Araba Encounterrek eserleku gehiago eskainiko ditu, baita Interneten nabigatzeko abiadura handiagoa ere, bere egoitza berrian
Teknologia-bilkuraren seigarren edizioa abenduaren 6tik 8ra burutuko da Lakua zentro zibikoan, parte-hartzaile eta bisitariei erosotasun handia eskainiko dien egoitza berrian. Arabako topaketa teknologikoan segundoko 20 gigabiteko Interneteko konexioa izango da, iazko abiaduraren bikoitza. Horrela, munduko party azkarrenetarikoen artean kokatu da Gasteizko hitzordua, eta iaz baino ordenagailu-postu gehiago izango ditu: 340 eserleku, hain zuzen. Eskainitako postuak berehala bete dira, 5 minutu eskasetan, teknologia berrien eta informatikaren zaleek urtero espero duten hitzordua baita. Gainera, bisitariek gertutik ezagutu ahal izango dute topaketa, eta Opengune eremu irekiko doako jardueretan parte hartzeko aukera izango dute; hitzaldietan, tailerretan edo aurkezpenetan kasu. 3.000 bisitaritik gora erakartzea aurreikusi dute antolatzaileek. Izan ere, eserlekua duten parte-hartzaileez gain, eguneko sarrera duten bisitariak, tailerretan izena eman duten pertsonak eta doako jardueretarako bertaratuko diren hiritarrak ere hartuko ditu bilkurak. Euskaltel Konekta Fundazioak antolatu eta babesten du ekimena, Arabako Foru Aldundiaren, Eusko Jaurlaritzaren (SPRI) eta Gasteizko Udalaren laguntzarekin
Abenduaren 6tik 8ra Gasteizen burutuko den Araba Encounter 06 topaketak egoitza berria izango du aurten, Lakua zentro zibikoan, parte-hartzaile eta bisitariei ahalik eta erosotasun handiena emateko helburuarekin. Gainera, segundoko 20 gigabiteko abiaduran, iazkoaren bikoitzan, konektatu ahal izango dira partaideak internetera. Euskaltelek eskainitako teknologiari esker, munduko party azkarrenetarikoen artean kokatu da Arabako bilkura.
Eskainitako ordenagailu-postuak berehala bete dira, 5 minutu eskasetan, teknologia berrien eta informatikaren zaleek urtero espero duten hitzordua baita. Horregatik, eserleku kopurua handitzeko apustua egin dute aurten antolatzaileek, eta iaz baino 20 leku gehiago ezarriko dituzte. Halaber, bisitariek gertutik ezagutu ahal izango dute topaketa, eta Opengune eremu irekiko doako jardueretan parte hartzeko aukera izango dute; hitzaldietan, tailerretan edo aurkezpenetan kasu.
Arte digitaleko, software libreko, bideo-jokoetako eta hardware-eko lehiaketak gauzatuko dira hiru jardunaldietan zehar, eta hiritarrei irekitako gunean hitzaldi eta tailer anitz eskainiko dira, errealitate birtuala, segurtasun informatikoa, kriptotxanponak, robotika edo musika digitala bezalako gaien inguruan. Denera, 3.000 bisitaritik gora erakartzea aurreikusi dute antolatzaileek. Izan ere, eserlekua duten parte-hartzaileez gain, eguneko sarrera duten bisitariak, tailerretan izena eman duten pertsonak eta doako jardueretara bertaratuko diren hiritarrak ere hartuko ditu bilkurak.
Arabako Foru Aldundiaren, Eusko Jaurlaritzaren (SPRI) eta Gasteizko Udalaren laguntzarekin, Euskaltel Konekta Fundazioak antolatu eta babestutako ekimenak azken berrikuntza teknologikoak ezagutzeko aukera eskainiko die parte-hartzaileei eta zentrora bertaratzen diren lagunei.
Zoratzeko abiadura
Parte-hartzaileek ekarritako ehunka ordenagailuak sarera konektatuko dira segundoko 20 gigabiteko abiadura izugarrian. Horrela, Euskaltelen banda zabalari esker, nabarmen gaindituko da etxeetako ohiko konexio-abiadura. Gainera, 340 ordenagailuek eta zerbitzu guztien funtzionamendua ahalbidetzen duten zerbitzarien konexio-abiadura 20 gigabitekoa izango da, HP-ren ProCurve switch-ei esker.
Erronka handia da astebetean halako sarea antolatzea, hiru egunetan zehar %100eko errendimenduan lan egingo duena. Baina Araba Encounter topaketak merkatuko partner onenen laguntzari esker lor dezake ekimena arrakasta handiz aurrera eramatea, aurreko bost edizioetan ikusi den moduan.
Araba Encounter euskal informatika-partyen sarearen barne dago, Gipuzkoa Encounter eta Euskal Encounter euskal bilkurekin eta Galiziako Technium R Encounter (Ourense) eta XGN R Encounter (Pontevedra) partyekin batera. Informazioaren eta komunikazioaren teknologien testuinguruan, pertsonen, enpresen eta egitasmoen arteko konexioa bultzatzeko xedez antolatzen ditu Euskaltel Konekta Fundazioak informatika-topaketa horiek, urtean zehar mundu digitalaren zaleen eta profesionalen artean ezagutzak, ideiak eta balioak partekatzeko.
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra