Amie Consultingek enpresen produktibitatea hobetzeko software berri bat garatu du
Gipuzkoako Amie Consulting aholkularitzak software tresna berri bat garatu du enpresen produktibitatea hobetzeko, instalazio konplexuen beharrik gabe. Amieren soluzioa digitalizazioaren, makinen sentsorizazioaren eta datuak eskuz jasotzeko orriaren bitarteko urrats bat da; ondorengo datuen prozesamendua lan nekeza da eta ez du balio makinetan gertatzen diren arazoen aurrean garaiz erantzuteko.
Donostian kokatutako enpresa aholkulari industriala da, enpresen digitalizazioan espezializatua. Konpainiak Toyotaren enpresa-eredu arrakastatsua aplikatzen du eta, bezeroentzako soluzioak diseinatzeaz gain, horiek aplikatzeko tresnak eskaintzen ditu.
Software berriak lanpostuen eta makinen OEEaren datuak jasotzen ditu. OEE industriako adierazle oso ezaguna da, eta ekoizpeneko eraginkortasuna eta galerak neurtzen ditu. Galerak hiru bloketan daude banatuta: ekoizpeneko etenak, abiaduraren galerak eta bazterketek eragindako galerak. Galera garestienak zehazteko eta horiek murrizte aldera irtenbideak aplikatzeko oinarrizko adierazleetako bat da, makinen gaitasunak areagotzeko eta fabrikatzeko gastuak murrizteko xedearekin.
Oraingo arazoetako bat informazioa lortzeko beharrezko azpiegitura konplexua eta garestia bihurtu izana da, eta horrek askotan beharrezkoak ez diren inbertsioak egin behar izatea dakar. Gainera, soluzioa garatzeak parametrizazioko eta programazioko tarte oso luzeak eskatzen ditu.
Amie Consultingeko softwareak ekoizpenaren, jazoeren, birprozesuen eta bazterketen datuak denbora errealean jasotzea lortzen du, eta inoiz baino azkarrago ezartzen da —bi aste baino gutxiagoan—. Horrez gain, oinarrizkoa da merkataritzako alorrak denbora errealean izateko abian dauden produktuak amaitzeko aurreikusten den eguna.
OEE softwarea ekoizpen-prozesuko galerak eskuz jasotzeko aukera ematen duen Cloud tresna bat da. Baina, gainera, datuak jada jasotzen badira, harengana konektatu daiteke datuak jarraitzeko eta aztertzeko interfaze ikusgarri moduan, erraza, intuitiboa eta beste sistema batzuekin (MES, ERP…) integratzeko modukoa
Bestalde, datu gehigarriak ustiatzen dira —esaterako, produktibitatea, «lead time» edo entrega-epea— fabrikazioa garatzen den moduari buruzko ikuspegi osoa izateko.
Azkenik, oraindik eta garrantzitsuagoa da informazio osoa eskuragarria dela hala langileentzat nola erakundeko beste edozein mailarentzat, eta horrek sustatu egiten du bai talde-lana, bai langileek lehiakortasuna hobetzen parte hartzea.
SPRI Taldeak Euskadiko enpresei bere kanaletan jardueraren berri emateko aukera ematen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
