BIND 4.0 SME Connection-ek bigarren edizioa aurkeztu die kluster eta ETE parte-hartzaileei
BIND 4.0 SME Connection-ek bere bigarren edizioa aurkeztu die aurten parte hartuko duten kluster eta ETEei. Dagoeneko Aclima, Uptek, Food, Habic eta Eraikune klusterretako eta Adegi Gipuzkoako Enpresen Elkarteko 28 ETE daude deialdi berrirako. Ekitaldia BIC Bizkaia Ezkerraldearen egoitzan egin da, eta lehen edizioan Ona eta Immersia izenekoek eta Eldu eta Kevo izenekoek garatutako erronka teknologikoei erantzungo dieten proiektuak aurkeztu dira. Bi arrakasta-kasu horien bidez, industriak eraldaketa digitalaren prozesuan dituen erronka berriei erantzutea lortu da. Izan ere, BIND 4.0 SME Connection ekimenaren helburu nagusia da EAEko industriako ETEen eraldaketa digitala bultzatzea, eta, horretarako, startup berritzaileekin lankidetzan jardutea.
SPRI Taldearen ekimen horren bigarren edizioa Eusko Jaurlaritzako Eraldaketa Digitalaren eta Ekintzailetzaren zuzendari Leyre Madariagak aurkeztu du.
BIND 4.0 izenekoa 4.0 industriako ekimen publiko-pribatu bat da, Ekonomiaren Garapen, Jasangarritasun eta Ingurumen Sailak SPRI Taldearen bitartez sortua, eta nazioarteko erreferentziazko programa bihurtu da 2016an sortu zenetik.
Gaur egun, BIND 4.0k bi ekimen ditu industrian berritzeko. Alde batetik, startupei zuzendutako azelerazio eta berrikuntza irekiko programa bat enpresa korporatibo handiekin proiektuak garatzeko, dagoeneko zazpi edizio dituena, eta, bestetik, 2021ean industria-arloko ETEekin lankidetzan teknologia berriak garatzeko sortutako BIND 4.0 SME Connection programa. Ekimen hori proiektu pilotu gisa hasi zen aurreko edizioan, eta 4 KED (Euskadiko klusterren erakunde dinamizatzaileak) aritu ziren lankidetzan, baina aurten proiektua ireki egingo da, eta Euskadiko KED guztiek parte hartu ahal izango dute.
BIND 4.0 SME Connection-en II. edizioan parte hartuko duten ETEak
- Aclima: AAC Acústica, Sercontrol eta Agrupalab.
- AFM-Uptek: Ibarmia, Lantek, Ona eta Zayer.
- Food Cluster: Artomaña Txakolina, Bodegas Itxasmendi, Cafe Baqué, Paturpat eta Bacalao Giraldo.
- Eraikune: Zikotz, Fhimasa, Fulcrum, Repair Taldea eta Obras especiales.
- Habic: Alcad electronics, Burdinola, Daisalux eta Ojmar.
- Adegi: Couth, Salva, Korta, Euskabea, Sariki eta Comercial hostelera del norte.
Startupei zuzendutako bigarren deialdia 2023ko urtarrilean
BIND 4.0 SME Connection-en lehen edizioan, 23 enpresak egin zuten bat programarekin, makina-erremintaren, energiaren, ingurumenaren eta automobilgintzaren arloetan teknologia disruptibo bidezko soluzio berriak garatzeko helburuarekin. BIND 4.0 SME Connection-en bigarren edizioan, startupak inskribatzeko deialdia aterako da 2023. urtearen hasieran. Bigarren deialdia zabaltzean, mundu osoko startup berritzaileek ETEek makina-erremintaren, energiaren, ingurumenaren, elikaduraren, diseinu eta ekipamenduaren eta eraikuntzaren arloetan dituzten erronka teknologikoei aurre egiteko proiektu berriak aurkeztu ahal izango dituzte. Aurreko edizioan, 131 proiektu zituzten 80 startupek baino gehiagok eskatu zuten programan parte hartzeko.
BIND 4.0 SME Connection-en faseak
Ekimena urte oso batean garatzen da, hainbat fasetan:
- AZAROA-ABENDUA: Erronken definizioa. Parte hartuko duten ETEek eta klusterrek programaren barruan startupek aurre egin beharreko erronka teknologikoak zehazten dituzte.
- URTARRILA-OTSAILA. Erronken aurkezpena eta startupen deialdia. Parte hartzen duten ETEek erronkak aurkezten dituzte klusterren erakunde dinamizatzaileen bitartez, interesa duten startupek beren proiektuak inskribatu eta beren soluzio teknologikoak aurkeztu ahal izan ditzaten.
- MARTXOA-APIRILA. Parte-hartzaileen hautaketa. Aurrez hautatutako startupek beren soluzioak aurkezten dizkiete ETEei, eta haiek beren proiektuak garatzeko planteatutako erronketara ondoen egokitzen diren finalistak aukeratzen dituzte.
- MAIATZA-URRIA. BIND SME Connection programa. Proiektuen hasiera eta garapena ETEekin kontratu bat edo gehiago lortu dituzten startupentzat.
- AURKEZPENA. Programa amaitzean, startupek ETEekin lankidetzan garatutako proiektuak aurkezten dituzte.
- IRAILA-URRIA: Klusterren eta ETEen hautagaitzak aurkezteko inskripzio-epea zabaltzen da.
Gehiago jakin nahi al duzu? BIND 4.0 berrikuntza irekiko plataformaren informazio guztia eskuratzeko, sartu hemen.
Lotutako albisteak
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua