Saretzenek euskal nekazaritza produktuak dibertsifikatu eta hobeto saltzea du helburu
Leartikerrek, Euskal zentro teknologikoak, Saretzen proiektua martxan jarri du, ekoizle txikiak laguntzeko helburuarekin. Zehazki, nekazaritzako elikagaien industriak dituen erronkei erantzuna eman nahi die, errekurtso tekniko eta komertzialak, prozesuak berrizteko zailtasunak edo aldakorra den merkatura moldatzeko beharra.
Proiektuak laguntza sare baten sorrera planteatzen du baserri ekoizleen artean. Lehenik beharrak identifikatu dituzte galdetegi bati esker, eskala txikian ekoizten eta salmenta zirkuitu laburrean komertzializatzen dutenen artean. Partekatutako diagnostiko honetan oinarrituz, produktuen dibertsifikazioan, merkaturatze hobetzean eta baserri munduko beste erreferenteekin batera esperientzien partekatzean zentratuta dauden lan dinamikak martxan jarriko dira.
Ekintza honek Zabaia Landa Garapeneko Elkartearen eta tokiko ekoizke diren Conservas Garai, Maskilu Koop. Elk. Txikia eta Caserío Mimintzeperen laguntzari esker egiten du aurrera.
Elkarlaneko metodologia honekin, Saretzenek ez du ekoizleen lehiakortasuna bilatzen, baizik eta sinergiak eta ikaskuntzak sortzea Euskal landa lurraldeen garapen jasangarrian laguntzeko helburuarekin. Honetarako NPB 2023-2027 Landa Garapenerako Laguntza (Eusko Jaurlaritza-FEADER) dirulaguntza jasoko du. Ondorioen hedapena funtsezkoa izango da, eskuratutako jakinduriak sektorean eragin nabarmena izan dezan.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
