// Ohiko galderak

Argitu zure zalantzak

Sor dakizkizukeen zalantza guztiak argitu nahi ditugu. Bilatu nahi duzun irtenbidea hemen ez badago galdetu iezaguzu, ahal dugun guztia egingo dugu gure programetara erraz eta urrats gutxiren buruan sartzeko.

Ohiko galderak

BIND 4.0 ekimen publiko-pribatua da, enpresei zuzendutako zerbitzu espezifikoak eskaintzen dituen eta alderdi guztientzat onuragarriak diren startup disruptiboen eta korporazio berritzaileen arteko lankidetzak sortzen dituen berrikuntza irekiko plataforma. BIND 4.0 plataformak, urtero, startup azeleraziorako programa bat jartzen du abian. Programa hori industria adimendunaren, energia garbi eta jasangarriaren, osasunaren eta elikaduraren sektoreen eraldaketa digitalerako arazo nagusiak konpontzen dituzten produktu edo zerbitzu teknologikoak eskaintzen dituzten startup enpresei zuzenduta dago. Horrez gain, gure berrikuntza irekiko plataformak zerbitzuak eskaintzen dizkie enpresa handiei, eraldaketa digitalerako bidean.
Hasierako faseetan eta “ideia fasean” dauden proiektuak ez dira onartuko. BIND 4.0 euren garapen teknologikoa amaitu duten eta produktu/zerbitzua merkaturatzeko prest dauden 4.0 industriaren arloko startup-ei zuzendua dago.
Bai, startup-ek juridikoki eratuta egon behar dute, euren garapen teknologikoa amaituta izan behar dute eta merkaturatzeko prest egon behar dira edo merkatura iritsi berriak izan behar dira.
Ez. Edozein herrialdetako startup-ek eman dezakete izena BIND 4.0 programan parte hartzeko. *2022ko edizioa aurrez aurreko eta lineako programa hibridoa izango da. Zenbait datetan ezinbestekoa izango da pertsonalki bertaratzea. Startup taldeek taldekide bat bidali beharko dute Euskal Autonomia Erkidegoan antolatuko diren ekitaldietara, parte hartu ahal izateko.
  • Izena emateko startup-ek eskabidea bete beharko dute, 2021etko uztailaren 7tik irailaren 10era bitartean.
  • Talde bakoitzari eskatuko zaio bideo bat bidal dezan fundatzaileek egindako startup enpresaren aurkezpenarekin. Informazio gehigarria (erakustaldiak, aurkezpenak, etab.) eskaintzen duten bestelako eranskinak ere kontuan har daitezke.
  • Eskabideak ingelesez bidali beharko dira, gure webgunean aurki daitekeen inprimakia beteta.
Startup parte hartzaileak hautatuko dituzte lankidetzaren eta teknologia berrien ezarpenaren bila ari diren Venture Client korporatibo diren 65 enpresek. Gogoratu gure Venture Client-en profilak aztertzeaz, sektorean dauden beharrak ezagutzeko eta zuen soluzioak egokiak izan daitezkeen hausnartzeko. Hautaketa prozesua gainditzen duten eta gutxienez ere sektoreko Venture Client batekin lankidetza hitzarmena eta kontratua gauzatzen dituzten startup-ak sartuko dira BIND 4.0 programan.
Ikusi baldintza orokorrak
Hautaketa prozesua hiru fasetan banatuta dago:
1. FASEA: Startup-en aurrehautaketa
  • Koordinazio Komiteak ebaluatuko ditu eskabide guztiak eta startup egokienak hautatuko ditu aldez aurretik ezarritako ebaluazio irizpideen eta lortu nahi den teknologiaren arabera.
  • Fase honetan zehar, gerta liteke informazio gehigarria eskatzea talde hautagai potentzialei.
  • Kalifikazio altuena lortzen duten 50 startup-ak igaroko dira hurrengo fasera.
2. FASEA: Startup finalisten hautaketa
  • Venture Client-ek aurrehautaketa gainditu duten startup-ak aztertuko dituzte “pitch” (aurkezpen) motako elkarrizketen bitartez, aldez aurretik ezarritako ebaluazio irizpideen arabera.
  • Venture Client-ek hautatuko dituzte kalifikazio altuena lortu duten startup finalistak, hirugarren faserako.
3. FASEA: Venture Client baten eta startup finalisten arteko parekatzea proiektu erkide batean lan egiteko
  • Fase honetan zehar startup finalistak eta gure Venture Client-ak bildu egingo dira 4.0 industriako proiektuaren irismena definitzeko, lankidetza hitzarmen bat adosteko eta kontratuaren baldintzak zehazteko.
  • SPRI erakundeak laguntza eskainiko die startup finalistei startup-en eta enpresa bazkideen arteko aurrez aurreko kontaktua errazte aldera.
  • Hitzarmenaren baldintza juridikoak errazte aldera, BIND 4.0 programak kontratu txantiloi estandar bat eskainiko du. Hala ere, bi alderdiek erabateko askatasuna izango dute kontratuan klausula gehigarriak sartzeko eta lankidetza harremanaren baldintzak zehazteko.
  • Venture Client diren gure bazkide industrialetako baten edo gehiagoren kontratua jasotzen duten startup-ak sartuko dira BIND 4.0 programara.
BIND 4.0 programaren seigarren edizioaren data garrantzitsuenak
  • Hautagaiei zuzendutako nazioarteko deialdia / 2021eko uztailak 7
  • Izena emateko azken eguna / 2021eko irailak 10
  • Startup-en hautaketa prozesua / 2021eko urria
  • Azelerazio programaren hasiera / 2022ko urtarrilak 21
  • Azelerazioa eta 4.0 I proiektuaren garapena / 2022ko urtarrila - 2022ko uztaila
  • Berrikuntzak aurkezteko “Demo Day” jardunaldia / 2022ko uztailak 6
Urrian zehar garatuko den aurrehautaketa prozesua itxi ondoren, BIND 4.0 harremanetan jarriko da hautatutako hautagaiekin bigarren faseko bilerak koordinatzeko. Hautatu ez diren hautagaiei ere emango zaie emaitzaren berri. Bigarren faseko elkarrizketak amaitu direnean, BIND 4.0 programako taldea finalistekin harremanetan jarriko da startup-aren eta Venture Client-aren / bazkide industrialaren arteko bilera koordinatzeko, 24 asteko azelerazio zikloan zehar garatuko den proiektu erkidea definitu dezaten
Venture Client-ek / enpresa bazkideek hautatutako startup bakoitzari proposatuko diote 4.0 industriako proiektu erreal bat garatzeko aukera. Fase honetan zehar, startup finalisten eta interesa duten Venture Client-en arteko bilerak antolatuko dira proiektuaren aplikazio eremua definitu ahal izateko eta lankidetza hitzarmen / kontratu bat adosteko. Hitzarmenaren baldintza juridikoak errazte aldera, BIND 4.0 programak hitzarmen txantiloi estandar bat eskainiko du. Hala ere, bi alderdiek erabateko askatasuna izango dute kontratuko klausulak idazteko. Startup-ek programaren aholkularitza juridikoa jasoko dute hitzarmena gauzatzeko. Proiektuaren amaierako zenbatekoa eta Venture Client-ak eta startup-ak sinatu dezaketen kontratu potentzialaren baldintzak alderdien artean adostuko diren arren, proiektuaren aplikazio eremuaren eta konplexutasunaren arabera, programak 25.000€ -ko (BEZa kanpo) gutxieneko zenbatekoa ezarri du orientazio moduan.

Baduzu beste galderarik?

Lagundu ahal dizugu

  • This field is for validation purposes and should be left unchanged.

Euskal ETEen hiztegia

Hiztegi espezializatuan aurkituko dituzu euskal ETEarentzako hitz eta kontzeptu guztiak.
Etengabe kontzeptu berriak sortzen ditu eta lehendik daudenak eguneratzen ditu.

Horregatik, ezinbestekoa da berrikuntza horien guztien jarraipena egitea, bai kontzeptuen edukia, bai haiek izendatzeko terminoak ondo finkatuz, horiek espazio komun batean bilduz eta argitaratuz. Horrela, Industria Berriaren esparruan modu batean edo bestean lan egiten dugunok lan-tresna berri bat izango dugu, gure eguneroko zereginetan lagunduko diguna. Baliabide hori sortzeko, SPRI Taldeak lankidetzan jardun du Elhuyarren Hizkuntza eta Teknologia Unitatearekin, eta unitate horrek garatu du hiztegi hau.

 

Zer hitz edo kontzeptu nahi duzu?

icon down svg
//Euskal Enpresentzako Arreta Zerbitzua

Zertan lagun zaitzakegu?

Laguntzen bilaketa errazteko, zure proiektuan laguntzeko edo aholkulari espezializatuekin harremanetan jartzeko lan egiten dugu.