Euskal enpresek aukera izango dute fabrikazio aurreratura bideratutako Europako berrikuntza-tresna berriak ezagutzeko
Euskal enpresek urriaren 22an egingo den jardunaldi telematiko batean ezagutuko dituzte fabrikazio aurreratuaren arloko berrikuntza bultzatzeko Europako politika berriak. Onlineko ekitaldi horretan Europako Manumix proiektuaren emaitzak aurkeztuko dira. Eusko Jaurlaritzak lideratutako programa hori azken lau urteotan garatu da Euskadin, Lituanian, Piamonten eta Galesen, helburutzat harturik fabrikazio aurreratuaren sektoreko berrikuntza hobetzea.
Jardunaldiko (zabalik dago izena emateko epea) protagonista izango da Maurizio Gattiglio, Europan manufaktura-industriaren eraldaketa bultzatzen duen Manufuture-ES´s plataforma teknologikoko Goi-mailako Taldeko presidentea. Berak aurkeztuko ditu Europako industria suspertzeko giltzarriak eta Manumix proiektuaren nondik norakoak.
Europako programa horrek milioi bat euroko aurrekontua izan du, eta lantaldean elkarrekin aritu dira Innobasque-Berrikuntzaren Euskal Agentzia, Orkestra-Lehiakortasunerako Euskal Institutua, Galeseko gobernua eta Mosta eta Finpiemonte agentzia publikoak (Lituania eta Piamonteko gobernuen menpeko erakundeak).
Partzuergo horrek modu integratuan aztertu ditu industria adimendunaren arloko eskualde mailako ekimen publikoak, euren arteko elkarreragina hobetu eta bikoiztasunak saihesteko. Hala, hainbat hobekuntza inplementatu dituzte I+G+B sustatzeko programa garrantzitsu batzuetan. Zaintza sistema tradizionalez harago, analisi honen bidez azalera atera dira finantzaketa programa desberdinen arteko sinergiak eta gainjartzeak. Eta horrek aukera emango du etorkizunean inbertsioak hobeto diseinatu eta kudeatzeko, eta ondorioz, haien inpaktua handitzeko.
Programa hau, gainera, bereziki garrantzitsua da, fabrikazio adimendunera bideratutako inbertsioetan zentratzen delako. Fabrikazio adimendunak garapen potentzial handia du eta dagoeneko funtsezko elementu bilakatu da oro har Europako industrian eta bereziki Euskadikoan. Zehazki, Eustat-en 2018ko datuen arabera, % 21,1eko ekarpena egiten dio Euskadiko BPGari.
Gainera, 4.0 Industria da Eusko Jaurlaritzak diseinatutako espezializazio adimenduneko politikan (RIS3) nabarmendutako arlo interesgarrietako bat. Jaurlaritzak (Ekonomi Garapen, Jasangarritasun eta Ingurumen Sailaren bitartez) aktiboki parte hartu du proiektu honetan, aukera emango diolako hobekuntzak abiarazteko berrikuntzari laguntzeko programetan eta bidea erraztuko duelako Euskadi sektoreko puntako eskualdeen artean kokatzeko.
Euskadin aplikatu diren hobekuntzak
Euskadin “Manumix Interreg Europe” proiektuari esker aplikatu diren hobekuntzen artean, aipatzekoak dira 2021-2030 aldirako Zientzia, Teknologia eta Berrikuntza Planaren monitorizazio-sistemetan egindakoak, Gauzatu Industria programetan eginikoak (industrian berrikuntzak sartzeko inbertsio programak) eta Hazitek programako proiektu estrategiko bereziak bultzatzeko egin direnak (biak SPRI Taldeak kudeatuak).
Programa honen bi faseetan zehar egin diren lanak eta haien emaitza zehatzak hilaren 22ko jardunaldian aurkeztuko dira, eta ekitaldia streaming bidez jarraitu ahal izango da Eusko Jaurlaritzak Lakuan duen egoitzatik.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat