Albisteak 17 ekaina, 2024

ELDUk eredu prediktiboak sortzen ditu IArekin, KEVO startuparen laguntzari eta BIND SME programari esker

Goi-tentsioko instalazio elektrikoen muntaketetan eta mantentze-lanetan espezializatuta dagoen ETE honek BIND SME programaren lehenengo edizioan parte hartu zuen, eta proiektu berritzaile bat garatu zuen Adimen Artifizialaren eta Hizketaren eta Hizkuntzaren Teknologien KEVO Technologies startuparekin.

BIND SME, BIND berrikuntza irekiko plataformako enpresa txiki eta ertainentzako programa, orain dela hiru urte sortu zen enpresa txiki eta ertainei talentua, teknologia eta merkatuko tresnarik abangoardistenak hurbiltzeko helburuarekin, euren eraldaketa-prozesua azeleratzeko eta etengabe aldatzen ari den merkatu globalean lehiakortasuna hobetzea lortzeko.

Hori izan da, zalantzarik gabe, goi-tentsioko instalazio elektrikoen muntaketetan eta mantentze-lanetan espezializatuta dagoen Eldu enpresaren kasua, programaren lehenengo edizioan parte hartu ondoren. IAn, ahotsa ezagutzean, oinarritutako Kevo technologies startuparen teknologia aplikatu izanari esker, hainbat arlotan efizienteagoa izatea lortu du. Elduk hobekuntza handia izan du datuak hartzeko efizientzian, gomendio teknikoak lortzean eta bere langileen landa-laneko segurtasunean.

Bideo honetan ikusiko dugu Elduk nola lortu duen, BIND SME programaren lankidetza-ereduari esker, azken teknologiak azkar ezartzen eta bere neurrira egindako berrikuntza irekiko proiektuak garatzen. BIND SMErekin, ETEek industriaren erronka berriei aurre egiteko teknologiak ezagutu ditzakete, teknologia horiek eraginkortasunez ezar ditzakete eta etorkizunean lehiakorragoak eta jasangarriagoak izan daitezke.

Hau bezalako arrakasta-kasuak urtero ikusten dira ETEek programan parte hartu izanari esker. Ezagutu itzazu BIND SME programaren abantaila guztiak eta jakin ezazu zure ETEak parte hartzeko eskaera nola egin ekainaren 28ra arte hemen.

Lotutako albisteak

27/04/2025 Ekintzailetza

Eusko Jaurlaritzak startup disruptiboen talentua eskuratzeko aukera emango die EAEko ETEei

SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.