Syngoi Technologies: “DNA sintetikoa modu azkarragoan, seguruagoan eta terapia aurreratuetarako era moldagarriagoan fabrikatzen dugu”
Syngoi Technologies enpresa bioteknologiko bat da, eta DNA sintetikoaren manufakturan espezializatuta dago. DNA sintetikoa funtsezko materiala da terapia aurreratuak garatzeko, hala nola gene-terapia, terapia zelularra eta RNA mezulariaren txertoak. “DNA sintetikoa material kritikoa da gaur egun garatzen eta inplementatzen ari diren terapia aurreratu guztietan”, azaldu du Julen Oyarzabal konpainiako bazkide sortzaileak.
Syngoik metodo tradizionalekiko duen desberdintasun nagusia fabrikazio-prozesuan datza. Zelula-bioerreaktore handien aurrean, zelulen erabilera ezabatzen duen sistema entzimatikoa erabiltzen du enpresak. “DNA kantitate bera askoz bolumen txikiagoekin ekoizteko gai gara, eta horrek hilabeteetako ekoizpen denborak bi aste eskasera murrizten ditu, kalitate kontrola barne”, dio Oyarzabalek.
Ikuspegi honek, epeak azkartzeaz gain, kutsadura biologikoekin lotutako arriskuak murrizten ditu. Gainera, Syngoik garatutako teknologiak DNA garbiagoa eskaintzeko aukera ematen du, interes terapeutikoa duen genea soilik ematen baitu, bakterio- eta antibiotiko-sekuentziarik gabe, eta, hala, albo-ondorioak minimizatzen dira.
Konpainiak aplikazio zehatz bakoitzerako DNA sintetikoa optimizatzeko gaitasuna ere gehitu du. “DNA modulatu dezakegu sekuentzia kritikoa aldatu gabe, prozesuen eraginkortasuna, sendotasuna eta erreproduzigarritasuna hobetuz, adibidez, RNA mezulariaren txertoen ekoizpenean”, gaineratu du.
Merkatu globala du, eta bezeroak, batez ere, Estatu Batuetan eta Europan. Syngoik hazkunde-etapa berri bati ekin dio orain, Artis Biosolutions enpresa estatubatuarrean integratu ondoren. “Gure nazioarteko ezarpena indartzeko aukera bat da, Bizkaian inbertsioa eta jarduera mantenduz”, amaitu du Oyarzabalek.
Syngoik Bizkaiko Parke Teknologikoan eta Zientifikoan duen egoitza izango da otsailaren 4an eta 5ean egingo den Industriaren Kongresu Nazionalean bisitatuko den enpresetako bat.
Jaione Ganzarain Eusko Jaurlaritzako Teknologia, Berrikuntza eta Eraldaketa Digitaleko sailburuordeak adierazi duenez, “Artis BioSolutionsek, Estatu Batuetan egoitza duten terapia aurreratuak garatzeko eta fabrikatzeko nazioarteko plataformak, Syngoi Technologies eskuratu izanak indartu egiten du Europan biozientzien eta terapia aurreratuen fabrikazioaren arloan erreferente gisa dugun posizioa”.
Ganzarainek azpimarratu duenez, Syngoi Technologiesek entzima-prozesuetan oinarritutako DNA sintetikoaren plataforma aitzindari bat garatu du, terapia geniko eta zelularren botila-lepo nagusietako bat konpontzeko gai dena: material kritikoen ekoizpen eraginkorra, eskalagarria eta fidagarria, eredu tradizionalen aldean. “Eragiketa horri esker, teknologia hori dimentsio berri batera eraman ahal izango da, eskala industriala, sendotasun operatiboa eta nazioarteko proiekzioa emanez”, adierazi du.
Sailburuordearen iritziz, “Eusko Jaurlaritzarentzat bereziki garrantzitsua da terapia aurreratuen eremuan maila globalean punta-puntakoak diren konpainiek Euskadin garatutako industrietan inbertitzearen aldeko apustua egitea, betiere horrekin batera Euskadiko jarduera industriala eta zientifikoa mantentzen eta indartzen bada”. Azpimarratu duen
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
