RKL Integral-ek larrialdietarako planak prozesu digital adimendunetan bihurtzen ditu
2017az geroztik, RKL Integral segurtasunaren digitalizazioaren sektorean finkatu da, VES garatzeari esker. VES SaaS (Software as a Service) soluzio bat da, enpresei krisi edo larrialdi egoeretan segurtasun-prozedurak automatizatzeko eta operatzeko aukera ematen diena. Enpresak joan den martxoan potentzialeko inbertitzaile eta bezeroei bere proiektua aurkeztu zien, 4YFN Mobile World Congress azokan. Bertan, enpresak SPRI Taldeak kudeatutako stand bat izan zuen.
Horrela, bezero-zorro zabal batekin (besteak beste, Guggenheim Bilbao Museoa edo Gregorio Marañón Unibertsitate Ospitalea), enpresak azken urteetan merkatuan izugarri hazi den behar bati erantzuten dio: segurtasun tradizionala prozesu digital eraginkorrago eta trazagarrietan bihurtzea.
RKL Integral-ek aholkularitza-, ingeniaritza- eta segurtasun integraleko bulego teknikoaren zerbitzuak eskaintzen ditu, eta horietan SaaS tresna ezinbesteko bihurtzen da: “VESek hainbat prozedura aktibatzea, beharrezko ekintzak abiaraztea eta inplikatutako pertsonekin koordinatzea eta komunikatzea ahalbidetzen du”, azaltzen du José María Sanzek, konpainiaren zuzendari exekutiboak.
Software honi esker, RKL Integral-en bezeroek larrialdi-, autobabes-, negozioaren jarraipenerako edo intzidenteen aurkako erantzun-planak digitalizatu ditzakete, modu digital, koordinatu eta eskuragarrian kudeatuz. “VESek papera eta lehen genituen PDF estatiko horiek erabat desagerrarazten ditu”, azaldu du Sanzek. Era berean, bere abantaila nagusien artean trazabilitatearen hobekuntza, giza akatsen murrizketa eta erantzun-denboraren nabarmeneko igoera daude.
Testuinguru honetan, etengabe hazten ari den giza taldearekin eta berrikuntzaren aldeko apustu sendoarekin, konpainia bere plataforman adimen artifiziala txertatzeko lanean ari da, autonomia handiagoa emateko helburuarekin. “RKL Integral-en berrikuntzaren menpe gaude erabat. VES-en sorrerarako funtsezkoa izan da eta gaur egun haren menpe jarraitzen dugu, dena askoz ere adimentsuagoa eta eskuzko esku-hartzeetatik independenteagoa izan dadin”, ziurtatu du zuzendari exekutiboak.
“SPRI taldea bide horretan funtsezko aliatua izan da”, onartu du Sanzek, izan ere, RKL Integral azken urteotan Eusko Jaurlaritzako Enpresen Garapenerako Euskal Agentziaren hainbat programatan parte hartu du, hala nola Hazitek, Industria Digital edo Fast Track Innobideak programetan. Horrez gain, enpresak 4YFN Mobile World Congress azokan parte hartzeak “hainbat inbertitzailerekin elkartzeko aukera” eman diola aitortu du: “Bertaratu izan ez bagina, askoz zailagoa izango zatekeen haiekin harremanetan jartzea”.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
