Berrikuntza Eraldaketa digitala

Bizitzak salbatzen dituzten esku-argiak

1998an sortutako Luznor enpresa arabarra larrialdiko argiztapen-sistemen nazioarteko erreferentea da gaur egun
Elkarrizketak 27 Azaroa, 2019
-

1998an sortutako Luznor enpresa arabarra larrialdiko argiztapen-sistemen nazioarteko erreferentea da gaur egun

Luznor 1998an eratu eta larrialdiko argiztapen-sistemetan espezializatuta dagoen konpainia arabarra da, merkatu-nitxo horretan nazioarteko erreferentzia bihurtu dena. Arrisku edo larrialdiko egoeren testuinguruan, Jundiztik diseinatu, fabrikatu eta merkaturatzen ditu halakoxe testuinguru kritikoetan dauden pertsonen segurtasuna berma dezaketen produktuak.

 

Egun 17 pertsonak osatzen dute enpresa, eta % 60 emakumeak dira. Alazne Castelo buru duen konpainia honek lorratz luzea utzi du azken urteotan garrantzi handiko proiektuetan; hala nola, Marqués de Riscal upategia, El Prateko aireportua edota Espainiako Irrati eta Telebistako Korporazioa, Siemens Gamesa, Iberdrola, Michelin, CAF, Talgo, Alstom, AENA eta beste multinazional batzuentzat egindako lanez gain.

 

Zein izan da zure ibilbide profesionala Luznorreko Zuzendaritza Nagusira iritsi arte?

EHUn ikertzen jardun nuen Bilboko ingeniari eskolan, doktorego-tesia amaitu arte. Horren harira esan genezake ikerketaren eta enpresaren arteko ahalik eta harremanik estuena izan nahi nuela zuzendari nagusiaren karguaz jabetu baino lehen.

 

Konpainia 1998an eratu zen, baina zein testuingurutan sortu zen?

Segurtasuneko elektronikaren eta energia-biltegiratzearen arloetako profesional talde batek erabaki zuen aurrerapausoa eman eta printzipioz larrialdiko argiztapenean jardungo zuen enpresa bat sortzea. Denboraren poderioz, beste bi negozio-ildo garatu zituzten: erabilera profesionaleko esku-argi programagarriak eta etengabeko elikatze-ekipoak.

 

Zein da gailu horien guztien balioa?

Fidagarritasunaz gain, pertsonen segurtasuna nabarmenduko nuke, arrisku edo larrialdi egoeraren bat gertatzen denean. Horrexegatik diseinatu, fabrikatu eta merkarturatzen ditugu Jundizko (Gasteiz) industrialdean dugun egoitzatik, funtzio hori bete behar duten produktuak.

 

I+Gz hornitutako produktuak…?

Jakina. Aspaldi honetan, Ikerketa eta Garapenaren arloko etengabeko jardunean murgilduta gaude, langileen % 20 zeregin horietan diharduelarik. ETE batentzat, I+G+b arloko lana energia-eraginkortasunerako eta iraunkortasunerako bidean aurrera egiteko premiak eragiten du.

 

Non daude Luznorren bezeroak?

Guk obra txikietan zein estatu edo nazioarte mailako proiektu eta garapen handiagoetan parte hartzen dugu. Besteak beste, eraikuntza-enpresentzat, arkitektura-estudioentzat, elektrizitatea banatzeko biltegientzat, erakunde publikoentzat, biltzar-jauregi eta museoentzat, futbol-zelaientzat eta azpiegitura kritikoentzat lan egiten dugu, aireportuak eta zentral nuklearrak tarteko direla.

 

Zergatik dira esku-argi profesionalak zuen aurkezpen-gutunik onena?

Baliteke, bai… Gutxienez, horiexei esker lortu dugu hainbat lehiaketa eta lizitazio irabaztea. Eskatzen dizkiguten esku-argi profesionaletarako aplikaziorik ohikoenen artean, trenbideetan erabiltzen direnak aipatuko nituzke, baita trafikoa kontrolatzeko (lurrekoa, itsasokoa zein airekoa) edota atmosfera leherkorretan erabiltzen direnak ere, papergintza, zurgintza, iringintza, pinturaren industria, industria farmazeutikoa edota produktu kimikoak erabiltzen dituzten nekazaritza eta abeltzaintzako instalazioak barne hartuta. Ildo horretan, esku-argiak hornitu dizkiegu Ertzaintzari, Udaltzaingoari eta beste segurtasun-gorputz batzuei, Gasteizko Suhiltzaileei, Euskotreni eta Bartzelona, Madril, Berlin, Amsterdam, Brusela eta Lisboako metro eta tranbiei. Eta tren-industriaren eragin handia kontuan harturik, CAF, Talgo, Renfe, Adif, Trenitalia, Alstom eta sektoreko beste korporazio handi batzuei ere bai.

 

Zuen negozioko arlo batzuetan lehia normala dela kontuan harturik –Asiako zenbait fabrikatzailek ezarritako prezio-gerra ohikoa baita–, non dago zuen balio bereizgarria?

Geuk bermatutako kalitate eta fidagarritasunaz gain, nik uste dut gure enpresaren balio bereizgarria bezeroekin betidanik agertu izan dugun konpromiso eta gertutasunarekin lotuta dagoela, eta batez ere, enpresaren espezializazio-maila altuarekin, neurrira egindako soluzioak eskaintzeko aukera ematen baitu, bezero bakoitzaren beharrei erreparatuta.

 

Azkenaldiko adibideren bat…

Muturreko lurrikara bati aurre egin eta geroztik normaltasun osoz funtzionatzen duen larrialdiko proiektorea. Geurea izan zen ospitaleetarako, zentral nuklearretarako eta bestelako azpiegitura kritikoetarako kalifikazio sismikoaz bermatutako larrialdiko argiztapena garatu zuen estatuko lehen fabrikatzailea. Horrez gain, arrisku goreneko atmosfera leherkorretan erabiltzeko moduko merkatuko esku-argitik indartsuena garatu dugu, gasolindegi bateko erregai-andelaren barnealdean erabil daitekeena.

 

Nolako aurreikuspenak dituzue 2020ari begira?

Aurtengo datuekin erkatuta, negozioa % 10 gehitzea da esku artean darabilgun aurreikuspena, nazioarteko merkatuan zein estatu barrukoan aurreikusi den hazkundeari esker (% 20koa eta % 8koa, hurrenez hurren). Horren harira, espezializazio handiagoko edo teknologia aurreratuagoko produktuak merkaturatzeko asmoa dugu.

 

4.0 Industriak zuen negozio-ereduan duen pisuari dagokionez, inplementazioaren zen fasetan zaudete, zure ustez?

Fabrikazio aurreratuan diharduen enpresa gara, eta Euskadiko RIS3 Espezializazio Adimenduneko Estrategian zehaztutako hiru lehentasunetako bat dela kontuan harturik, argi dago 4.0arekin zerikusia duen guztia erreferentziazkoa eta jarraitu beharrekoa dela guretzat. Euskadi oinarri industrialeko ekonomiatzat duen posizionamendua eta lidergoa sustatzen laguntzea da gure plan estrategikoan bildutako helburuetako bat, 4.0 filosofiari atxikitako teknologia disruptiboen moduko teknologien laguntzaz sortutako berrikuntza handiko produktuen bitartez.

Lotutako albisteak

Laura  Francos  (SMARTPM):  “Prozesuak  digitalizatu  eta  automatizatzea  edozein  enpresaren  esku  dago”

Laura Francos (SMARTPM): “Prozesuak digitalizatu eta automatizatzea edozein enpresaren esku dago”

SMARTPM enpresak MIC plataforma garatu du ETE industrialen digitalizazio progresiboa errazteko, hainbat teknologia garapen-mailatara egokituz.

Zucchetti  Spainek  enpresen  kudeaketa-prozesuen  digitalitzazioan  laguntzen  du

Zucchetti Spainek enpresen kudeaketa-prozesuen digitalitzazioan laguntzen du

Enpresa bizkaitarrak enpresa-kudeaketarako software soluzioak garatzen ditu. 4.000 bezero baino gehiago ditu industriaren, zerbitzuen eta aholkularitzen sektoreetan, eta horietatik 1.200 Euskadin daude. Gaur egun, Latinoamerikan barneratzea aztertzen ari da.

Formatu  handiko  3D  inprimaketa,  modularra  eta  jasangarria:  Indart3D-ren  proposamen  diferentziala
23/05/2025 Berrikuntza

Formatu handiko 3D inprimaketa, modularra eta jasangarria: Indart3D-ren proposamen diferentziala

Pellet bidezko estrusioan espezializatuta dago. Bere teknologiak material birziklatu edo teknikoekin inprimatzeko aukera ematen du eta soluzio eraginkorrak, moldakorrak eta egungo industriaren erronketara egokituak eskaintzen ditu.

Laura  Ovies  (EIT  Community):  “Euskadi  eta  beste  eskualde  batzuk  beren  garapen  berritzailerako  aliatu  estrategiko  gisa  har  gaitzaten  nahi  dugu”
21/05/2025 Berrikuntza

Laura Ovies (EIT Community): “Euskadi eta beste eskualde batzuk beren garapen berritzailerako aliatu estrategiko gisa har gaitzaten nahi dugu”

Zamudion lan egiten du, eta EIT Community Hub Spain erakundeko arduraduna funtsezkoa da tokiko eragileak kontinenteko berrikuntza ekosistema handienarekin lotzeko, Berrikuntza eta Teknologiaren Europako Institutuarekin (EIT).

Lantekek,  software  industrialean  munduko  liderrak,  36.000  bezero  baino  gehiago  ditu  dagoeneko

Lantekek, software industrialean munduko liderrak, 36.000 bezero baino gehiago ditu dagoeneko

Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du

Lowerton,  adimen  artifizialarekin  enpresak  berritzea  eskaintzen  duen  startupa

Lowerton, adimen artifizialarekin enpresak berritzea eskaintzen duen startupa

Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko

Duplostock  industria-irtenbide  pertsonalizatuen  diseinatzaile  eta  fabrikatzaile  bihurtu  da

Duplostock industria-irtenbide pertsonalizatuen diseinatzaile eta fabrikatzaile bihurtu da

Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.

Abuelo  Actual,  bi  hamarkada  adinekoen  etxeak  oztoporik  gabeko  espazio  bihurtzen
14/05/2025 Berrikuntza

Abuelo Actual, bi hamarkada adinekoen etxeak oztoporik gabeko espazio bihurtzen

Bizkaiko Silver Economy-ko Enpresen Gidaren parte da eta Nagusi Intelligence Centerrek bultzatu du, Foru Aldundiaren proiektu estrategikoak.

Moldes  Ura  enpresak  berrikuntzaren  alde  egin  du  lehiakorra  izaten  jarraitzeko
13/05/2025 Berrikuntza

Moldes Ura enpresak berrikuntzaren alde egin du lehiakorra izaten jarraitzeko

Zamudion kokatuta, automobilgintza sektorerako injekzio eta konpresio moldeak ekoizten ditu enpresak, eta duela gutxi SPRI Taldearen Hazinnova programan parte hartu du.

Novaut,  blog  batetik  jaio  zen  marketplace  industrialaren  finkapena

Novaut, blog batetik jaio zen marketplace industrialaren finkapena

Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.