Covid-19ak negozio-aukera berriak ekarri ditu
Orkestra-Lehiakortasunaren Euskal Institutuak eta Deustuko Unibertsitateak jardunaldi bat antolatu dute astearte honetan, non digitalizazioak pandemian izandako inpaktua aztertu baitute hiru enpresarekin batera. Enpresa horiek bat etorri dira esatean Covid-19ak negozio-aukera berriak ekarri dituela. SPRI Taldeko Enpresen Sustapeneko zuzendari Aitor Cobanerak Deustuko Unibertsitatearen Bilboko egoitzan eginiko jardunaldian parte hartu du, eta esan du krisi sanitarioa iritsi denetik euskal enpresa txikiek “beldurra galdu diotela” digitalizazioari.
Ekitaldi honetan hizpide hartu dira nola dauden digitalki prestatuta euskal enpresak eta administrazioa, nolako ondorioak izan dituzten pandemiagatiko murrizketek eta etorkizuna. Orkestrako Agustin Zubillagak eta Carla Peletier-ek adierazi dute enpresek euren produktuak dibertsifikatu dituztela krisiari aurre egiteko, eta prozesuak aldatu dituztela, “hasi telelanetik eta berrikuntza irekiraino”. Horrez gain, bezeroekiko harremana ere aldatu egin da, “elkarrekin konbinatu direlarik eredu presentziala eta digitala”.
Aitor Cobanerak segurtatu du, Euskadiko administrazio publikoaren ikuspegitik, “digitalizazioranzko bidea jorratua zegoela lehenagotik”. Adibide bezala jarri du Implantalariak programa, zeinak konponbide digitalak eskaintzen baitizkie mikro-enpresa eta autonomoei. “Pandemian zehar hiru egunetan abiarazi genuen zerbitzua eta 1.000 proiektu baino gehiago garatu genituen. Horri esker, ETEek beldurra galdu zioten digitalizazioari, eta gelditzeko etorri den teknologia bat eskaini genien. Enpresa munduak ulertu du oso baliagarria izan litekeela”.
Cobanerak gogora ekarri du Eusko Jaurlaritza dagoeneko lanean ari dela Eraldaketa Digitaleko Agenda 2025 planarekin, zeinaren helburua baita “elementuak sortzea enpresek erraztasunak izan ditzaten euren erronkak gainditzeko”. Halaber, hizpide hartu du BIND 4.0 ekintzailetza-programaren arrakasta: “Biziki pozgarria da enpresa trakziogileentzat ETEak konponbide-iturri garrantzitsua izatea eta oso interesgarria da startup-ek enpresa handiekin lan egin ahal izatea. Esan liteke programak arrastoa utzi duela. Eta horri guztiari ekintzailetzako ekosistema deitzen diogu”.
“Harreman naturalagoak”
Batz enpresako kudeatzaile Iban Lasagabasterrek esan du pandemian zehar “posible izan dela hornikuntza-kateak ez haustea”, hain zuzen, garapen digitalari esker. Nola enpresa barruan debekatuta egon den aurrez aurreko kontaktua, harreman telematikoek “hobetu egin dituzte erlazioak, enpresa mailako zerbait izatetik harreman pertsonal izatera igaro direlako. Horrela, harreman naturalagoak lortzen dira”.
Sariki enpresako (Unceta Taldeko kidea) zuzendari nagusi Borja Garatek aipatu du pandemiak lankidetza baloratzen eta “azkarrago izaten” lagundu diola bere konpainiari. “Prestakuntza-pilulak egin genituen, eta langile guztiak hasi ziren elkarrekin lan egiten. 500 pertsona prestatzen ditugu urtero eta honen guztiaren alderdi onena da orain ikastaro telematikoak subentzionatzen dizkigutela”.
Aquadat startup-eko zuzendari nagusi Jorge García del Arcok eskerrak eman dizkio Eusko Jaurlaritzari egin duen lanagatik, eta batez ere, BIND 4.0 programari. “Zorte handia dugu Administrazio aitzindari bat daukagulako. Sekulako ideia izan da BIND programaren bidez startup-en eta enpresen arteko zubi-lana egitea”.
Onartu du Covid-19aren krisiak “zur eta lur” utzi zituela hasieran, baina segituan egin zutela diagnostiko azkar bat. “Finantzaketan zentratu ginen, gure produktuak berrikusi genituen eta identifikatutako I+G ildoak azkartu genituen”. García del Arcok esan du hainbat lorpen izan dituztela pandemian zehar, besteak beste, bazkide industrial bat integratzea startup-ean eta akordio bat sinatzea Mexikoko enpresa batekin. “Aurreikusi gabeko negozio-aukerak ireki dira”.
Hona hemen jardunaldiaren laburpena.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.