IK4-Idekok enpresa bat sortu du adimen lehiakorreko softwarea merkaturatzeko
Innguma tresna teknologikoaren hedapena bultzatzea da konpainia berriaren helburua
Adimen lehiakorra enpresa edo erakunde baten inguruneari buruzko informazioa atzitu, aztertu eta biltzeko prozesua da, ezagutza sortu eta erabaki estrategikoak hartzeko prozesuak hobetzea helburu duena.
Agertoki honetan, IK4-Ideko euskal zentro teknologikoak enpresa teknologiko berri bat sortu du, adimen lehiakorra eta zaintza teknologikoa errazteko abiarazi duen INNGUMA izeneko tresnaren komertzializazioa sustatzeko asmoz.
“INNGUMAren egungo hazkunde jarraitu eta organikotik aurrera egin eta hazkunde esponentzialeko esparru berri batera iristea da spin off honen helburu nagusia”, Eneko Arza Inngumaren CEOaren esanetan, prentsa-ohar baten bidez jakinarazi dutenez.
