Ikor enpresak produktuen fabrikazioan zibersegurtasuna bultzatzeko lan egiten du
Ikor euskal enpresa bere produkzio-prozesuak egokitzeko lanean ari da azken urteotan, produktuen fabrikaren bidez zibersegurtasun-maila berriak izateko xedearekin. “Ugariak dira fabrikatzen ditugun gailu konektatuei eragiten dieten arriskuak, eta, askotan, ahulguneak ohiko segurtasun neurrien azpitik daude”, azaldu du enpresak.
Babes-mekanismo bakoitzak segurtasun-perimetro bat du, eta hackerrak muga horien azpitik dauden mailen bidez erasotzen saiatzen dira. Ikorrek gailuetan grabatzen diren firmwarea grabatzeko eta enkriptatzeko sistemak, Cloud bati lotutako enkriptazio-giltzen datu-baseak, segurtasun-ziurtagiriak eta abar egiten ditu. Diseinatzaile gisa, bere erronka “segurtasun-maila egokia eratzea da, zentzuzko kostu batekin, eta hori guztia gailu sinpleen barruan egokitzeko gai izatea”.
Garapen horietako baten adibide da haizagailuko motorretarako IoT modulua. “Neurrira garatutako gailua da, eta gure bezeroetako baten motor elektrikoen konexio-kutxan instalatzea ahalbidetzen du. Gailu horrek motor arrunt bat 4.0 bihurtzen du, eta konfigurazio-balioetara urrunetik sartzeko aukera ematen du funtzionamenduaren diagnostikoarekin batera“, zehaztu du egoitza Donostian duen enpresak.
“Konektibitateak arrisku handiago bat gehitzen du, taldeak lan egiten duen azpiegitura arriskuan jartzen baitu. Lan-talde bati eraso egin diezaiokete bere firmwarean malwarea injektatuz. Behin instalatuta, datu konfidentzialak jaso, sistemaren jokabidea aldatu edo funtzionamenduan aurreikusi ezin diren ekintzak eragin ditzake“, ohartarazi dute.
Testuinguru horretan, “faktore bereizgarria ez da gailuak komunikazioz hornitzea; askotan, erronka negozio-aukera bakoitza errealitate bihurtzen duen sistema konplexuari ekitea da, teknologiari buruz dugun ezagutzatik abiatuta eta fidagarritasuna, sendotasuna, erabiltzeko erraztasuna eta segurtasuna bermatuz eta negozioaren potentziala epe luzera maximizatuz“, nabarmendu dute Ikor enpresatik. Suteen aurkako babes sistemetarako teknologia berritzailea egiten duen bezeroetako batekin batera, hainbat su-itzalgailutarako IoT manometroa garatu dute.
Euskadi, aukera baten aurrean
“Aurrerapenak oso azkarrak dira segmentu honetan, eta aukera berriak aurkitzeko ez dago 4.0 sistema norberaren baitan esperimentatzea baino pauso hoberik“, esan dute. 2018an, Ikor enpresak retail hozte-sektorean zuen ezagutza eta presentzia aprobetxatuz, enpresak produktu propio batean inbertitzea erabaki zuen, 4.0 konektibitatea zuen hozte-kontrol batean. Laster iritsi zen merkatu-aukera, hozte komertzialeko altzarien merkatuan lider den bezero/kolaboratzaile nafar baten eskutik; izan ere, datozen 10 urteetarako urruneko datuen zerbitzua barne hartzen duen proiektu bat irabazi dute.
“Euskal enpresok lankidetzarako eredu egokia aurkitu behar dugu, azpiegitura nahikoak izateko eta merkatu honetan maila gorenean lehiatu ahal izateko”, azpimarratu dute diseinuaren eta fabrikazioaren aldetik ildo horretan aurrera egiten ari den talde honetatik. Izan ere, balizko erasoak gero eta sofistikatuagoak dira: “Fault-inyection (akatsak eragitea) mikrokontrolagailu askoren irakurketa-babesa gainditzeko erabil daitekeen teknika erraza eta ekonomikoa da”. Helburua da segurtasunerako kritikoa den CPU baten jarraibidea ez betetzea edo oker ebaluatzea.
Akatsak eragiteko hainbat modu daude, elikadura-tentsioa, erlojuaren eragiketa-maiztasuna, igorpen elektromagnetikoak edota optikoak aldatuz, Ikor enpresatik zehazten dutenez. Adibidez, mikrokontrolagailu baten elikadura-tentsioa murriztu egiten da une batez, hark jarraibide kritiko bat betetzen duen bitartean. Horren ondorioz, baliteke instrukzioaren emaitzak huts egitea eta CPUaren unitate aritmetiko logikoaren (ALU) irteera okerra izatea.
Eusko Jaurlaritzak zibersegurtasuna bultzatzen du euskal enpresetan, Basque Cibersecurity Centerren inguruan gai horri buruzko sare ekonomiko bat sortuz.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian