Basque CyberSecurity Centre gazteenengana hurbiltzen da zibersegurtasunarekin “match” egitera animatzeko kanpaina berri baten bitartez
Basque CyberSecurity Centre-k (BCSC) kanpaina bat jarriko du martxan uztailaren bukaera arte. Kanpainaren xedea gazteek segurtasun informatikoarekin “match” egitea izango da, baita beste pertsona batzuekin sare sozialetan zein Interneten harremanak izateko hartu behar dituzten babes-neurrietaz jabetzea ere.
#EginMatchZureZibersegurtasunarekin izeneko kanpaina honek Tinderren hizkera erabiltzen du eta 16 eta 30 urte bitarteko gazteek eguneroko egoera errealei aurre egin eta mundu digitalean duten segurtasun-mailari buruzko hausnarketa egiteko sortua izan da. Tinder, gaur egun harremanak izateko gehien erabiltzen den sare soziala da eta bertan “match” egitea norbaitek beste edonorekin konektatu duela eta elkarrizketa bat hasi dezakeela esan nahi du. Horregatik, kanpainak 💜🔥 emojiak gehitzeaz gain, “match” terminoa erabiltzen du. Horrela gazteak zibersegurtasunarekin konektatzera animatuko ditu, esate baterako, Tik Tok edo Reels-en bideoak grabatzean ingurune anonimoa ziurtatzeko edo partekatu behar ez diren edukiak zeintzuk diren jakiteko.
Sare sozialen erabilera asko areagotu da gazteen artean, baita horiek erabiltzeko denbora. iAB Spain-en 2021eko Sare Sozialen Urteko Ikerketak aurkezten duenez, 26,6 milioi pertsonetatik %17k, hau da, 4,5 milioi inguruk, gure inguruan erabilgarri dauden 20 plataforma baino gehiagotara heltzen dira. Pertsona horien adina 16 eta 24 urte bitartekoa izan ohi da. Horrenbestez, ziberseguratsunaren ikuspuntutik, talde honek ahulgune garrantzitsuak izan ditzake.
Jokoaren dinamika oso erraza da: parte hartzen dutenek BCSC-ren Twitter zein Linkedin kontuetan argitaratuko den kanpainaren orrialdera joan beharko dute, sareetan nabigatzean sor daitezkeen egoera errealiei buruzko baieztapen multzo bati erantzuteko. Galdetegiak egoera oso desberdinak aurkezten ditu: Instagrameko zozketetan datu pertsonalak ezezagunekin elkarbanatzea, beste pertsona batzuen irudi pertsonalak zabaltzea, WiFi sare publikoak erabiltzea edo pasahitzen konplexutasun-maila. Horietako bakoitzean, parte-hartzaileek “swipe” egin beharko dute (Tinderren bezala) eskuinerantz edo ezkerrerantz, aurkeztutako baieztapena egia edo gezurra diren zehazteko. Bukatzean puntuazio edo “score” bat eta segurtasunari buruzko oinarrizko aholku batzuk lortzen dituzte.
Parte hartzea sustatzeko, BCSCk bi bisita gidatu zozketatuko ditu, zentroak zibersegurtasunaren arloan egiten duen lana gertutik ezagutzeko. Gainera, parte-hartzaileek bisita grabatu eta euren profilen bidez partekatzeko aukera izango dute.
Iniziatiba honek BCSCk Internet eta teknologia berriak erabiltzearen ondoriozko mehatxuen aurrean gizarte seguruagoa lortzeko bultzatutako sentsibilizazio ekintzetako bat da.
Basque Cybersecurity Centre Euskadin zibersegurtasuna sustatzeko Eusko Jaurlaritzak izendatutako erakundea da. Euren egitekoak dira euskal gizartean zibersegurtasunaren kultura bultzatzea eta garatzea, zibersegurtasunaren aplikazioarekin zerikusia duen jarduera ekonomikoa dinamizatzea eta sektore profesionala sendotzea.
Kanpainiaren hashtag-a: #EginMatchZureZibersegurtasunarekin
Lehiaketan parte hartzeko orrialdea: https://www.your-promos.com/pub/eginmatchzurezibersegurtasunarekin
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian