Albisteak 10 abendua, 2020

81 euskal enpresak euren nazioarteko zabalkundea aztertu dute Nazioartekotzeko Euskal Agentziarekin

Agentziako bulegoek lehen eskuko informazioa ematen dute Covid-19aren erronka globalaren aurrean merkatuak ematen ari diren erantzunari buruz

Guztira 81 euskal enpresa batu dira SPRI Taldean integratutako Nazioartekotzeko Euskal Agentziaren (Basque Trade & Investment) hogei bulegorekin, elkarrekin aztertzeko nola handitu edo abiatu euren nazioarteko jarduera.

Zehazki, bilerak egin dira Agentziak herrialde hauetan dituen bulegoetako ordezkariekin: Argentina eta Uruguai, Brasil, Txile, Estatu Batuak, Txina, Kolonbia, India, Italia, Mexiko, Polonia, Erresuma Batua eta Irlanda, Txekiar Errepublika eta Eslovakia, Errusia eta Singapur.

Basque Trade & Investment agentziaren kanpo sareko bulegoek lehen eskuko informazioa ematen dute Covid-19aren erronka globalaren aurrean merkatuak ematen ari diren erantzunari buruz. Hala, enpresek zuzenean jakin dezakete zeintzuk diren 2021erako joerak eta aurreikuspenak, nola sartu herrialde horietara, nola bilatu hornitzaileak, merkatu-azterketak, tramiteetarako laguntzak, coworking espazioen lagapena, ezarpen komertzial edo produktiboak egiteko laguntza eta aholkuak, eta nazioartekotzearekin lotutako zein urrats eman behar dituzten eremu geografiko horietan duten jarduera handitu ahal izateko.

Bileretan aukera aprobetxatu zen erakusteko nolako tresnak eskaintzen zaizkien euskal enpresei nazioarteko merkatuetan duten posizionamendua sendotzeko eta esportatzeko, adibidez, nazioartekotzeari laguntzeko programen bidez ematen diren laguntzak eta finantzaketa edota Agentziak eskaintzen duen zerbitzu-zorroko zerbitzu pertsonalizatuak.

Indiako automozio sektoreko aukerei buruzko jardunaldi birtuala

Bestalde, Nazioartekotzeko Euskal Agentziak Indian duen bulegoak, ACICAE-Euskadiko automozioaren klusterrak eta Indiako World Trade Centre Pune zentroak jardunaldi birtual bat antolatu dute, Indiak eskaintzen dituen merkatu-aukeren berri emateko eta loturak sortzeko Euskadiko zein Indiako automozio arloko enpresen artean. Topaketan lau euskal enpresak (Rubber Parts, Powertrain, e-Vehicles, Engine Electronics eta Light Weighting technology) parte hartu zuten, eta bertan euren enpresa- eta teknologia-gaitasunak aurkeztu zizkieten Indiako 30 enpresari.

Lotutako albisteak

13/02/2026 Nazioartekotzea

Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan

Programak 2,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.

10/02/2026 Nazioartekotzea

Lehendakariak aliantza politiko berri bat aldarrikatu du, Europak “benetako autonomia” izan dezan bere berrindustrializazioan

Leaders Meeting – Fit For The Future goi-bileraren bigarren edizioari amaiera emateko, ‘Bilboko Adierazpena’ sinatu da, hots, industria-lehiakortasunaren, berrikuntzaren eta teknologia estrategikoen arloko posizionamendu politiko eta estrategiko bat

28/01/2026 Nazioartekotzea

EB-India akordioa aukera da euskal industriarentzat

Lehen atarizko azterketak adierazten du akordioa Euskadirentzako positiboa dela

23/01/2026 Nazioartekotzea

Imanol Pradales: “Euskadi mundu ezegonkor batean egonkortasuna bilatzen duenarentzat babesleku gisa balio duen eredu ona da”

Lehendakariak, Davoseko Munduko Ekonomia Foroko bisita amaitzeko, euskal eredua defendatu du, Nazio Batuekin batera egindako ekitaldian. Imanol Pradales pozik agertu da Euskadik munduko lehen mailako foro politiko-ekonomiko entzutetsu honetan izan duen lehen parte-hartzean lortu duen mailarekin

22/01/2026 Nazioartekotzea

Euskadiren berezitasun fiskal eta finantzarioa azaldu die Lehendakariak politika eta enpresa munduko hainbat pertsona ospetsuri Davosen

Imanol Pradales Euskadiren errealitateari buruz aritu da Bill Gates, Jens Stoltenberg, Paschal Donohoe eta Justin Trudeaurekin, besteak beste. «Gauza asko ditugu erakusteko, eta asko ikasteko», nabarmendu du Lehendakariak Suitzan

21/01/2026 Basque Trade & Investment

Eusko Jaurlaritzak eta Merkataritzako Estatu Idazkaritzak egoera ekonomikoaren azterketa partekatu dute

Bi erakundeek Euskadiren profil industrialari erreparatuko dion ikuspegi bereizia bultzatzea adostu dute, arrisku komertzialei aurrea hartzeko eta nazioartean kokatzeko baliabideak bermatzeko

21/01/2026 Nazioartekotzea

Euskadi herrialde egonkor eta erakargarri gisa aurkeztuko du Lehendakariak munduko ekonomia- eta finantza-foro handienean

Munduko Foro Ekonomikoan Euskadin inbertitzeko eta bertako zorro-dibertsifikazioaren aukeren berri emango du Imanol Pradalesek. “Davosek aukera paregabea eskaintzen du maila goreneko harreman politiko, ekonomiko eta finantzarioak ezartzeko", nabarmendu du Lehendakariak.

12/01/2026 Nazioartekotzea

Imanol Pradales: “Euskadi eta Fukushima bat gatoz teknologia garbietan nazioarteko erreferente izateko anbizioarekin eta potentzialarekin”

Euskadik Fukushimarekin duen lankidetza estrategikoa berretsi du Elkar Ulertzeko Memoranduma berritzearen bidez. Akordioak lankidetza bultzatzen du funtsezko sektore batzuetan, hala nola energia berriztagarrian, gailu medikoetan eta gastronomian

16/12/2025 Nazioartekotzea

Euskal industriak Vietnamgo aukerak eta bere hazkunde nabarmena aztertu ditu webinar batean, nahiz eta ziurgabetasun globala izan

Basque Trade & Investment-ek antolatu du jardunaldia, eta Vietnamgo merkatuaren egonkortasuna egiaztatu ahal izan da; izan ere, 2025ean BPGa % 8 baino gehiago handituko dela aurreikusten da, Estatu Batuetako merkataritza- eta muga-zergen politikaren aldaketen ondoriozko ziurgabetasunaren aurrean

15/12/2025 Basque Trade & Investment

Nazioarteko prestakuntzarako Global Training programaren 445 bekaren bidez bere talentua indartu du Euskadik

Imanol Pradales: “Lanean jarraituko dugu, itzultzea erabakitzen duzuenean, zuen talentua hedatzeko eta zuen ametsak egia bihurtzeko aukera gehiago izan dezazuen”

Joan blogera

Bilaketa iragazi