Adimen artifiziala, automatizazioa eta digitalizazioa, logistika eraginkorragoa lortzeko
Sektore Logistikoko teknologia disruptiboen helburua sektorearen eraldaketa digitala eta ekologikoa bultzatzea da, eraginkortasuna hobetuz eta hornidura-katearen lehiakortasunari lagunduz. Logistikari aplikatutako azken berrikuntzak zabaltzeko, Mugikortasun eta Logistika Klusterrak Euskadiko Logistika Jardunaldiaren bederatzigarren edizioa antolatu du otsailaren 28an. Ekitaldi hau Logistics & Automation Azokaren kongresu gisa egingo da, antolatzaileekin lankidetza-hitzarmena mantenduz. Horrez gain, Klusterra azokan izango da bazkideen ordezkari gisa Igarle eta VPO Logistics-ekin batera, zeinak stand propioarekin joango diren.
Euskadiko Logistika Jardunaldia logistika, produkzio, hornidura, mantentze eta biltegiratze arloko arduradunei, kudeatzaileei, ingeniariei, adituei eta teknologoei eta hornikuntza kate integralari lotutako gainerako profesionalei zuzenduta dago. Jardunaldietan parte hartuz ezagutzak eguneratzeko, esperientziak alderatzeko, beste lankide batzuekin harremanak ezartzeko eta berrikuntzaren bidez euren negozioen lehiakortasuna hobetzeko teknologia eta irtenbide berriak ezagutzeko aukera izango dute. Jardunaldiari buruzko informazio guztia eta izen-ematea Klusterren webgunean
