SPRI Taldeak adimen artifizialari buruzko sei tailer antolatuko ditu Euskal Encounterren
SPRI Taldeak adimen artifizialari, 3D edukiak sortzeari eta bideojokoak sortzeari buruzko sei tailer antolatuko ditu Euskal Encounterren datorren edizioan. Teknologia berrien zaleentzako ekitaldia uztailaren 24tik 27ra egingo da Barakaldoko BEC aretoan.
Tailerrak topaketako lehenengo hiru jardunaldietan egingo dira, eta parte hartzeko edukiera mugatua da. Izen-ematea doakoa da eta irekita dago dagoeneko Horrela, hilaren 24an tailerrak egingo dira adimen artifizialaren algoritmoen inguruan eta AArekin istorioak kontatzeko aukerei buruz. 25ean, bi tailer egongo dira gai hauen inguruan: artea, kode irekia eta bideojokoentzat 3D edukiak sortzea. Uztailaren 26an hauei buruz ariko dira solasean: honeypot tresnak, eta arteari edo programazioari buruz ezagutza teknikoak izan gabe adimen artifizialarekin bideojoko osoak sortzea.
Euskal Encounter “Euskalamiga” Informatikaren Lagunen Elkarteak antolatu du. Eusko Jaularitzak babestu du SPRI Taldearen bitartez, eta urte honetan 33. edizioa izango du. Haien helburua informatikaren eta teknologiaren esparruan ezagutza eta berrikuntza trukatzea sustatzea da, eta, horretarako, ikaskuntza-eta komunitate-gune bat sortu dute zaletu eta profesionalentzat.
Informatikako festa hau 80ko hamarkada amaieran hasi zen Europako iparraldean, eta 10.000 pertsona eta 4.000 ordenagailu baino gehiago biltzen ditu urtero BECen. Opengune izeneko eremu bat du, 5.000 metro karratukoa. Bertan, talentua partekatzen da Euskal Encounterren eta gizartearen artean. Balioa sortu nahi da berez ekitaldiari lotutako bi esparrutan: bideojokoak eta mahai-inguru, hitzaldi eta tailerren bidezko mugikortasuna.
Aurreko edizioan hauek aparteko garrantzia izan zuten: 5G, AA eta talentua. Hitzordura bertaratzen dira prestakuntzan eta entretenimenduan diharduten enpresak, baita proiektu emergenteak dituzten stand solidarioak eta startupak ere. Garatzaileak, aldizkako erabiltzaileak, hard-gamerrak eta publisherrak harremanetan jartzeko aukera ezin hobea da.
