Single Quiver: Surflariak gara eta surfa maite dugu
Single Quiver surfa eta kirol honi loturiko guztia maite duten bi gaztek sortu zuten 2016ko maiatzean. Haien egitasmoa surfa denbora pasa edo kirol bat baino askoz gehiago dela erakustean datza.
Gazte zein helduentzako ur-kirol honenganako irrikatik sortutako proiektua da: “Surflariak gara eta surfa maite dugu, -dio Patriciak, haien sustatzaileak- eta irrika hori berori islatzen da bezero bakoitzaren moldera ekoizten dituzten tauletan”
Oso agerikoa da Single Quiver-en duzuen surfarekiko pasioa.
Proiektua gure surfarekiko pasiotik sortua da. Surfa filosofia oso bat da, kanpoaldeko kirol bat baino askoz gehiago. Bizitza eta natura ulertzeko modu oso berezia da. Surflari eta surfaren nomada garen heinean, informazio falta dagoela uste dugu, bereziki kirol honetan hasten ari diren pertsonengan.
Kirol pairakor honek ahalegin handia eta denbora eskatzen ditu hobetzeko. Zaleek nagusiki interneten bilatzen dute hobetzen lagun diezaiekeen informazioa: entrenamendu espezifikoak, taula, inbentoa edo gila erosteko aholkuak… Puntu honetan sortzen da gure bloga, surferako materiala aholkatzeko lanabesekin batera.
Zuen produktu nagusia taulak dira, zuen webgunean 300 bat aurki daitezke.
Askotariko taulak saltzen ditugu; surfean hastekoak, modelo klasikoak, umeentzakoak, esperientziadun surflarientzat… eta industriako marka nagusiekin dihardugu: ‘Emery Surfboards’, ‘Hayden Shapes’, ‘Super Brand’, ‘Mick Fanning Sofboards’, ‘Clayton’, ‘LSD’, ‘Aloha’, eta abar. Gainera, DHD Oficial Store gara Bizkaian.
Gure asmoa Europako surfaren gaineko komertzioaren plataforma nagusi bilakatzea da; ez bakarrik taulen ekoizpen eta pertsonalizazioan, orotariko taulen salmentan ere. “Surf taulen Amazon-a” izan nahi dugu.
Beharbada “Aholkulariak” dira ezagutu, konparatu eta aukeratzeko erremintarik onena.
Taulen salmentan dabiltzan beste webguneekin alderatuz, eta balio gehigarri gisa, gilen, neopreno jantzien eta surf taulen aholkularia dugu. Bezeroak, galdetegi erraz baten bidez, bere datuak emango ditu, hala nola pisua, altuera, surf maila, sexua eta fisikoki zelan dagoen. Parametro hauen arabera, sistemak automatikoki haien ezaugarri fisikoetara egokitutako taulak aholkatuko dizkie. Taulok gure markakoak zein beste hornitzaile batzuenak izango dira.
Behin taula aukeratuta, webguneak taula pertsonalizatzeko aukera ematen du, taulak izango lukeen itxura eta diseinua erakutsiz erosi aurretik.
Pertsona bakoitzarengan gehien egokitzen den produktua erraz aurki daiteke zuen bilatzaile orokorraren bidez.
Webgunean bilatzaile orokor erraz eta praktikoa du, pertsona bakoitzarentzat onena den eredua aurkitzea errazten duena. Bilaketa hau marka, materiala, taulen neurria eta beste zenbait ezaugarriren arabera egin daiteke.
Taulez gain, Neoprenoak, Surfskateak, Paddle Surf, Osagarriak eta abar eskaintzen duzue.
Surf taulez gain, Single Quiver’-en surfa praktikatzeko beharrezko dituzun gehigarri guztiak aurki ditzakezu: neoprenoak, surfskateak, Paddle Surf, inbentoak, gilak, gripak, parafina, pontxoak, aldatzaileak, surfari buruzko liburuak, segurtasunerako giltzarrapoak eta kotxerako orotariko gehigarriak.
Blogeko artikulu, aholku eta iradokizunak oso entretenigarri eta lagungarriak dira.
Proiektua informazioa biltzen duen blogetik sortu eta horren inguruan garatu dugu. Kalitatezko edukia eskaintzen dugu eta zaleen intereseko informazio eguneratua ematen dugu. Gizakia erosoago sentitzen da gustuak partekatzen dituzten pertsonekin, eta hauxe da zenbait hilabetez geure blogean garatzen ari garena. 25.000 jarraitzailetik gora dugu facebooken eta astean 140.000. pertsona ditugu geure sare sozialetan. Gure harpidetuek, hileroko boletinez gain, eduki esklusiboa eta promozioak jaso ditzakete.
Gauza gutxi dira zerbaiten parte sentitzea baino boteretsuago, eta horixe da gure Single Quiver Markaren Komunitatearen inguruan sortu nahi duguna. Erabiltzaileak interes berak partekatzen duen taldearen parte sentitzea nahi dugu. Surfa, bidaiatzeko grina eta bizitza osasuntsua.
Proiektu guzti hau martxan jartzea ez dirudi erraza. Zer laguntza izan duzue orain arte aurrera egiteko?
Gure proiektuak Eusko Jaurlaritza eta Bizkaiko Foru Aldundiaren laguntza du. “Enpresa Berrien Sorkuntza” programen bidez gure proiektuaren berrikuntzan jarri dute konfiantza. Erakunde hauengandik jaso ditugu diru-laguntzak eta euskarria geure lehenengo pausuetan. Gaur egun, gure ofizinak Barakaldoko Ilgner de BIC Ezkerraldea eraikinean kokatzen dira.
info+: www.singlequiver.com
Lotutako albisteak
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.