Pasaban, mundu mailako liderra papergintza sektorerako makina-erremintan
Nitxo industrial jakin batean lider den euskal enpresa horietako bat dugu Pasaban, kasu honetan papergintzarako ekipo-ondasunen sektorekoa. Kalitate handiko produktu pertsonalizatua eskaintzen du. Konpainiak SPRI Taldearen “Innobideak” programako laguntza bat jaso du, zeinaren helburua baita prozesuak eta pertsonen kudeaketa hobetzea euskal enpresetan.
Enpresa hau 1928an sortu zen Tolosan papergintzako makinen mantenimendu eta konponketa lanak egiteko, industria horrek tradizio handia baitu Gipuzkoako zonalde horretan. 1955ean makina-erreminta fabrikatzen hasi zen, eta hurrengo mugarria 80ko hamarkadan iritsi zen, nazioarteko jauzia egin zuenean. “Une horretan, gai izan ginen nazioartera zabaltzeko” azpimarratu du Pasabaneko zuzendari nagusi Dani Garcíak.
Gaur egun, mundu mailako liderrak dira papergintzako konbertsio, ebaketa eta manipulaziorako makina-erremintan. “Oso produktu espezifikoa da, oso teknologikoa eta konplexua, eta lehiakide gutxi ditugu munduan. Gure makinen nortasun ikurra dira kalitate handia eta pertsonalizazioa. “Bezero bakoitzarentzako makina espezifikoak fabrikatzen ditugu”.
Pasabanen produktuek 5.000tik gora pieza dituzte. Pieza horien lehen muntaketa lantegian bertan egiten da multzoka, eta bezeroaren instalazioetan ematen zaio buru muntaketa osoari. Diseinu eta fabrikazio prozesuak urtebete baino gehiago irauten du.
Pasabanen bezeroak papergintza sektorekoak dira nagusiki, eta enpresa harro dago gaitasun handia duelako berrikuntza teknologikorako, “eta badakigulako edozein erronkari egokitzen”. 1983az geroztik paper-txanponaren nitxoan ere sartu dira, “oso esklusiboa eta ospe handikoa. Munduan horrelako ekipoak egiteko gai diren bi enpresa bakarrik daude, eta horietako bat gara gu”.
Pasaban-eko instalazioak.
Paperezko billeteak fabrikatzeko kontuan hartu behar dira hainbat segurtasun elementu, prozesu oso espezifikoen bidez aplikatzen direnak: tinta irisatuzko inpregnazioa, leihoak zulatzea, foil-a aplikatzea… “Gainera, gailu oso zorrotzak behar dira kalitatea kontrolatzeko. Ondoren, behin segurtasun-elementuak bobinan txertatutakoan, txanpon-papera ebakitzen duten ebakigailuetan prozesatzen dira”.
Fakturazioa 40 milioi euro ingurukoa
Pasabanen urteko fakturazioa 40 milioi euro ingurukoa da, eta 150 langileko plantilla dauka. I+G+B-a enpresaren DNAn dago, “hasi sare komertzialetik eta diseinuraino zein amaierako muntaiaraino”. Produktuak oso pertsonalizatuak dira.
SPRI Taldearen “Innobideak” programaren laguntza bideratu da pertsonen kudeaketa-sistemak eta bikaintasun operazionala modernizatzera. “Proiektu horiek garatuta zeuden jadanik, baina aurrera jarraitu behar dugu. Asmoa da gure barne-kudeaketako arlo desberdinak indartzea”.
Etorkizuneko erronkei dagokienez, merkatuak eta bezero-zorroa zabaldu nahi dituzte, besteak beste Estatu Batuetan. “Europan eta Asian erreferente teknologiko argiak gara”. Hala, aukera berriak bilatzen ari dira “euren negozioa dibertsifikatzeko paperaren industrian edo papergintzatik at”. Aukera horietako batzuk oraindik aztertzen ari badira ere, beste zenbait kasutan merkatuaren garapen fasean daude jadanik.
Gainera, zerbitizazioaren aldeko apustua egin dute, “negozioaren hazkundearekin eta bezeroak leialtzearekin lotuta. Apustu indartsua egin dugu 2019tik, asko handitu dugu salmenta-zifra eta zerbitzu eta arreta hobeak eskaintzen ditugu merkatuan”.
Pasabanek bikaintasun operatiboa du helburu, horregatik, ahalegina egiten du are gehiago hobetzeko bere kudeaketa-sistemak “eta digitalizazioarekin zerikusia duen guztia. Bi bideak lantzen ditugu: kudeaketa-sistemena eta zenbait prozesu automatizatzearena, helburua baita eraginkorrago izatea”.
Pasabanen beste erronka bat da errentagarri eta jasangarri bihurtzea, “sistema sendoak baliatuz, gure ingurunea zainduz, GJHak integratuz (Garapen Jasangarriko Helburuak) eta pertsonak kudeatzeko eredu moderno bat erabiliz”.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean