Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 29 Azaroa, 2021 Digitalizazioa Ekintzailetza

Einnek, industria-koadro elektrikoen indarra

Bizkaiko enpresaren jarduera energiaren, makina-erremintaren, manutentzio, itsasoaren eta osasunaren sektoreetan oinarritzen da. 2022a amaitu baino lehen, plantilla 9 langiletik 15era handituko duen hazkunde-prozesu batean murgilduta dago.

Einnek enpresa bizkaitarra duela urtebete inguru sortu zen osagai eta ekipo elektriko-elektronikoak diseinatzeko eta fabrikatzeko. Javier González Einnek-eko gerenteak zehaztu duenez, “industria-koadro elektrikoak ekoizten ditugu batez ere energiaren, makina-erremintaren, manutenzio, itsasoaren eta osasunaren sektoreetarako”.

Enpresa gaztea hazkunde-prozesu batean murgilduta dago erabat. “Orain bederatzi langile gara eta urte honen amaieran 11 izatera iritsiko gara. Gure asmoa 2022an 15 pertsona izatea da”, gerenteak iragarri duenez. Gainera, hasiera batean, Euskadiko merkatuan zentratuko dute beren jarduera, “nahiz eta iparraldeko eremura edo Estatuko gainerako eremuetara zabaltzea aurreikusten dugun”.

Einnek produktu garatu bat eskaintzen duen arren, bere lan egiteko erak da bereizten duena. Maila teknikoan, produktuak fabrikazio-berme handienarekin fabrikatzen dira, bai bezeroak emandako planoen bidez, bai Eplan garapen elektrikorako softwarearekin sortutako garapen propioaren bidez.

Gainera, ‘lean manufacturing’ fabrikazio motan oinarritzen da bere ekoizpena, eta bertan planifikatzen da produkzioa, beharrezkoak ez den denbora ez galtzeko, denbora eta materiala alferrik ez xahutzeko… Javier Gonzálezek nabarmendu duenez, “Agile manifestuaren bidez egiten dugu, erabakiak hartzeko malgutasuna, aldaketei azkar erantzutea, gardentasuna, iterazio azkarrak, serie labur eta aldakorretarako malgutasuna ematen baitigu”. Eta hori guztia bezeroarekiko komunikazio-sistema batekin uztartuta dago. Horri esker uneoro jakin dezakezu zure ‘on line’ eskaeraren egoera, einnlive plataformaren bidez.

Fabrikazio-metodo horrek ezin hobeto egiten du bat ONA Electroerosión enpresaren fabrikazio-ereduarekin. Enpresa hori elektrohigaduran aitzindaria da, eta uztailean sartu zen sozietatean, Einneken kapitalaren % 24 eskuratuta. “ONAk bere esperientzia eta bezeroen konfiantzarekin laguntzen gaitu, 65 urtez baino gehiagoz elektrohigadurako munduko fabrikatzaile espezializatuena baita”, zehaztu du Javier Gonzálezek.

Digitalizazioarekin jarraitu

Galdakaoko enpresak dituen planen artean, arlo guztien digitalizazioarekin jarraitzea nabarmentzen da. Alde batetik, bezeroekin, aliatuekin, hornitzaileekin eta teknikariekin komunikatzeko tresnak integratzen lan egingo du, hala nola, Jira, ERP, 5’s, Kanban, Scrum… “Informazioa eta prestakuntza partekatzeaz gain, ezagutzak sortzeko eta kideen arteko harremanak ezartzeko komunitateak sortzen lagunduko digute”, adierazi du Einnek-ko gerenteak.

Gauzatu beharreko beste arlo bat da biki digital bat da, sortzea hainbat tresna erabiliz, hala nola EPlan electric P8, Harnes, Propanel edo 3D. Eta, azkenik, online-hodeiari lotutako produkzio-tresnaren garapena.

SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du. Aurkitu hemen eskuragarri dauden laguntza guztiak.

Lotutako albisteak

18 Marzo, 2024 Digitalizazioa
Datozen hilabeteetan mantendu edo hobetu egingo direla aurreikusten dute euskal industriako sektoreek
Irakurri gehiago
14 Marzo, 2024 Digitalizazioa
Fulsion, herritarrei arreta emateko eragile adimendunak eskaintzen dituen euskal ETEa
Irakurri gehiago
14 Marzo, 2024 Digitalizazioa
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Irakurri gehiago
11 Marzo, 2024 Digitalizazioa
Soy Atenea, optiken eta bezeroen arteko harremana azkartzen duen Gipuzkoako startupa
Irakurri gehiago
KUIK DIGITAL SOLUTIONS 8 Marzo, 2024 Digitalizazioa
‘Kuik Digital Solutions ‘: Diversiusek eta Lautikek bat egin dute 360º software eta IT zerbitzuak eskaintzeko
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak