Heroslam, Euskadiko lehen LSA eta une honetan liderra bere merkatu-nitxoan
Abanto-Zierbenako El Campillo industrialdean kokatutako Heroslam enpresa Ezkutuko Txapeldunen multzoan sailkatutako ETEetariko bat da, hots, lider bat nazioarteko merkatu-nitxo batean. Kasu honetan, laminazio bidezko erroskatze-tresnak egiten ditu. Heroslam-ek SPRI Taldearen laguntza jaso du BDIH Konexio programaren bitartez, zeinarekin Basque Digital Innovation Hub-ek ETEen eskura jartzen baitu fabrikazio aurreratuko aktibo eta zerbitzuen sare konektatu bat prestakuntzarako, ikerketarako, testak egiteko eta baliozkotze prozesuetarako.
Konpainiak 80 urte bete ditu dagoeneko. 1942an sortu zen Bilboko Bolueta auzoan, Herramientas de Precisión izenarekin eta familia-enpresa modura, eta ebaketa tresnak fabrikatzen zituen. 1973an, orduko jabeek langileen esku utzi zuten enpresa, eta Euskadiko lehen LSA (Lan Sozietate Anonimoa) bihurtu zen. 1993an izen zaharra utzi eta Heroslam (Herramientas de Roscado por Laminación hitzen akronimoa) izena hartu zuen, eta 2003an egun daukan lantegira aldatu zen, Abanto-Zierbenara.
Enpresak LSA bat izaten jarraitzen du, eta “langileen %90 bazkideak gara”, azaldu du Alberto Gabikagoxeaskoa zuzendari komertzialak. “Gure bezeroak erroskadun piezak fabrikatzen dituzten enpresak dira, eta guk erroska hori egiteko tresnak ematen dizkiegu”.
Badira hiru teknologia laminazio bidez erroskak egiteko: orrazi bidez, arrabola bidez eta sektore bidez. Heroslam da hiru teknologiekin fabrikatzeko gai den munduko “bizpahiru” enpresetako bat. “Eta gure ezaugarri nagusia da”, argitu du Alberto Gabikagoxeaskoak, “enpresa bakarretakoa garela tratamendu termikoa eta azaleren tratamendua geure instalazioetan egiteko gai garena, ez dugu azpikontratatzen, gehienek egiten duten bezala”.
Heroslam-ek daukan beste lehiakortasun-abantaila bat da fabrikatzen dituen tresnek gehiago irauten dutela lantegian bertan egiten den azaleren tratamenduari esker. “Hortik dator gure leloa, Long Life Thread Rolling Tools (iraupen luzeko laminazio bidezko erroskatze-tresnak). Beste lehiakide batzuen tresnak gai badira 100.000 pieza inguru erroskatzeko, gureek 125.000 edo 150.000 erroskatu ditzakete”. Gainera, espezialistak dira zuzenketa-prozesuan, hots, profil bat pixkanaka tailatzen metalezko pieza batean.
Gabikagoxeaskoak azpimarratu du “ez garela soilik tresnagileak; gure balio- proposamenaren asmoa da erroskatze arloko konponbideen hornitzaileak izatea. Aholkularitza teknikoa emateko zerbitzu oso sendoa daukagu, oso baliagarria bezeroa leialtzeko. Erroskatze arloko konponbide optimoak eskaintzen ditugu. Kalitatea, iraunkortasuna eta konponbideak emateko zerbitzua dira gure lehiakortasunaren giltza, ez prezioa”. Konpainiak eskaerapean lan egiten du, “kustomizazio maila altuko” konponbide pertsonalizatu bat sortuz bezero bakoitzarentzat.
60 langile
Automozio, aeronautika eta eraikuntza sektoreetarako lan egiten du gehienbat, baina baita ere energia berriztagarrietarako, oil and gas sektorerako eta iltzeen fabrikaziorako.
Enpresak 60 langile ditu eta 2021eko fakturazioa 6 milioi eurokoa izan da, duela 10 urtekoa halako bi. Negozio-zifraren %3-4 bideratzen dute I+G-ra.
Heroslam-ek bere produkzioaren %80tik gora esportatzen du, gehienbat Frantzia, Alemania, AEB, Polonia eta Txinara. Bezeroak ditu 35tik gora herrialdetan.
BDIH Konexio programaren bidez jasotako laguntzarekin, fabrikazio gehigarriko proiektu pilotu bat garatu dute. “Fabrikazio gehigarriko teknologiarekin lehen orrazi prototipoak fabrikatzeko fasean gaude”. Zuzendaritza-karguak gaineratu duenez, “etengabe” dabiltza altzairu berezien bila “errendimendu hobea eta iraunkortasun handiagoa emateko gure produktuari; eta baita ere estaldura berrien bila areago hobetzeko geuk sortutako GOGOR estaldura berezia, gure tresnak euren iraupen handiagatik ezagun egin dituena”.
Negozioa dibertsifikatzen
Enpresa aspaldi hasi zen bere negozioa dibertsifikatzen, bai geografikoki eta bai sektorialki. “Gure erreferentziazko sektorea automobilgintza izan da, eta erabaki genuen balio erantsi handiagoa eskatuko ziguten sektoreetara jotzea, adibidez aeronautikara. Sektore horretan erabiltzen diren torlojuek pieza oso gogorrak behar dituzte, laminatzeko zailak direnak. Zaila egin zitzaigun eskatutako kalitate eta zehaztasun mailak lortzea, baina lortu genuen eta duela hamar urte indarrez sartu ginen aeronautikaren sektorean, eta gaur egun ezin hobeto posizionatuta gaude. Oso merkatu exijentea da, baina badu abantaila bat: ezagutza eta eskakizun maila hori baliagarria da gero beste sektore industrial batzuetan balio gehiago eskaintzeko”.
Etorkizuneko erronkei aurre egin ahal izateko, Heroslam-ek makinak modernizatzen jarraitu behar du (badaude milioi bat euro balio duten makinak), eta “prozesu luzea da instalazio guztietan egin nahi bada”. Baina argi dute 4.0 industriaren aldeko apustua egin nahi dutela, lantegiko datuak atzemanaz edota produkzioa digitalizatuz.
Produktuari dagokionez, helburua da sektorearen abangoardian egotea “tresnen kalitate, zehaztasun eta iraunkortasunaren arloan, eta horretarako ikertzen jarraitu behar dugu: material eta estaldura berriak, fabrikazioko teknologia berriak, etab. Gure asmoa da erroskatze-tresnen munduko fabrikatzaile garrantzitsuenen artean dugun posizioa sendotzen jarraitzea”.
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.