Aeronautikaren euskal sektorea indartuko duen prentsaketa-lantegi berria Abanton (Bizkaia)
Arantxa Tapia sailburua ITS Bilbao enpresaren lantegi berriaren irekiera-ekitaldian izan da. Konpainia horrek SPRI Taldearen laguntza jaso du Invest in the Basque Country-ren bitartez
Prentsaketa-lantegiak Europa hegoaldean bakarra den beroko prentsaketa sistema bat eskaintzen du
Arantxa Tapiak, Eusko Jaurlaritzako Ekonomi Garapen eta Azpiegitura sailburuak, asteazken honetan inauguratu du Abanton (Bizkaia) beroko prentsaketa isostatikoa egiten duen Europa hegoaldeko lantegi modernoena. Azpiegitura horrek bultzada handia emango dio aeronautikaren euskal sektoreari. Isostatic Toll Services Bilbao (ITS Bilbao) enpresak lantegi hau martxan jartzeko laguntza jaso du SPRI Taldearen Invest in the Basque Country atalaren bidez (atzerriko inbertsioa erakartzea helburu duen atala), zeinak hainbat programa koordinatu baititu, besteak beste, hauek: Indartu (eremu kaltetuetan kokatutako enpresentzako laguntzak) eta Gauzatu (enplegua sortzen duten inbertsioentzako laguntzak). Inbertsioa 9 milioi eurokoa izan da guztira.
Isostatic Toll Services Bilbao oso proiektu teknologikoa da, eskaera handia duena errendimendu handiko eta zero akatseko aplikazio kritikoetarako aeronautika, medikuntza nahiz fabrikazio gehigarria bezalako sektoreetan. Hain zuzen, aeronautika sektoreko enpresen eskutik iritsi da Euskadira, teknologia hori behar baitute beren produktibitatea handitzeko eta beren premiak asetzeko.
Beroko prentsaketa isostatikoa errendimendu handiko produkzio prozesu bat da, kalitate handiko material eta osagaiekin egiten dena. Teknologia horren bitartez, askotariko materialak erabil daitezke balio erantsi handiko eta prestazio ugariko osagai bereziak fabrikatzeko. Teknologia hori Estatu Batuetatik dator, arlo horretan liderra den AIP enpresatik, eta ITS enpresak -biak ITS Bilbaoren bazkideak- doitu du, zeinak hiru zentro baitauzka Estatu Batuetan, zertifikatuta eta baliozkotuta daudenak erreakziozko motorrak egiteko. Proiektuan bada beste parte-hartzaile bat ere, AMEPT, horrelako teknologien erabilpenean adituak diren materialetako ingeniariz osatutako lantalde bat duena.
Abanto-Zierbenako instalazio hau izango da horrelako teknologiak darabiltzan bakarra Europa hegoaldean, eta baita ere handiena. Bere errendimendu handiko zerbitzuak ez dira izango bakarrik aeronautikaren euskal industriarentzat, baizik eta baita ere Europako beste enpresa aeronautiko batzuentzat, eskabide handiko teknologia baita sektore osoan.
Atzerriko inbertsioa erakartzeko estrategiaren helburua da Euskadira ekartzea balio erantsi handia duten eta Euskadirentzat lehentasunezkoak diren sektoreetan (RIS 3) enplegua eta inbertsioak sortuko dituzten proiektuak. Hori lortzeko, Invest in the Basque Country atalak eskuz esku lan egiten du euskal klusterrekin (adibidez, aeronautika sektorekoarekin), lankidetza horren bitartez bilatzeko euskal enpresen eskaintza osatu eta hemen ase gabe dauden nitxoak beteko dituzten nazioarteko proiektuak. Hala, goi-mailako teknologia hornitzaileak ekartzen dira gure enpresen lehiakortasuna hobetzeko, eta horren adibide da ITS Bilbao.
2019an, Invest in the Basque Country-k atzerriko 129 inbertsio proiektu kudeatu zituen; horietatik, 36 arrakastaz itxi dira, zeintzuek berekin baitakartzate 133 milioi euroko inbertsioa egitea, 642 lanpostu sortzea eta 404 mantentzea. Kudeatutako proiektu gehienak Estatu Batuetatik iritsitako produkzio arloko inbertsioak izan dira, ITSren proiektua bezala. Beste hainbat herrialdetako -adibidez Alemania- proiektuak ere landu dira, bai produkzio ezarpenetakoak eta bai I+G zentroetakoak.
2014an Invest in the Basque Country estrategia martxan jarri zenetik, guztira 136 proiektu itxi dira, horiei esker 2.615 lanpostu berri sortu eta beste 3.409 mantendu direlarik. Guztira, 603 milioi euroko inbertsioa egin da horrelako proiektuetan.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean