BIND 4.0k 4.0 Industriaren 30 arrakasta kasu baino gehiago aurkeztuko ditu DEMO DAY 2022 ekitaldi presentzialean
BIND 4.0 DEMO DAY 2022 ekitaldian 4.0 Industriako 30 bat proiektu disruptibo aurkeztuko dira, startupek eta sektoreko enpresa handiek elkarlanean garatu dituztenak industria adimendunaren, energia garbi eta jasangarriaren, elikaduraren eta osasunaren arloetan. Sektorearen erreferentziako berrikuntza-ekitaldietako bat da, eta aurrez aurre elkartuko ditu industriako eragile nagusiak, horien artean, enpresa lider handiak, startupak, enpresa teknologikoak eta berrikuntzaren arloko adituak. Bertan izango dira ekimena babesten duten erakunde publiko nagusien ordezkariak ere, networkinga sortzeko eta azken-azkeneko joera teknologikoak ezagutzeko.
BIND 4.0 programa 4.0 Industriako ekimen publiko-pribatua da, Ekonomiaren Garapen, Jasangarritasun eta Ingurumen Sailak SPRI Taldearen bidez sortua, eta nazioarteko erreferentziako programa bihurtu da. Programa 2016an abian jarri zenetik 160 startup baino gehiago azeleratu dira eta 240 proiektu baino gehiago garatu dira, eta 7 milioi eurotik gorako fakturazioa gainditu da.
Ekitaldian lehen mailako speaker bat, SalvaRock izango da, eta hitzaldi inspiratzaile bat emango du berak “Music Thinking for Business People” deitzen duenaren esparruan. Rock erritmoan emango duen hitzaldian Demo Day 2022 ekitaldiko parte-hartzaileentzako ideia berriak botako ditu. Gero BIND 4.0 proiektuen aurkezpenak egingo dituzte, eta hainbat teknologia, hala nola adimen artifiziala, IoT, big data, errealitate birtuala, errealitate handitua, robotika edo nanoteknologia industria ezberdinetako Euskadiko enpresa liderretan nola ezartzen diren jakin ahal izango da.
The Best of BIND 4.0:
BIND 4.0 programako arrakasta-kasuak aurkezpen ezberdinen bidez azalduko dituzte horiek garatu dituzten startupek eta BIND 4.0ko trakzio-enpresa handiek; besteak beste, hauek dira: Sidenor, Arteche, Petronor, CIE Automotive, Mercedes-Benz, Eroski, DanoBatGroup, Ramondin, Tubos Reunidos, Uvesco, EDP, Angulas Aguinaga, Arteche, Artadi, Sarralle, Keralty, Ingeteam, Ulma, Obe Hettich, Osakidetza, RPK, Coca-Cola Europacific Partners, ITP Aero eta Iberdrola.
4.0 Industriako startup erakusketariak DEMO DAY 2022
Ekitaldian erakusketa-eremu fisiko handi bat ere izango da, BIND 4.0 programaren seigarren edizioan parte hartu duten 25 startupek baino gehiagok euren azken berrikuntza teknologikoak erakusteko. Hauek dira euren berrikuntzak erakutsiko dituzten startupak:
Ancora, Arctic Sea, Bechained, Cooling Photonics, Deep Detection, Donomotics, EPowerlabs, Faradaic, Fuvex, Glucovibes, Heuristik, ImagoAI Inc, Ingeniería y control Merasys, Innosep, Ipartic Consulting, Kaytek Digital Business, Legit.Health, Less Industries, Metis Labs, Nabla Vision SL, Nazca Ingeniería, Nymiz Software Company, Oreka Interactive, Recircular, Steering Machines, Trak, ViveLab Ergo.
Erakundeen ordezkaritza eta zazpigarren edizioa
DEMO DAY 2022 ekitaldian izango den erakunde-ordezkaritzari dagokionez, ekitaldia goizeko 9ak aldera hasiko da Jack Vincent zeremonia-maisu eta enpresariaren aurkezpenarekin. Honek Estíbaliz Hernáez Teknologiako, Berrikuntzako eta Eraldaketa Digitaleko sailburuordeari emango dio hitza, eta sailburuordeak emango dio hasiera ekitaldiari ongietorri bero batekin. Jarraian, Aitor Urzelai, SPRI Taldearen zuzendari nagusiak sei urteetan berrikuntza irekiko plataformak izan duen bilakaeraz hitz egingo du, eta goizeko ia azken orduan Leyre Madariaga Eraldaketa Digitalaren eta Ekintzailetzaren zuzendariak BIND 4.0 programaren zazpigarren edizioko berrikuntzak azalduko ditu eta berrikuntzako plataformaren startupentzako deialdi berria irekiko du. Edizio berri honen inaugurazio ofizialaren ostean, topaketa 14:00ak aldera amaituko da.
Zergatik parte hartu BIND 4.0ren DEMO DAY honetan?
Aurrez aurreko topaketa hau industriako berrikuntzaren eta ekintzailetzaren ekosistemarekin konektatzeko aukera aparta da. Alde batetik, enpresek zuzenean ezagutu ditzakete startupen eta enpresa liderren arteko elkarlanaren adibideak eta arrakasta-kasuak, eta, gainera, 4.0 Industriako joera eta startup berriak ere ezagutu ditzakete. Eta, beste alde batetik, topaketa saihestezina da 4.0 Industriako liderrentzat, proiektu berrien bila dabiltzan inbertsoreentzat eta azken belaunaldiko teknologietan espezializatutako startupentzat.
|
BIND 4.0: DEMO DAY 2022 Uztailak 7 – 09.30h Sartu erregistroan eta programan * Eta partekatu zure esperientzia #TheBestofBIND40 hashtagarekin |
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua