‘Lup’ startup-a, Mapfre Fundazioak mundu osoko 350 hautagairen artean saritua
Hiru unibertsitariok bultzatutako ‘Lup‘ proiektuak ‘Mapfre Fundazioa’k Gizarte Berrikuntzari emandako sarietako bat lortu du, mundu osoko 350 hautagairen artean. Ikuspegi murriztua eta irakurtzeko zailtasunak dituzten pertsonei lupa teknologiko baten bidez laguntzen dien tresna bat sortu dute.
Zitek UPV/EHUren Bizkaiko Campuseko ekintzailetzari laguntzeko programari esker sortu ahal izan da Lup, unibertsitate-komunitateko kide izanik negozio edo enpresa bat sortu nahi duten pertsona guztiei zuzenduta dago Zitek. “Proiektua hasi genuenetik oso babestuta sentitu gara. Bidelagunak izan dira, eta baliabideak, lanerako espazio bat, aholkularitza, kontaktuak eta Lup aurrera ateratzeko era guztietako erraztasunak eman dizkigute. Zalantzarik gabe, ekintzaileei gomendatzen diet Zitek ekosisteman parte hartzea“, adierazi du Eneko Calvok, UPV/EHUko Kudeaketaren eta Informazio Sistemen Ingeniaritza Informatikoan graduatuak.
LUPen indargunea da irakurketa erraztuko diela adineko pertsonei, dislexia duten haurrei eta ikusmenean galerak izan dituzten pazienteei; horrela, autonomia izango dute edozein testu motari aurre egiteko eta eguneroko jarduerak egiteko. Gailu teknologikoak ezagutzen ez dituztenentzat diseinatutako poltsiko adimentsuko lupa bat da; izan ere, klik bakar batean testu bat bi segundotan baino gutxiagotan ahotsean eraldatzea lortzen du eta 30 hizkuntzatara baino gehiagotara itzultzea ahalbidetuko du. Lupa ekoizpen-fasean dago eta erreserba-zerrenda irekita dago. Aurreikuspenen arabera, datorren irailean jarriko da salgai.
Horri erabiltzaileari irakurketa errazten dion aplikazio mugikor bat gehitu behar zaio. Hala ere, logopedak, oftalmologoak eta optometristak bezalako adituek pazienteen tratamenduaren osagarri gisa erabil dezaten ere egokituta dago. Erraz integra daiteke edozein egoitza, ikastetxe edo eguneko zentrotan, eta erabilgarri dago Android eta iOSentzat.
Jatorria
Ideia nagusia Uxue Mancisidorrek eta Apurva San Juanek sortu zuten. Horiek produktu teknologiko erabilgarri bat sortzea planteatu zuten, ikuspegi konputazionaletik eta adimen artifizialetik abiatuta. LinkedInen bidez, Eneko Calvorekin jarri ziren harremanetan, UPV/EHUn Kudeaketaren eta Informazio Sistemen Ingeniaritza Informatikoan graduatua, eta softwarearen diseinuan eta garapenean trebatua. “LUP sortu genuenean 3. maila egiten ari nintzen oraindik, eta zuzendari teknikoaren rola hartu nuen”, azaldu du Calvok. Ordutik, hirurek hasi zuten jada errealitate den bide bat: LUPen serieko ekoizpena, Espainiako edozein pertsonarengana iristeko, denbora gutxian nazioarteko jauzia egiteko asmoz.
Taldearen etorkizunari eta bere proiektuari dagokionez, argi dute: “Gaur egun, ikerketan eta irtenbide berrien garapenean inbertitzen dugu, eta horretan jarraitu nahi dugu, baina baita gaur egungoak hobetzen ere. Gainera, LUP klinika, egoitza, ikastetxe, eguneko zentro eta abar gehienetara iristea nahi dugu, laburbilduz, irakurtzea oztopo den lekuetara. Eta, azkenik, LUPen nazioartekoratzea, munduan zehar gure konponbideak egokitu nahi ditugulako”.
Zitek
UPV/EHUren Bizkaiko Campuseko ekintzailetza babesteko programa da, unibertsitate-komunitateko kidea izanik, negozio edo enpresa bat sortu nahi duten pertsona guztiei zuzenduta dagoena. UPV/EHUk, Bizkaiko Foru Aldundiak eta BEAZek aktiboki parte hartzen duten lankidetza-proiektua da ZITEK. Programa honek 22 urte daramatza martxan eta 135 enpresa sortzen lagundu du.
Lotutako albisteak
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.