Blockchain-en oinarritutako teknologiak Appsamblea-ren fidagarritasuna bermatzen du
Appsamblea bere fundatzaileetako baten irriketatik sortu zen, Raúl Bejaranorengandik, hain zuzen ere. Ez zuen ulertzen “geurea bezalako gizarte konektatuan nolatan ezin dezakegun Internet bidez bozkatu berme guztiekin”. Ideia honetatik abiaturik, Gorka García, Clara del Río eta Guillermo López ekintzaileekin batera Appsamblea erreminta garatzen hasi zen. Pandemiagatik azeleratutako erreminta hau tamaina eta sektore anitzetako erakunde askok erabiltzen dute gaur egun. Jesús Ángel Bravo Appsambleako CEO da egun. CEBEK Emprendek egindako elkarrizketa batean ekimen honen egunerokotasuna azaltzen digu.
Appsamblea Blockchain teknologiak erabilitako bozketarako sistema elektronikoa da.
Autogestioa duen plataforma da, bozketa-prozesu bat gauzatu nahi duen edozein erakundek bitartekari telematikoen bidez balia dezakeena, aurrez aurre zein ez. Bozkatzeko eskubidea duen pertsona egiaztatzen du bozka sekretua dela bermatuz. Blockchain teknologiari esker, ezin da bozka manipulatu.
Erakunde txiki eta handien bozketak errazten dituen konponbide teknologikoa da.
Bozkatzen duten 26.000 kide baino gehiago dituzten erakundeak ditugu bezero, baita hamarka kide dituzten kooperatiba txikiak ere. Erakundearen tamainak ez du axola; plataforma eskalagarri eta segurua da, zerbitzuetan erreferente den Cloud AWS-ek Paristik antolatutako azpiegiturari esker. Kubernetes-en oinarritutako gure plataformaren teknologiari esker eskala daiteke.
Plataforma ikusmen-gutxitasuna duten pertsonentzat moldaturik dago. Hortaz, ONCE erakundeak ekainean ospatuko den mundu mailako kongresurako hautatu gaitu. 50 herrialde baino gehiagotik datozen erakundeek parte hartuko dute. Itsua den edozein pertsonak gure plataforma erabili dezake bere bozka igortzeko, eta gainera, hizkuntza anitzetan egin ahal izango du: 10 Unibertsitate Publiko eta CRUE dagoeneko bozka-prozesuak egiten ari dira; hala nola tesietako tribunalak, Klaustroetako bozketak eta, zenbait unibertsitatetan, errektorearen hautaketa ere gurekin burutzen ari dira. Lehiatzerako orduan dugun abantaila prozesuari ekiteko erraztasunean datza. Duela gutxi arte, antzeko sistema bat eratzea gure ordainketa-tarifak baino hamar aldiz garestiagoa zen.
Horrez gain, antzeko sistemetatik bereizten dituen bestelako abantailak ditu…
Udaletxeak bezalako erakunde publikoei herri-partaidetzarako plataforma eskaintzen diegu, proposamenak egiteko eztabaida-guneen bidez. Eztabaida eta proposamenok herritarrentzat eginiko kontsulten bidez burutzen dira.
Edozelako erabakiak hartzea ahalbidetzen duen lanabesa izan nahi dugu, denok sakelean edo geure lanerako mahaian dugun teknologian oinarrituz. Nabigatzailea duen dispositibo baten bidez ‘hautestontzi digitalak’ baliatzen dira bozkatzeko, eta antolatzaileek automatikoki jasotzen dute zenbaketaren akta, iraupenaren sigiuluarekin eta Blockchain-en katean utzi duen erregistroaren egiaztapenarekin.
Hasieran, zer kostatu zitzaizuen gehien? Legeen kontuak, burokratikoak, finantzazioa, bezeroak…?
Hasterakoan, merkatua izan da konplexuena. 2019an Appsambleak bere prototipoa garatu eta aurkeztu zuen; hasiera latza zen, errotutako ohituren joerak, segurtasun gutxi duelako ustea eta manipulatua izateko arriskua duelako ustea egon zitezkeelako. Arazook aurreko hauteskunde-prozesuetan boto telematikoei egozten zitzaizkien.
Covidaren ondoriozko konfinamenduak erakundeak konponbide bat bilatzera bultzatu zituen. Appsamblea dagoeneko bidean zen, plataforma ekoizten ari baitzen. Gainera, Blockchain-en oinarrituriko teknologia gehituz gero, manipula gaitza eta segurua delako bermea zekartzan.
SaaS plataforma denez, kostu gutxian benetako beharrizana konpon dezakeen zerbitzua eskain dezakegu: hasten ari den proiektu batentzako testuinguru ezin hobea da. Honez gain, eskainitako zerbitzuak emaitza eraginkorra badakar, arrakasta segurua da. Ahoz-ahoko komunikazioak bezero berriak izateko balio digu, eta hala izaten ari da, bezero batek beste batenganako atea irekitzen baitigu.
Betebehar legalak ditugunez, hauek ezagutu eta konpondu behar ditugu. Aspektu hauetan aurrera egin behar dugu, egingo ditugun bozketa moten arabera. Pertsona bakoitzak berau nor den egiaztatzen duen identitate digitala lortu behar dugu, eta hau zeregin oso garrantzitsua da. Letonia bezalako herrialde batzuetan nahiko aurreratuta dabiltza zeregin honetan; ostera, gu hainbat komitetan gaude kontu honetan aurrera egiteko, bai gure herrialdean, bai geure plataforma eskaini nahi dugun beste herrialde batzuetan ere.
+irakurri hemen
Lotutako albisteak
Nexmachinak Gauzen Interneta industriara zabaltzen du
Enpresak IoT soluzio jasangarriagoak eta eskuragarriagoak eskaintzen ditu mota guztietako enpresa eta erakundeentzat
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.