Albisteak 28 Azaroa, 2023

Lehiakortasun industrialean emakumeek duten inpaktuari buruzko azterlanaren emaitzak aurkeztu ditu SPRIk World Manufacturing Forumen

SPRI Taldeak eta Milango Kanpoko Sarearen bulegoak 2020az geroztik egindako lanen jarraipena da azterlan hau

Aste honetan World Manufacturing Forum antolatu du World Manufacturing Foundationek Bergamon (Italia). Testuinguru horretan, emakumeek lehiakortasun industrialean duten inpaktuari buruzko azterlanaren emaitzak aurkeztu ditu Cristina Oyónek, SPRIko Teknologia, Berrikuntza eta Jasangarritasun zuzendariak.

SPRI Taldeak eta Milango Kanpoko Sarearen bulegoak 2020az geroztik egindako lanen jarraipena da azterlan hau. Izan ere, Women in Manufacturing aditu taldeko liderra da. Hainbat espezializazio taldetako 20 pertsonak osatzen dute aipatutako taldea (nazioarteko erakundeak, hala nola UNIDO, IndustriAll eta EFFRA; unibertsitateak; enpresa pribatuak; eta administrazio publikoa), eta industriak emakumeen parte-hartzea, aitorpena eta lidergoa handiagoak izan daitezen bermatzeko dituen erronka nagusiak aztertzen ditu.

2020an eta 2021ean aditu taldeak egindako lanen baitan emakumeek industrian duten presentziaren gainean jasotako datu kezkagarriak ikusita, SPRIk ikerketa-lanari ekitea erabaki zuen UNIDOk (United Nations Industrial Development Organization) 2019an nabarmendutako premisetako bat egia zen ala ez egiaztatzeko: “Genero-berdintasuna giza baliabideekin lotura duen gaia izateaz gain, lehiakortasuna eta susperraldi ekonomikoa bermatzeko funtsezko gaia ere bada”.

Hala, SPRIk metodologia bat garatu du genero-berdintasunaren eta industria-lehiakortasunaren arteko korrelazioa aztertzeko, eta genero-berdintasun handiagoak industria-lehiakortasunari mesede egiten dion frogatzeko datuak lortzeko azterketa-kasu bat ere garatu du.

Diseinatutako metodologiari esker, enpresa industrialetan genero-berdintasunarekin eta lehiakortasunarekin lotutako kontzeptuen dimentsio anitzeko ebaluazio integrala egin daiteke. Horretarako, bi indize konposatu sortu ziren: bata lehiakortasunarekin lotuta eta bestea berdintasunarekin, azpiindize eta aldagai ponderatuen multzo batez osatuak.

Eredua diseinatu ondoren, 2022ko abuztuan, SPRIren datu-baseko Euskadiko industria eta horri lotutako zerbitzuetako 2.500 enpresari inkesta igorri zieten eta haietatik 474 erantzuneko lagina lortu zen.

Cristinak eman ditu lagin horren ezaugarri nagusien inguruko azalpenak. Horrekin lotuta, emakumeek Euskadiko industria arloko enpleguaren % 21,7 bakarrik biltzen dute eta, Euskadiko lan-merkatuaren % 44 ordezkatzen dutela kontuan hartuta, datu kezkagarria da zalantzarik gabe. Oro har, emakumeen presentzia txikiagoa da enpresetan, prestakuntza maila edo saila edozein izanda ere, baina nabarmen jaisten da lidergo-posizioetan. Izan ere, inkestan parte hartu duten konpainien % 13k bakarrik du emakume bat zuzendari.

Sortutako ereduan enpresen erantzunak sartzeak erakusten du genero-berdintasun handiena duten enpresak lehiakorragoak direla. Gainera, datuek agerian uzten dute berdintasun handiena duten enpresek fakturazioan, enpleguan, I+G+b arloan eta nazioartekotzean emaitza hobeak dituztela.

Bestalde, enpresa lehiakorrenek genero-berdintasuneko maila altuenak ere badituzte. Zehatzago esanda, azterlanak berdintasunetik abiatuta lehiakortasuna sustatzeko gako hauek identifikatu ditu:

  • Bereizketa horizontala (saileka).
  • Bereizketa bertikala (erantzukizun mailaren arabera).
  • Laneko eta norberaren bizitzaren arteko kontziliazio-neurriak (ordutegi-malgutasuna, telelana, zaintzetarako baimenak…).
  • Berdintasuneko barne-politikak (planak, batzordeak, prestakuntza eta berdintasun-protokoloak).

Horrekin lotuta, Cristina Oyónek honako bi datu hauek azpimarratu nahi izan ditu: emakumeek lehiakortasun industrialean duten inpaktu positiboa erakusten duen metodologia izateak duen garrantzia eta azterlan horrek enpresetan genero-berdintasuneko politikak ezartzeko garaian motibazioa sortzeko tresna gisa duen potentziala; izan ere bere hitzetan, “genero-berdintasuna giza baliabideekin lotura duen gaia izateaz gain, lehiakortasuna eta susperraldi ekonomikoa bermatzeko funtsezko gaia ere bada”.

World Manufacturing Foundation plataforma irekia da, eta mundu osoan kultura industriala hobetzea eta hedatzea du helburu, berdintasun ekonomikoa eta garapen jasangarria bermatzeko bitarteko gisa. WMFk manufaktura-sektorearen berrikuntza eta garapena sustatzen ditu. Horretarako, nazio guztietan lehiakortasuna hobetzearen alde egiten du, manufaktura-sektoreko eragile giltzarrien arteko elkarrizketaren eta lankidetzaren bidez.

Lotutako albisteak

Horizon  Europe  2025:  7.300  milioi  euro  enpresa  berrikuntza  bultzatzeko  Europan
15/05/2025 Berrikuntza

Horizon Europe 2025: 7.300 milioi euro enpresa berrikuntza bultzatzeko Europan

SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena

Eusko  Jaurlaritzak  13,65  milioi  euro  bideratuko  ditu  enpresen  berrikuntzara
09/05/2025 Berrikuntza

Eusko Jaurlaritzak 13,65 milioi euro bideratuko ditu enpresen berrikuntzara

SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak

Mikel  Jauregi  Industriako  sailburuak  Aernnova  enpresa  bisitatu  du,  soluzio  aeronautiko  aurreratuetan  liderra
07/05/2025 Berrikuntza

Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra

Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.

ETEentzako  produktuen  eta  prozesuen  berrikuntza  babesten  dugu  Hazinnovarekin
02/05/2025 Berrikuntza

ETEentzako produktuen eta prozesuen berrikuntza babesten dugu Hazinnovarekin

Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.

ESGI  188  (European  Study  Group  with  Industry)  Bilbon  izango  da  2025eko  maiatzaren  26tik  30era
24/04/2025 Berrikuntza

ESGI 188 (European Study Group with Industry) Bilbon izango da 2025eko maiatzaren 26tik 30era

Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.

Kontsulta  irekia:  Spri  Taldearen  laneko  prebentzio-zerbitzuak  definitzeko  zure  aukera
15/04/2025 Berrikuntza

Kontsulta irekia: Spri Taldearen laneko prebentzio-zerbitzuak definitzeko zure aukera

Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.

Sustatu  berrikuntza-proiektuak  zure  enpresan  Fast  Track  Innobideak  ekimenarekin
10/04/2025 Berrikuntza

Sustatu berrikuntza-proiektuak zure enpresan Fast Track Innobideak ekimenarekin

Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.

NudgeXperience  Bilbon:  CX  eta  Portaera  Zientzien  ekitaldia
28/03/2025 Berrikuntza

NudgeXperience Bilbon: CX eta Portaera Zientzien ekitaldia

Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua

Innobideak  Prestakuntza  prestatu  zure  lantaldea  balioan  lehiatzeko  eta  ez  prezioan
25/03/2025 Berrikuntza

Innobideak Prestakuntza prestatu zure lantaldea balioan lehiatzeko eta ez prezioan

Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.

Imanol  Rego,  Innobasque  Berrikuntzaren  Euskal  Agentziako  presidente  berria
19/03/2025 Berrikuntza

Imanol Rego, Innobasque Berrikuntzaren Euskal Agentziako presidente berria

Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.