HETEL, zibersegurtasuna LHan txertatzea xede duen europar proiektuaren buru
Ekimena Eusko Jaurlaritzaren Basque Industry 4.0 estrategiako lehentasunekin lerrokatuta dago
Egun, zibersegurtasunari buruzko ezaguerak dituzten profesionalen gabezia handia dago maila globalean, eta hainbat txostenen arabera, eten hau handituz joango da datozen urteotan. Aurreikuspenek diotenez, 2021ean, bete gabeko 3,5 milioi lanpostu inguru egongo dira zibersegurtasunaren arloan, eta gaur egun, enpresen erdiek baino gehiagok esparru honetan dagoen gaitasunik ezari aurre egin behar diote.
Zibersegurtasunari buruzko ezaguerak sustatu eta goi-mailako hezkuntzari dagokion zeharkako gaitasun bihurtzeko asmoz abiarazi da Erasmus+ europar proiektuaren CyVETsecurity ekimena. Ipar Irlanda, Eskozia, Holanda, Finlandia eta Estoniako ikastetxeak ere parte hartzen ari dira Euskadiko Lanbide Heziketako ikastetxeen Elkartea (HETEL) buru duen ekimen honetan.
Proiektuan, Lanbide Heziketako ikasle zein irakasleei zuzendutako edukiak garatuko dira, etorkizuneko profesionalek zibersegurtasunaren inguruko gaietan dituzten gaitasunak handitzeko. Materialek arreta berezia ematen diete enpresa-inguruneetako datu sentiberen erabilera seguruari eta sarean gerta daitezkeen arazoen aurkako babesari.
CyVETsecurity 2018ko azaroan abiatu zen, eta aurtengo udazkenean, taldeak lehendabiziko esperientzia pilotuak egin ditu HETELeko ikastetxeetako batean, Gasteizko Egibiden, alegia. Automatizazioa eta robotika industriala, Mekatronika, Plataforma anitzeko aplikazioen garapena, eta Sistema mikroinformatikoak eta sareak prestakuntza-zikloetako lau irakaslek eta 71 ikaslek parte hartu dute guztira. Pilotuan, taldeek proiektuaren barruan landutako lehen erronka gainditu behar izan dute: konektatutako aparatuak (mugikorrak edo tabletak) erabiltzeak banku-kontuak nahiz posta elektronikoa kudeatzean edo Interneten nabigatzean atxikiak dituen arriskuak identifikatzea eta sarean partekatutako informazioa babesteko neurriak zehaztea.
Proiektua 2020ko urrian bukatuko da. Ordura arte, Lanbide Heziketako 12 ikaslek zuzen-zuzenean parte hartuko dute edukien garapenean, eta beste 90ek gai horiek irakatsiko dituzte ikasgelan. Proiektuaren barruan 1.800 ikasle inguruk gaitasun horiek hartzea da helburua, eta emaitzak webgune batean argitaratuko dira, berrerabiltzeko aukera bermatzearren. CyVET Europar Batasunak kofinantzatu du Erasmus+ programaren bitartez.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian