Fulsion, herritarrei arreta emateko eragile adimendunak eskaintzen dituen euskal ETEa
Fulsion euskal enpresa bat da, eta eragile adimendunak eskaintzen ditu herritarrei arreta emateko, batez ere, administrazio publikoetan, izapideak errazteko helburuz. Hamar urte ditu enpresak, eta kudeaketak egiteko orduan herritarrek webgunean zehar nabigatu behar ez izateko zerbitzuak eskaintzen ditu. SPRI Taldearen adimen artifizialeko programaren laguntza bat jaso du enpresak egitasmo honetarako. EAEko enpresetan AAren erabileran oinarritutako proiektuei laguntzea da programaren helburua. SPRI Taldeak haien proiektuak ezagutzera emateko aukera ematen die euskal enpresei, “Zutaz mintzo gara” egitasmoaren bidez.
Adimen artifizialaren inguruan lan egiten zuten hiru euskal ekintzailek sortu zuten enpresa 2014an, teknologia hori gora egiten hasi zenean. “Hizkuntzaren prozesamenduarekin hasi zen: idaztean edo irakurtzean, makinak zu ulertzea zen helburua”, esan du Inés Aranok, enpresako langileak.
Eragile adimendunak eskaintzen espezializatu da Fulsion. Horietako askok elkarrizketa-sistemak erabiltzen dituzte, eta beste batzuk erabilgarritasuna hobetzera daude bideratuta, “hizkuntzaren prozesamendua eginda, eta herritarrak egin beharreko tramite guztiak erraz egiteko”. Hala, zerbitzuetako bat udalei zuzenduta dago. Udalaren webgunean, herritarrak laguntzaile birtual bat du eskura, eta kontsultak egin diezazkioke. “Zuzenean tramitera eramaten zaitu, eta batzuetan laguntzaileak berak egiten dizu tramitea”. Modu horretan, herritarrek ez dute webgunean zehar nabigatu beharrik tramitea osatzeko, zeregin korapilatsua izaten baita hori.
Tramite ugari kudeatzeko balio du laguntzaile birtualak, hala nola obra-lizentzia bat, dirulaguntza-eskaera bat edota erroldatze bat. Herritarren kexak ere izapidetzen ditu.
Sofware libre
Sektore pribatuan, bezeroarentzako arreta-zerbitzuak eskaintzen dituzten enpresekin lan egin dute, eta Fulsionek laguntzaile birtualekin osatzen die lana. “Egiten dakiguna erabiltzen laguntzea da kontua”. Haien bezeroak, batez ere, administrazio publikoak dira, hala nola Bizkaiko eta Gipuzkoako aldundiak, bi lurralde horietako udalak eta Errioxako udalak.
Sofware libre batekin eta kode ireki batekin egiten dute lan, “tresna guztiak gureak izan daitezen”.
“Komunikazioa eskatzen duen edozer gauzatan lan egiten dugu”. Enpresa handien barne-komunikaziorako zerbitzua eskaintzen dute, esaterako, oporren edo lan-baimenen eskaerekin lotutako zereginetan. “Gure asmoa produktu propioak ateratzea da; oraindik erabiltzen ez diren produktuak ikertzeko prozesu batean gaude”.
Enpresak 8 langile ditu, eta I+G arloa funtsezkoa da enpresa-proiektuan. Laguntzaile birtuala euskaraz ere erabiltzen dute “eta hor ikerketa asko dago egiteko, dena berria delako”.
SPRI Taldearen Adimen Artifizial Aplikatuaren programaren laguntza Ipsia izeneko proiektu batera bideratu dute; bideoak automatikoki sortzeko balio du proiektu horrek. “Pertsona bat agertzen da hizketan eta, ondorioz, askoz irisgarriagoa da adineko eta ohitu gabeko jendearentzat. Horrela, udal baten webgunean, txat baten ordez pertsona bat agertzen zaizu. Ahalik eta naturalen eramatea da helburua”.
Gazteek matematika ikasteko tresna batekin lanean ari da Fulsion. “Barne-garapenean dago. Bideragarria den ikusi behar dugu, eta beste erabilera batzuetarako aplika daitekeen egiaztatu”.
Enpresaren etorkizuneko helburua produktu propio bat merkaturatzea da, “hasieratik amaierara” eurena izango dena. “Orain aurreko puntuan gaude ondo egiteko. Eta laguntzaileak ahalik eta pertsona gehienengana iristea da beste erronka bat”.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.