Industriarako digitalizazio-proiektuetan izan duten esperientzia partekatu dute 77 enpresak
Automobilgintza, aeronautika, energia eta makina-erremintako 77 euskal enpresa industrialek ezagutzera eman dituzte euren lan-esparruetan garatutako digitalizazio-proiektuetan izan dituzten esperientziak, eta aukera izan dute 250 kontaktu egiteko euren negozioak hobetu ditzaketen teknologietan (Elektronika, Informazio eta Komunikazio Teknologiak (EIKT): fabrikazio gehigarria, robotika kolaboratiboa, sistema ziberfisikoak, errealitate areagotua, errealitate birtuala, ikusmen artifiziala, cloud computing, big data edo zibersegurtasuna) espezializatutako hornitzaileekin.
Eusko Jaurlaritzak SPRIren bitartez urtero antolatzen duen “Enpresen Networking-a 2022 – Smart Industry” topaketaren helburua da erakunde arteko lankidetza sustatzea, EIKTak produkzio-prozesuetan integratzeko eta, bide horretatik, enpresetan Industria Adimenduna garatzeko. Laburtuz, asmoa da eraldaketa digitala aktibatzea lehiakortasunerako palanka bezala.
Jardunaldira azaldu dira produkzio-industriako eta industria digitaleko 77 enpresatako 116 profesional eta 250 bilera egin dira, zeintzuetan agerian jarri diren negozio industrialen errentagarritasuna hobetu dezaketen aukera berriak.
Hiru esperientzia zehatz
Jardunaldian, industria arloko hiru konpainiak eraldaketa digitaleko prozesuan izan dituzten esperientziak partekatu dituzte.
Batetik, ACITURRI Tech enpresako zuzendari Carlos Noriegak ezagutzera eman du bere esperientzia Prozesu Administratiboen Automatizazioan, zeinetatik sortu zen ACITURRI Tech spinoff-a. Prozesu horri esker, % 20 gutxitu da langileek ataza robotikoei eskaintzen dieten ordu kopurua. Proiektua balio-katearen digitalizazioan zentratu da, eta prozesu administratiboak azkartu ditu.
Einnek enpresako bazkide fundatzaile eta zuzendari Javier Gonzálezek fokua jarri du amaierako bezeroarekiko elkarreraginean, hasi produktua garatzeko hasierako fasetik eta prozesua bukatu arte. Azpimarratu du Datuen Analisia ari direla lantzen, eta datu horiei balioa emateko erronka.
Azkenik, Pierburg, S.A. enpresako Carlos Echevarríak bere sektoreko bi errealitate nabarmendu ditu Industria adimenduneranzko trantsizioa hitzaldian: batetik, Teknologiaren sinplifikazioa, hau da, osagai gutxiago fabrikatzeko joera (auto elektriko bat egiteko 200 pieza inguru bakarrik behar dira), eta bestetik, merkatuari dagokiona, belaunaldi berriek ez diotelako lehentasunik ematen ibilgailu bat erosteari.
Echevarría bere negozioaren dibertsifikazioaz mintzatu da eta azaldu du nola egin duten aurrera produktu biometrikoen berrikuntzan eta txartelen fabrikazioan.
Barne kudeaketako hainbat kontu ere azpimarratu ditu, esanez maila horretan bazituztela hainbat sistema, integrazio-prozesuan daudenak: langilearen ataria, Giza Baliabideen ataria, kalitatea, logistika, trazagarritasuna, produkzioa denbora errealean bistaratzea eta mantenimendua.
Euskadi toki onean dago digitalizazio arloan, Europako batez bestekoa baino 10 puntu gorago
Eusko Jaurlaritzako Eraldaketa Digitaleko zuzendari Leyre Madariagak inauguratu du jardunaldia, eta hauxe nabarmendu du: “Adituen iritziz, berrikuntza digitalari errentagarritasuna ateratzeko ezinbestekoa da antolakunde guztia lerrokatuta egotea eta, horrekin batera, aukeraketa estrategiko bat egitea eta tresna propioak zein inork garatutakoak aplikatzea komunitate baten baliabideak aprobetxatuz”. Testuinguru horretan gogora ekarri du IDCk 2026rako eginiko aurreikuspena, zeinaren arabera berrikuntza digitala sortuz arrakasta lortzen duten enpresek produktu, zerbitzu edo/eta esperientzia digitalen bidez lortuko dituzte beren diru-sarreren %25 baino gehiago.
Madariagak bere hitzaldian azpimarratu duenez, “Euskadi posizio onean dago digitalizazio arloan, Europako batez bestekoa baino 10 puntu gorago, Orkestra-Lehiakortasunaren Euskal Institutuak eginiko “Ekonomia eta Gizarte Digitalak Euskadin (DESI 2020)” txostenaren arabera. Azterlan horrek erakusten du Euskadi digitalizazio arloko herrialde “aurreratuen” multzoan kokatzen dela Europako herrialdeen sailkapenean.
Ondoren, Gaia klusterreko zuzendari nagusi Tomás Iriondok nabarmendu du lau osagai jorratu behar direla Eraldaketa Digitalean aurrera egiteko: IOT – Datu fidagarriak biltzea, Adimen Artifiziala, Datuen analitika, Adimen Esperientziala (Errealitate Birtuala…) eta Zibersegurtasuna.
Iriondok bukatu du esanez Eraldaketa Digitalak baliagarri izan behar lukeela errutinazko lanetatik askatzeko, eta etorkizuneko merkatua Digital Service Flow gisa irudikatzen duela (hots, datuetan eta denbora errealean oinarritutako zerbitzu pertsonalizatu proaktiboak).
SPRI Taldea lanean ari da Euskadi 2030 Agenda Digitala garatzeko eta euskal enpresa-sarearen lehiakortasuna hobetzeko. Eta horretarako, enpresen zerbitzura jartzen ditu behar dituzten zerbitzu, aktibo eta laguntza guztiak.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.