Basque Open Industryk erakusketariekin hitzordu eta erakustaldi pertsonalizatuak egiteko aukera eskainiko du
Basque Open Industry, Euskadiko industriaren eta teknologiaren ekosistemaren ordezkaritza erakusteko aukera emango duen ekitaldia izango da, ETE-en Europako Astearen barruan (SME Week 2023). Eskaintzen artean, enpresa bisitariek azaroaren 13an eta 14an Bilbao Exhibition Centeren (BEC) izango diren ehunka erakusketariekin interakzioa izateko aukera izango dute.
Stand eta erakusketa-eremu bakoitzarekin hitzorduak eta azken teknologien eta berrikuntzen erakusketa pertsonalizatuak erreserbatzeko Networking LAND aplikazioan alta emateko epea zabalik dago.
Networkinga da ekitaldi horretako pieza nagusietako bat, eta tresna horri esker, erabiltzaileek ahalik eta etekinik handiena atera diezaiokete parte-hartzeari. Aplikazioak logistika azkarra eta arina eskaintzen du, bileren agendak sortu eta aldatu ahal izateko; izan ere, aplikazioaren funtzionalitateek automatikoki eta modu antolatuan hobetzen dute bileren prozesua
Hitzorduak eta pertsonalizatutako erakustaldiak Basque Open Industryn
Basque Open Industryk APP Networking Land aplikazioa sortu du parte-hartzaileentzat, IOS eta Androiderako. Aplikazio horrekin gehien interesatzen zaizkien proiektu eta teknologietara hurbildu daitezke eta ekitaldia garaiz planifikatzen lagunduko die..
Ekitaldirako izen-ematea zabalik dago eta hizlari edo parte-hartzaile zuzen gisa 150 enpresak parte hartzea espero da, askotariko bisitariez gain.
Aplikazio oso funtzionala eta azkarra da:
- Eman ezazu alta eta osatu ezazu zure profila azaroaren 6a arte.
- Deskargatu aplikazioa eta eman ezazu izena urriaren 27tik aurrera.
- Aukeratu arloak: Zibersegurtasuna, AA, berrikuntza, teknologia, nazioartekotzea, eraldaketa digitala, startupak, probak egiteko eta baliozkotzeko laborategiak…
- Hartu ezazu hitzordua zure intereseko enpresekin
- Eta zabaldu ezazu zure kontaktuen, bezeroen eta hornitzaileen sarea
Badakizu, deskarga ezazu aplikazioa, planifikatu zure bilerak eta azaroaren 13an eta 14an dena lotuta izango duzu.
Kanpoko Sarea, “Rebuild Ukraine” eta gehiago
Bereziki interesgarria izan daiteke munduko merkatu nagusietan nazioartekotzeko interesa duten Euskadiko enpresei zerbitzua ematen dien SPRI Taldearen Kanpoko Sarea. Halaber, ezagutza teknologikoari buruzko harremanak sustatuko dira, eta, horrekin, etorkizuneko hitzarmenak sustatu.
Euskadiko puntako eta BIND 4.0 programari lotutako startupei zuzendutako standak egongo dira, bai iazkoak, bai 2023an aurkeztutakoak. Sustatzaileekin harremanetan jartzeko aukera izango da, industria-sektorerako planteatzen dituzten eta Euskadiko enpresa-ehunduran txertatu daitezkeen irtenbideak ezagutzeko. Halaber, lankidetzarako bideak zabaltzeko lotura-puntua aurkitu dezaketen lehiakideen arteko harremana ere sustatuko da.
Erakusketarien artean daude Euskadiko industriaren barruko sektorerik askotarikoenak. Zibersegurtasuneko enpresei zuzendutako espazio zabala izango da. Euskadi leku onean dago kokatuta, arlo horretan irtenbide aurreratuak eskaintzen dituen ekosistemaren inguruan. Halaber, Basque Digital Innovation Hubentzako (BDIH) koordinatutako eremua aurreikusi da, ETE-ei gaitasun teknologikoak ematen dizkion digitalizazio jasangarriaren eta fabrikazio aurreratuaren arrakasta-kasuetarako.
BRTAren (Basque Research & Technology Alliance) bueltan dauden Euskadiko 17 zentro teknologikoek eta ikerketa-zentroek ere izango dute haien lekua, I+G+b ETE-ei hurbiltzeko.
“Rebuild Ukraine” standa
Nazioarteko hedapena azkartzeko interesa duten enpresek aukera izango dute SPRI Taldearen Kanpoko Sarearen 18 bulegoetara hurbiltzeko. Basque Trade & Investmentek (BTI) koordinatzen ditu eta 90 herrialdetara iristeko gaitasuna dute. Eremu horren barruan, espazio nabarmena utzi zaio ‘Rebuild Ukraine’ standari.
Zehazki, Varsoviako bulegoko kideek (bulego hori arduratzen da Ukrainako merkatuaz), eta Ukrainako enpresek eta elkarteek ‘Rebuild Ukraine’ berreraikitzeko programaren inguruan dauden aukerak eskainiko dizkiete euskal enpresei. Europar Batasunaren laguntza jasotzen du programak. Ekitaldian zehar bilerak eskatzeko aukera egongo da, bai BasqueTradeko langileekin, bai Ukrainako enpresa eta elkarteekin.
Basque Open Industry da Euskal Ekosistema Industrialaren topagunea, lankidetzak gerturatzeko asmoz oinarri produktibodun ezagutza teknologikoaren inguruko harremanak sustatzen diren tokia. Esperientziak eta ezagutza partekatzeko eta akordioak bultzatzeko diseinatua dago. Manufaktura Aurreratuko Euskal Ekosistemako 150 enpresa baino gehiago elkartzen dira berrikuntzak aurkezteko eta merkataritza-bideak irekitzeko.
Badakizu, hitzorduak hartzeko, erakusketariekin erakustaldi pertsonalizatuak eta bertaratutako guztiekin elkarreragiteko, azaroaren 13 eta 14an BECen, parte hartu Networking Land of the Basque Open Industry.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin