Bideko segurtasuna ikusmen artifizialarekin bat eginik
Ikusmen artifiziala, sentsorika, datuen analitika eta Gauzen Interneta (IoT). Teknologia disruptiboa automatikoki eta denbora errealean aplikatzea edozein errepideren mantenimendu-lanetarako. Horixe da ASIMOB (Advancec Services in Mobility) ETE bizkaitarraren leitmotivea. 2016an sortutako enpresa horrek urrats erraldoi bat eman du edozein errepide-sareren mantenimendu-lanak automatizatu eta digitalizatzeko, “hasi errepideko seinaleen egoeratik eta asfaltozko zoruraino” azaldu du Estíbaliz Barañanok, enpresako zuzendari nagusiak. Made in Basque Country programan eginiko elkarrizketan, Telekomunikazioetako ingeniari honek aztergai izan ditu prozedura zaharrak baino askoz “eraginkor eta bat-batekoagoa” den sistema “berritzaile” honen abantailak.
Zein testuingurutan sortu zen ASIMOB enpresa?
Ibilgailu autonomoak mugikortasun-ingurune berrietan nola ibiliko ziren pentsatzen ari ginenean sortu zen. Ildo horri jarraiki, pentsatu genuen errepide-sareen, hau da, gure errepideen mantenimendua ere hobetu zitekeela teknologia berriak aprobetxatuz, ahalik eta seguruenak izan zitezen.
Zein prozesu erabiltzen duzue errepide zehatz bateko asfaltoaren edo seinalitikaren “erradiografia” bat egiteko?
Bideo-irudiak hartzen ditugu errepideetan dabiltzan mantenimenduko ibilgailuetatik, horrelako azpiegiturak zaintzen dituzten kontraten ibilgailuetatik, eta ingurune urbanoagoetan, udaltzaingoaren autoetatik. Sentsorez eta kameraz hornitzen ditugu ibilgailu horiek, ordutako grabaketak pilatu ditzaten. Grabatutakoa ia unean bertan igotzen da lainora, eta irudi horiek erabiltzen ditugu benetako egoera eta izan behar lukeena alderatzeko; adibidez, ikusmen artifiziala aplikatzen dugu inbentarioak markatutako trafikoko seinaleak detektatu, sailkatu eta geo-kokatzeko. Horrela egiaztatzen dugu seinaleak egokiak direla, egoera onean daudela eta ongi ikusten direla errepideko kontrol zentrotik. Intzidentziaren bat detektatuz gero, sistemak alarma bat bidaltzen du eta unean bertan iristen zaio errepideko mantenimenduaren arduradunari, dela administrazio publikoa edo dela kontrata bat.
Zein abantaila dauzka sistema honek?
Inbentarioen mantenimendua, erreakzio-denbora azkarragoa gabeziaren bat detektatzen denean, inpaktu ekonomiko txikiagoa eta konstantzia errepideak behin eta berriro gainbegiratzean. Uste dut gauzak egiteko modu berri bat dela, kasu honetan, errepideak mantentzeko modu desberdin bat. Esaterako, eraginkorrago izateaz gain, azken bezeroak informatu ditzakegu aurrez aurre egon beharrik gabe.
Berrikuntza…
Bai, dudarik gabe. Gure izateko arrazoietako bat da. Garraio Sistema Adimendunen Espainiako Kongresuak sari bat eman zigun uda aurretik, proiektu pilotu batean parte hartu genuelako Kantabriako errepide-zati bat monitorizatu zuen Alviac enpresa madrildarrarekin (azpiegituren mantenimenduko enpresa). Eta iaz, Innobasque-k berrikuntza disruptiboko startup gisa sailkatu gintuen.
Aurrerapen digital hauek iritsi aurretik, nola egiten ziren horrelako diagnostikoak?
Eskuz egiten ziren, eta hala egiten dira oraindik ere; hau da, mantenimendu-taldeko pertsona bat errepidean ibiltzen da dena ondo dagoela egiaztatzeko, trafikoko seinale guztiak banan-banan errepasatzeko… Kontuan izan posible dela horrelako profil batek, baldintza normaletan, milaka seinale gainbegiratu behar izatea egunero…
Mantenimendu-protokoloen arabera, noiz esan liteke seinale batek gabeziak dituela?
Askotan ikusi ditugu landarediak estalitako seinaleak, aire zabalean egoteagatik narriatuta edo herdoilduta gelditu direnak edo ekintza bandalikoren bat jasan dutenak. Hiru adibide horietako edozeinek alarmak piztuko lituzke.
Nori interesatzen zaio zuen lana? Nolakoak dira zuen bezeroak?
Normalean erakunde publikoak izaten dira, errepide-sareen mantenimendua kontratei eta enpresa espezializatuei azpikontratatzen dietenak; hortxe kokatu dugu gure merkatu-nitxoa.
Agian ASIMOBen inflexio-puntua iritsiko da auto autonomoen presentzia errealitate bihurtzen denean gure errepideetan
Esango nuke oraintxe bertan ere baduela zentzua. Gidariontzat ezinbestekoa da trafikoko seinaleak ikustea, interpretatzea eta errespetatzea, eta horretarako, egoera bikainean egon behar dute. Hala ez bada, arazoak sor litezke, eta nahikoa da egunero albistegiak ikustea jakiteko oraindik ere gertatzen direla trafiko-istripuak seinalizazio txarragatik. Beraz, arazo bat da, gaur egun ere ondorioak dituena.
Erabiltzen dituzuen teknologiek lengoaia unibertsala dute. Noiz emango duzue nazioarterako jauzia?
Buruan daukagu, zalantzarik gabe, eta baliteke unea iristean herrialdeko enpresa eraikitzaile handien eskutik egitea, zeintzuek negozioak baitauzkate mundu osoan.
Lotutako albisteak
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.