Lavándula, 0 km-ko kosmetika, % 100 naturala, beganoa eta ekologikoa
Artisau-xaboiak egiteko zaletasunak duela 15 urte elkartu zituen Ainara Beobide eta Ainhoa Aramburuzabal. 2019an, zaletasuna lanbide bihurtzea erabaki zuten bi lagunek, eta Lavándula kaleratu zuten, naturala, beganoa eta ekologikoa den kosmetika marka, Otxandioko (Bizkaia) laborategian hasieratik amaierara egindakoa.
“Dena aisialdi gisa hasi zen, baina hainbeste gustatu zitzaigun, naturopatian, dermokosmetikan, formulazio aurreratuan eta abarretan formatzen hasi baikinen, 2019ko martxoan gure laborategia inauguratu arte”, dio Ainara Beobide Lavándulako sortzaileetako batek. Laborategi horretatik, Bizkaiko enpresak bere produktu guztiak egiten ditu hasieratik amaierara, hala azaltzen du Beobidek: “Produktu berri bat merkaturatzea pentsatzen dugunean, I+Garekin hasten gara, kasu bakoitzean gehien gustatzen zaigun formula aurkitzeko, eta testatzeari ekiten diogu. Hurrengo urratsa Europako Atarian jakinaraztea da, eta hortik aurrera gure laborategian egin, ontziratu eta etiketatzen da, salgai jarri ahal izateko”.
Formulak garatzeko erabiltzen duten lehengai gehiena Otxandioko ingurune naturaletik dator; izan ere, “gure landaketako landareak biltzen ditugu. Gure ustez, horrek balio erantsia ematen dio produktuari, bilketa egiteko une zehatzaren zain gaudelako eta errespetuz eta modu jasangarrian egiten dugulako”, Beobideren esanetan. Hala ere, badaude emultsio mota batzuk, lurraldean aurkitu ezin diren landareen printzipio aktiboak eskatzen dituztenak eta, beraz, kanpoan erosten dituztenak. “Dena den, beti bilatzen ditugu ingurunea eta ingurumena errespetatzen dituzten eta gure balio etikoekin lerrokatuta dauden hornitzaileak”, zehaztu du sortzaileak.
Lavándulatik sektore kosmetikoaren joerei jarraitzen saiatzen dira, eta etengabeko ikaskuntzan egoten, hobetu ahal izateko, baina filosofia errespetatuz. “Gure bezeroek kosmetika % 100 naturala, beganoa eta ekologikoa kontsumitzen dute. Pertsona horiek badakite kontsumo-ohiturak aldatu egin behar direla, eta ekonomia zirkularraren eta jasangarriaren alde egiten dute. Horregatik, gardenak izan behar dugu lantzen dugunarekin, eta hurbiltasun-zerbitzu bat eman behar dugu kalitatezko produktu esklusibo eta errespetuzko batekin”, Beobidek dioenez.
Bere produktuak Euskadi eta Nafarroa osoko lokaletan aurki daitezke, eta Estatuko merkatuan sartzen hasi dira, marka Bartzelonan, Toledon edo Asturiasen ezarriz. Gainera, online dendaren bidez ere saltzen dute eta aholkularitza pertsonala eskaintzen dute. “Ia hiru urte daramatzagu laborategia irekita, eta oso pozik gaude. Gure asmoa da aurrera egiten eta hazten jarraitzea, pausoz pauso, gure filosofiari leial izaten eta gauzak ondo egiten saiatzen”, amaitu du.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza