AOTECH, elikagaien eta aeronautikaren sektorerako soluzio fotonikoen aldeko apustu argia egin duen startupa
AOTECH startupa duela hiru urte sortu zen, EHUko Fotonika Aplikatuko Taldearen spin-off gisa, eta soluzio fotonikoak garatzen jarraitzeko apustu argia du. Teknologia hau fotoiak edo, argi-partikulak, datuak biltzeko erabiltzean datza, adibidez, hainbat sektoretako kalitate- eta segurtasun-kontrolak hobetzeko. Aotech-ek bi sektore nagusitako enpresekin egiten du lan: elikadura eta aeronautika. Gaur egun bezero gehienak estatukoak badira ere, “modu aktiboan parte hartzen dugu bai azoketan, bai klusterretan, bai nazioarteko startupak bizkortzeko programetan, eta horiek ondorioak izan ditu. Izan ere, aste honetan bertan, gure sistemetan interes handia duen Suitzako enpresa batekin bildu gara”, adierazi du Vannesa García AOTECHeko Marketin arduradunak.
Une honetan, AOETCH soluzio arrakastatsuena AONIR sentsorea da. Batez ere elikaduraren sektorean erabiltzen da, eta elikagaien ekoizpen eraginkorragoa eta iraunkorragoa lortzeko helburua du. Bi osagai nagusi ditu: infragorri hurbileko espektroskopian oinarritutako sentsore optikoak (NIRS) eta IoT plataforma bat. Sentsore hori gai da, denbora errealean, koipe, proteina, hezetasun, laktosa eta abarren datuak aztertzeko.
Teknologia hori bera erabiliz, Bizkaiko startupa proiektu batean murgilduta dago Okin elikadura-enpresarekin batera. Ekimen honetan AONIR erabiltzen da ogia egiteko hain garrantzitsuak diren proteina, hezetasun eta masaren gatza bezalako parametroak denbora errealean neurtzeko. “Orain arte lortutako emaitzak etorkizun oso esperantzagarriak dira , eta horrek proiektuaren azken fasea arrakastatsua izango dela esan nahi du”, azaldu du Vannesa Garcíak. Proiektu hau SPRI Taldearen Bind 4.0 programari esker gauzatu da.
Gainera, AOTECHek zuntz optikoko hainbat sentsorez osatutako sistema bat garatu du industria aeronautikorako, haizagailuak, konpresoreak eta turbinak zehaztasun handiz eta denbora errealean monitorizatzeko. Tip Clearence eta Tip Timing teknikak erabiliz (bibrazioen anplitudea eta maiztasuna eta turbinaren eta karkasaren arteko distantzia kalkulatzeko parametroak), sentsore bakarra erabiltzen da, eta, ondorioz, instalazio-kalibrazioaren denbora eta kostu ekonomikoak aurrezten dira. “Erregai gutxiago kontsumitzen duten motor aeronautikoak, merkeagoak eta ekologikoagoak garatzeko eta diseinatzeko tresna garrantzitsua da”, nabarmendu du Vannesa Garcíak.
Aurrekoaz gain, AOTECH UPV/EHUko Fotonika Aplikatuko Taldearekin batera ari da lanean biosentsoreak diseinatzen eta fabrikatzen, metal astunak eta bakterioak (E-Coli edo alergenoak, lisozima esne-serumean esaterako) linean eta denbora errealean detektatzeko.
Hiru urteko garapenaren ondoren, AOTECH baikorra da etorkizunari begira, bere produktuen merkaturatze fasea hasteko. “Gure planak oso argiak dira: garatutako produktuak merkaturatzea, etorkizun oparoa duten biosentsoreak garatzen jarraitzea, eta, nola ez, erronka eta ikerketa-proiektu berriak hastea, benetan maite duguna”, dio marketineko arduradunak.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza