Basque Trade & Investment Nazioartekotzea

Albisteak 21 maiatza, 2024

BasqueTradek euskal enpresentzat aukera gehien duten Kanadako merkatuak aurkeztuko ditu

Ekitaldia ekainaren 5ean jazoko da Bilboko BAT eraikinean, Kanadako enbaxadarekin elkarlanean. Bertan, herrialde iparramerikarrak eskaintzen dituen merkataritza-aukeren berri emango da.

Kanada lehentasun bat da Eusko Jaurlaritzaren 2021-2024 aldirako nazioartekotze-estrategian,bere ekonomia finkatua eta merkatu erakargarria direla eta. SPRI Taldean integratutako euskal enpresak nazioarteratzeko agentzia den Basque Trade & Investment-en (Basque Trade) berriki egindako azterketa baten arabera,, Kanada hamar herrialde interesgarrienen artean dago, arriskuari eta aukerari dagokienez. Hala ere, ahalmen hori izan arren, Euskadik gaur egun bere gaitasunen azpitik esportatzen du Kanadara.

Egoera honetan, BasqueTrade enpresak Montréalen merkataritza-bulego berri bat ireki zuen 2023an, herriarekiko merkataritza-harremanetan interesa duten euskal enpresei laguntzeko, eta ildo beretik, ekainaren 5ean (asteazkena), 10:00etan, Bilboko BAT eraikinean jardunaldi bat antolatuko du, Kanadako merkatuak eskaintzen dituen merkataritza-aukerak ezagutarazteko.

Helburu nagusia izango da interesa duten enpresei informazio zehatza ematea negozio-ahalmen handiena duten sektoreei buruz eta Kanadako erakundeek euskal enpresak ezartzeko eskaintzen dituzten erraztasunei buruz.

Zehazki, Fernando Goñi Espainiako eta Andorrako Kanadako enbaxadako kontseilari komertzialak herrialdeko negozio-ekosistema nolakoa den azalduko du. Bestalde, Kanadako bulegoko Basque Trade & Investment-eko zuzendari David Cormierrek euskal enpresetarako aukera gehien dituzten sektoreen ikuspegi zehatza eskainiko du, bereziki Informazioaren Teknologietan, Elektronikan eta Komunikazioetan (EIKT), energia berriztagarrietan eta aeronautikaren sektoreetan dihardutenentzat.

Gainera, Unai Mutur, VIRTUALWARE elkarteko CEOak, eta Iñigo Otegi, INGETEAMeko Hydro sektoreko zuzendari nagusiak, beraien zerbitzuak AEBetara zabaltzeko esperientzia eta merkatu dinamiko horretan finkatzeko egin behar izan zituzten erronkak partekatuko dituzte.

Ekitaldian izango dira, halaber, Mikel Amundarain, Eusko Jaurlaritzako Ekonomiaren Garapen, Iraunkortasun eta Ingurumen Saileko Industria sailburuordea, eta Wendy Drukier, Kanadak Espainian eta Andorran duen enbaxadorea.

Izen-emateak esteka honetan egin daitezke: AGENDA SPRI

Lotutako albisteak

13/02/2026 Nazioartekotzea

Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan

Programak 2,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.

10/02/2026 Nazioartekotzea

Lehendakariak aliantza politiko berri bat aldarrikatu du, Europak “benetako autonomia” izan dezan bere berrindustrializazioan

Leaders Meeting – Fit For The Future goi-bileraren bigarren edizioari amaiera emateko, ‘Bilboko Adierazpena’ sinatu da, hots, industria-lehiakortasunaren, berrikuntzaren eta teknologia estrategikoen arloko posizionamendu politiko eta estrategiko bat

28/01/2026 Nazioartekotzea

EB-India akordioa aukera da euskal industriarentzat

Lehen atarizko azterketak adierazten du akordioa Euskadirentzako positiboa dela

23/01/2026 Nazioartekotzea

Imanol Pradales: “Euskadi mundu ezegonkor batean egonkortasuna bilatzen duenarentzat babesleku gisa balio duen eredu ona da”

Lehendakariak, Davoseko Munduko Ekonomia Foroko bisita amaitzeko, euskal eredua defendatu du, Nazio Batuekin batera egindako ekitaldian. Imanol Pradales pozik agertu da Euskadik munduko lehen mailako foro politiko-ekonomiko entzutetsu honetan izan duen lehen parte-hartzean lortu duen mailarekin

22/01/2026 Nazioartekotzea

Euskadiren berezitasun fiskal eta finantzarioa azaldu die Lehendakariak politika eta enpresa munduko hainbat pertsona ospetsuri Davosen

Imanol Pradales Euskadiren errealitateari buruz aritu da Bill Gates, Jens Stoltenberg, Paschal Donohoe eta Justin Trudeaurekin, besteak beste. «Gauza asko ditugu erakusteko, eta asko ikasteko», nabarmendu du Lehendakariak Suitzan

21/01/2026 Basque Trade & Investment

Eusko Jaurlaritzak eta Merkataritzako Estatu Idazkaritzak egoera ekonomikoaren azterketa partekatu dute

Bi erakundeek Euskadiren profil industrialari erreparatuko dion ikuspegi bereizia bultzatzea adostu dute, arrisku komertzialei aurrea hartzeko eta nazioartean kokatzeko baliabideak bermatzeko

21/01/2026 Nazioartekotzea

Euskadi herrialde egonkor eta erakargarri gisa aurkeztuko du Lehendakariak munduko ekonomia- eta finantza-foro handienean

Munduko Foro Ekonomikoan Euskadin inbertitzeko eta bertako zorro-dibertsifikazioaren aukeren berri emango du Imanol Pradalesek. “Davosek aukera paregabea eskaintzen du maila goreneko harreman politiko, ekonomiko eta finantzarioak ezartzeko", nabarmendu du Lehendakariak.

12/01/2026 Nazioartekotzea

Imanol Pradales: “Euskadi eta Fukushima bat gatoz teknologia garbietan nazioarteko erreferente izateko anbizioarekin eta potentzialarekin”

Euskadik Fukushimarekin duen lankidetza estrategikoa berretsi du Elkar Ulertzeko Memoranduma berritzearen bidez. Akordioak lankidetza bultzatzen du funtsezko sektore batzuetan, hala nola energia berriztagarrian, gailu medikoetan eta gastronomian

16/12/2025 Nazioartekotzea

Euskal industriak Vietnamgo aukerak eta bere hazkunde nabarmena aztertu ditu webinar batean, nahiz eta ziurgabetasun globala izan

Basque Trade & Investment-ek antolatu du jardunaldia, eta Vietnamgo merkatuaren egonkortasuna egiaztatu ahal izan da; izan ere, 2025ean BPGa % 8 baino gehiago handituko dela aurreikusten da, Estatu Batuetako merkataritza- eta muga-zergen politikaren aldaketen ondoriozko ziurgabetasunaren aurrean

15/12/2025 Basque Trade & Investment

Nazioarteko prestakuntzarako Global Training programaren 445 bekaren bidez bere talentua indartu du Euskadik

Imanol Pradales: “Lanean jarraituko dugu, itzultzea erabakitzen duzuenean, zuen talentua hedatzeko eta zuen ametsak egia bihurtzeko aukera gehiago izan dezazuen”

Joan blogera

Bilaketa iragazi