DeustoTech-ek Europako “Senator” proiektuan parte hartuko du, “zero isuri” logistika izango duten hiriak lortzeko
Deustuko Unibertsitateko DeustoTech ikerketa-taldeak Europako “Senator” proiektuan parte hartuko du, zeinaren helburua baita estrategia eta tresna teknologikoak eskaintzea salgaien banaketak hiriguneetan sortzen dituen pilaketak eta ingurumenean dituen ondorioak arintzeko, eta hartara, “zero isuriko” logistika duten hiriak lortzeko. Hainbat enpresa, unibertsitate, aholkularitza espezializatu eta administraziok hartuko dute parte Smart Network Operator Platform enabling Shared, Integrated and more Sustainable Urban Freight Logistics (Senator) proiektuan. Parte-hartze hori lorpen berri bat izango da Deustuk IKTei buruzko ikerketa pertsonen eta salgaien mugikortasunari aplikatzeko egin duen lana nazioartekotzeko bidean.
Hala, Deustuko Unibertsitateko Ingeniaritza Fakultateak eta DeustoTech-ek parte hartuko dute aste honetan logistikaren arloko proiektu europar berri horretako lehen batzarrean. Proiektu hori, garraio arloko programaren barruan (LC-MG-1-10-2019: Logistics solutions that deal with requirements of the ‘on demand economy’ and for shared-connected and low-emission logistics operations) finantzatuko diren hiru proposamenetako bat izango da, Horizontea 2020 programak ezarri dituen erronka sozialen markoan. Lau urtez, erronka zaila eta ikerketa-lan gogorra izango dituzte aurretik, helburutzat harturik lankidetza hobetzea salgaien hiri barruko eta hiri arteko banaketan inplikatutako agenteen artean, eskaerapeko ekonomiaren eta mugikortasun konektatu, adimendun eta partekatuaren paradigmei jarraiki.
Senator programaren erronkak
Hirigune, metropoli eta hirien inguruko eremuetako logistikak baditu gainditu gabeko hainbat erronka, Senator programak konpondu nahi lituzkeenak, horien artean hauek direlarik garrantzitsuenak: erabiltzaile/hiritarren produktu-eskaera hazkorra, kostu asoziatuen gorakada eta sektorearen atomizazioa, salgaien banaketak hiriguneetan sortzen dituen pilaketak eta ingurumenean dituen ondorioak.
Zentzu horretan, eta sektoreko premiei erantzun integral bat eskaintzeko, proiektuak tresna bat garatuko du erabakiak hartzen laguntzeko, operazio logistiko guztiak integratu eta planifikatzeko eta, horrela, banaketa-lanek hirietan duten inpaktua minimizatzeko. Tresna hori bitarteko eraginkorra izango da eragile guztien arteko (operatzaileak, garraiolariak eta administrazioak, hiriko planifikazioaren arduradun diren aldetik) lankidetza ahalbidetzeko. Horretarako, kontuan hartuko dira informazioaren digitalizazioak eta Gauzen Interneta garraioan integratzeak eskain ditzakeen abantaila guztiak, bai eta ibilgailu konektatuek eta autonomoek dakartzaten joera berriak.
Ekimen honekin sortuko den plataformak kontrolerako eta operazio logistikoei buruzko erabakiak hartzen laguntzeko sistema bat izango du, 4 planotan funtzionatuko duena modu integratuan eta kontuan harturik eskaera, flota eta multimodalitaterako eskaintzen dituen aukerak, ibilbideen planifikazio adimenduna eta hiriko azpiegituren analisia, dena ere modu dinamikoan kudeatuta. Jakiteko tresna eraginkorra den ala ez, Senator ingurune erreal batean baliozkotuko da bi Living Lab-etan, alegia, Zaragozan (Espainia) eta Dublinen (Irlanda), proiektuen koordinatzaileak izango direlarik Espainiako Correos (Sociedad Estatal Correos y Telégrafos) eta AnPost, Irlandako haren homologoa.
Partzuergoa, aurrekontua eta Deusturen papera.
4 milioi euroko aurrekontu batekin, bost herrialdetako (Espainia, Alemania, Ingalaterra, Irlanda eta Italia) hamaika bazkidek hartuko dute parte Senator proiektuan. Deusturen parte-hartze zientifiko-teknologikoak 638.875 euro jasoko ditu, eta bereziki bideratuko da plataforma teknologikoan txertatuko den sistema bat garatzera, zeinak eskainiko dituen 360 graduko konponbide integral bat eta sare adimendun multi-kolaboratibo bat. Horrez gain, helburu anitzeko optimizazio dinamikorako teknikak ikertuko ditu bidalketen planifikazio dinamikorako.
Lantalde horretan lanean ariko dira Ingeniaritza Fakultateko eta DeustoTech-eko ikerlariak eta A motako unibertsitate sistemako Deusto Smart Mobility ikerketa taldekoak (Eusko Jaurlaritzak errekonozitua, IT1024-16). Deustun bertan, Pilar Elejoste izango da proiektuko arduraduna (DeustoTech-eko zuzendari teknikoa); Antonio Masegosa ikerlariak zuzenduko du arlo zientifikoa (Ikerbasque Research Associate), eta arlo teknikoan, berriz, Pablo Fernández ikerlaria izango da buru.
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu