Isabel Liébana, Tellmewow: “Gure jokoak 50 milioi pertsonek baino gehiagok deskargatu dituzte”
‘Tellmewow’ proiektu zoragarriak diseinatzeko pasio handia duen gazte talde batek osatzen du. “Geure lana maite dugu”, eta euren partetik ahal duten guztia egiten dute kalitate handiko eduki digitalak garatu eta eskaintzeko: “Joko eta aplikazio errazak sortzen ditugu, adineko jendeak entretenitzeko eta gogamenaren hondatzea atzeratzeko”.
Isabel Liébanak diosku dispositibo mugikorretarako aplikazio eta jokoen garapenaren azterketa egin dutela eduki errazak eta pertsona guztientzako eskuragarriak direnak sortzeko: “Hasieratik fokoa jarri dugu bereziki adineko jendeari zuzendutako proiektuetan”. Tellmewow CEBEK EMPRENDE 2020 Sariaren finalisten artean dago, eta berriki enpresa-erakunde bat sortu du Bizkaian.
Isabel, konta iezaguzu nola bururatu zitzaizuen ideia hau.
Ezer baino lehen, zahartze aktiboaren hazkundea antzeman genuen; osasun fisiko eta mentalarekiko kezkak gero eta denbora gehiago hartzen du. Bestalde, adineko jendearentzat denbora pasatzeko eduki digitalen eskaintza urria zela frogatu genuen; hortaz, bi beharrizan hauek elkartu eta balore erreala eskainiko zuen proiektua sortzea erabaki genuen. Hala sortu zen ‘Senior Games’.
Ekimen honek laguntza esanguratsua eta eskerron handia lortu du.
Alde batetik gure jokoak deskargatu dituzten 50 milioi pasa pertsonak daude! Gainera, jokalariengandik balorazio onak jaso ditugu; osasun munduko hainbat profesionalek ere sarri idazten digute gure proiektuagatik zoriontzeko eta ideiak iradokitzeko, gure jokoak euren tratamendu eta kontsultetan erabili ohi baitituzte. Proiektua neuropsikologian adituak diren ‘Biocruces’-eko azterlariekin elkarlanean garatu dugu.
Gainera, berriki Bizkaiko Foru Aldundiak ‘ON Bizkaia Creativa Saria’ eskaini digute lehenago eginiko Senior Games proiektuagatik.
Beste herrialde batzuetan dagoen negozio-aktibitatea da.
Bai, honelako proiektuak intersgarriak dira mundu osoko pertsonentzat. Izan ere, gure jokoak gehienbat Estatu Batuetan, Brasilen, Mexikon, Frantzian, Alemanian, Indian eta Japonen deskargatzen dira, besteak beste.
Zuen enpresak zer eskaintzen dio adineko jendeari?
Hasieratik argi izan genuen geure helburua joko eta aplikazio oso erabilterrazak eratzea dela, adineko jendeak entretenitzeko eta gogamenaren hondatzea ahalik eta gehien atzeratzeko helburuaz.
Gure jokoen bidez, adineko jendeak dibertitzeko eta sozializatzeko modu erraza aurkitzen du, gogamena aktibo mantentzen duten bitartean.
Adineko pertsonen kopurua egunero hazten da; hortaz, zuen negozioa ere hazi egingo da.
Adineko jendearen kopuru hazkorragatik baino, osasuna eta aisiaren bidez bizi-kalitatea izateko nahia hazi delako. Bideo-jokoak gazteei erlazionatu izan da beti, baina ikuskera hau aldatuz doa eta egunero gero eta pertsona gehiago interesatzen dira honelako edukiez, bereziki dispositibo mugikorren bidez sar daitezkeelako.
Nolako eboluzioa izan du zuen aktibitateak martxan jartzerakoan?
Gure jatorrizko ideia jokoen alderdi ludikotik haratago joatea zen, onarpen zientifikoa lor zezakeen proiektu bihurtzeko helburua genuen. Momentu honetan, onarpen hau lortzeko lan egiten ari gara. Hain zuzen ere, pertsonen gogamenaren egoera aztertzeko lanabesak sortzeko eta, ondorioz, osasunean diharduten profesionalek pazienteei diagnostiko hobeak egin diezazkien.
Tellmewow-ren webgunea soilik ingelesez ageri da!
Gure bezeroen %95a baino gehiago mundu osoko atzerriko herrialdeetakoak direnez, komunikazioa ingelesez egitea erabaki genuen, baina etorkizunean hizkuntza gehiago gehitzeko aukera dago.
Nola lortzen dituzue bezeroak? Nola komunikatzen zarete haiekin?
Mugikorren aplikazioak direnez, erabiltzaileak lortzeko ahalegin guztia ‘Google Play Store’, ‘App Store’ eta aspalditik ‘Huawei App Gallery’ bezalako plataformen bidez egiten da. Dispositibo mugikorra duen orok gure jokoak dohainik deskarga ditzake, balorazioak partekatu nahiz euren komentarioak guri bidali.
Amaitzeko, CEBEK Emprenderen ‘kafea ala tea’ ereduko ohiko galderak:
Zer gosarirekin hasten duzue egun ekintzailea?
Egia esan, nahiago ditut Cola-Cao eta tostadak. Baina laranja-zuku on batekin bada, askoz hobe!Zuen lanerako mahaira baldin bagoaz, zer topatuko dugu bertan?
Ordenagailua, smatphone-a, tablet-a eta eginbeharrak eta ideiak apuntatzeko liburuxka.
info+: www.tellmewow.com
Lotutako albisteak
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.