz kostuak gutxitu eta entrega-epeak laburtu dituztela. Izan ere, 2020ko itxialdian erabaki zuten pieza zehatz bat hornitzaile bati erosi beharrean eurek inprimatzea. Gainera, piezaren diseinua ere hobetu dute, kalitate handiagoko amaierako produktu bat lortuz.
SPRI Taldeak bultzaturiko “INPLANTALARIAK” ekimenak doako aholkularitza eskaintzen die enpresa eta ETEei, eta aukera ematen die teknologiak berehala ezartzeko, aurrera egin dezaten euren negozioen eraldaketa digitalean. Funtsean, bultzada bat ematen die prozesuak optimizatzeko, enpresa gisa duten potentziala hobetzeko eta euren bezeroei balio erantsi handiagoa eskaintzeko.
Inplantalariak programak laguntzen dizu:
- Salmentak handitzen, bezeroari erosketa-esperientzia seguru eta eroso bat eskainiz.
- Bezero gehiago atzematen, negozioari eta balizko merkatuari egokitutako presentzia digitalaren bitartez.
- Kostuak eta denborak gutxitzen, digitalizazioa erraztuz eta bezero, bazkide nahiz langileekiko komunikazioa ahalbidetuz; lan kolaboratiboa eta informazioa modu seguruan partekatzeko aukera ematen duten kanalak baliatzen dira horretarako.
- Eskuzko zeregin errepikakorrak automatizatzen, negozioarentzat balio handiagoa duten lanei denbora gehiago eskaintzeko.
- Produktibitatea handitzen, bazkide, langile eta bezeroekiko lan kolaboratiboa lainoan eginez, modu seguruan eta legezko berme guztiekin.
- Bulego bat nonahi izaten, telelanerako aukerarekin eta norbere sistemetarako urruneko sarbidearekin.
- Urrunetik kudeatzen proiektuen egoera, lanaren banaketa, hitzordu/entrega agenda eta abar, langile, bazkide eta bezeroekin sinkronizatuta.
- Enpresa mugikor egiten, gailu mugikorretan bulego bat erreplikatzen duten aplikazioak instalatuz tokiz mugitu behar duzunean.
- Informazioa aztertu eta erabakiak hartzen eraginkortasun handiagoa lortzeko, kontuan hartuz egoerak, portaerak eta joerak ohar/abisuen kudeatzaileekin.
- Zerbitzua hobetzen, produktuetan sentsoreak sartuz funtzionaltasun hobea eskaintzeko edo Errealitate Birtuala erabiliz eskaintzen den zerbitzua zabaltzeko.
Zer eskaintzen du?
Inplatariak programak aholkulari teknologikoz osatutako lantalde bat jartzen du enpresen zerbitzura, premia bakoitzaren araberako teknologiak hautatu eta egokitzeko: zibersegurtasuna, eraginkortasuna nahiz lehiakortasuna hobetzeko eta merkatu digital berrietan ikusgarritasun handiagoa lortzeko tresnak, bezeroekiko zerbitzua azkartzeko tresnak… Gainera, espezialista bat jartzen du ETE eta ekimen autonomoen zerbitzura, proiektuak modu sinple, arin eta indibidualizatuan ezartzen laguntzeko.
Laguntzari buruzko informazio gehiago: HEMEN
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.