AYA, Eibarko azken maisu armagina
Eibar (Gipuzkoa) herri armagina da AYA (Aguirre y Aranzabal) konpainiaren jaioterria. Miguel Aguirrek eta Nicolás Aranzabalek 1915ean sortua, ehizarako armak egiten zituen Eibarko lantegi handienetakoa izan zen bere garaian. Garaiko bi ekintzaile haiek senari jarraitu zioten euren ametsa egia bihurtzeko. Zailtasun handiak gainditu eta euren burua behin eta berriz berrasmatzen ikasi ondoren, gaur egun, hots, mende bat geroago eta plantillan 26 maisu artisau dituztelarik, mundu mailako erreferente bihurtu dira ehizarako eta kirol-tiraketarako luxuzko armen diseinuan eta fabrikazioan, azaldu du Álex Aranzabalek, enpresako zuzendari nagusi eta familiaren laugarren belaunaldiko kideak.
AYAren historia biziraupen-istorio bat da, Eibarren hilzorian dagoen sektore bateko azken hondarra zaretelako, ezta?
Esan liteke biziraun dugula, zeren nahikoa erronka baita gurea bezain berezia den sektore batean mende bat betetzea… Gure kasuan, kirol arloko bi arma mota bereizi behar ditugu. Geurea, artisaua, eskopeta fina deitzen dena, eta produkzio-lote handiak egiten dituen serieko fabrikazioa, AYAn esan ohi dugun bezala, arimarik gabeko eskopetak. Eibarren eskopeta finen fabrikazio prozesua garatu da gehienbat. Goi-mailako kualifikaziodun artisauek egiten dituzte eskopetak, baskula, kulata eta kañoi guztiak banan-banan landuz, eta detaile guztiak zainduz. Gaur egun gu gara horrelako eskopetak hasieratik bukaeraraino egiten dituen fabrikatzaile bakarra, eta ez bakarrik hemen, baita Estatuan ere.
Duela ez hainbeste, Eibarren berrogeita hamar bat enpresa aritzen ziren armak egiten. Zenbat geratzen dira orain?
Dozena erdi inguru esango nuke, eta guk hornitzen dizkiegu behar dituzten oinarrizko osagaiak. Pena da, bere garaian Eibar mundu mailako erreferente izatera iritsi baitzen, eta baita gure enpresa ere. 60ko hamarkada inguruan, 500 langile genituen eta 20.000 arma fabrikatzen genituen urtean. Baina merkatuak aldatu egiten dira, eta ezinbestekoa da testuinguru berrietara egokitzea…
Noraino iristen dira AYAren luxuzko eskopeta eta errifleak?
Gure produkzio osoaren ia % 95 atzerrira doa. Horregatik, esango nuke “made in AYA” ehizarako eskopetak mundu osoan daudela, herrialde jakin batzuetan izan ezik, adibidez, Txinan eta Japonian. Presentzia daukagu Erresuma Batuan, Estatu Batuetan eta Benelux multzoko herrialdeetan, eta orain aukerak aztertzen ari gara eremu komertzial berriak irekitzeko ehizarako tradizio handia duten herrialdeetan, esaterako Errusian eta Europa ekialdean.
Zenbat denbora behar da zuen modeloetako bat fabrikatzeko?
Une honetan hamaika hilabeteko epeak ematen ditugu eskopeta “sinpleentzat”, baina etengabe jasotzen ditugu eskaera berriak eta hemendik gutxira urtebeteko epea eman beharko dugu guztiei erantzun ahal izateko.
Eta zein prezio dute?
Normalean, 8.000 euro inguru, edo bezeroak gastatu nahi duen guztia, armaren kustomizazioaren arabera. Kontuan izan behar da zenbait bezerok multzoka eskatzen dizkigutela eskopetak: bikoteka, hirukoteka, seikoteren bat ere bai… Enkargu pertsonalizatu horiek etengabeko erronka dira gure artisau maisuentzat.
Zerk egiten du AYA berezi?
Gure lan-moduak eta bezeroari ematen diogun tratuak. 80ko hamarkadaren amaieran gogoeta-prozesu bat egin genuen, eta erabaki genuen goitik behera aldatzea enpresa lehiakorrago izan zedin. Orduan erabaki genuen gutxiago fabrikatzea baina kalitate handiagoarekin, eta horri esker desberdinak eta bakarrak gara, besteak beste gure produkzio-prozesu guzti-guztiak integratzea ere lortu dugulako. AYAko eskopeta fin guztiak etxean eginak dira.
Bezeroek zergatik uzten dituzte bertan behera euren armak?, modelo berriak erosteko?
Esklusiboki norberarentzat fabrikatu den eskopeta batek balio sentimental handia izaten du. Horregatik, horrelako armak bertan behera uzten dituztenak dira arma horiek oinordetzan jaso dituztenak eta ehizarako edo kirol-tiraketarako afiziorik ez dutenak. Normalean, AYA eskopetekin ehizatu duten bezeroek errepikatu egin nahi izaten dute, eta haien senide eta lagunek ere bai.
Lotutako albisteak
Laura Ovies (EIT Community): “Euskadi eta beste eskualde batzuk beren garapen berritzailerako aliatu estrategiko gisa har gaitzaten nahi dugu”
Zamudion lan egiten du, eta EIT Community Hub Spain erakundeko arduraduna funtsezkoa da tokiko eragileak kontinenteko berrikuntza ekosistema handienarekin lotzeko, Berrikuntza eta Teknologiaren Europako Institutuarekin (EIT).
Abuelo Actual, bi hamarkada adinekoen etxeak oztoporik gabeko espazio bihurtzen
Bizkaiko Silver Economy-ko Enpresen Gidaren parte da eta Nagusi Intelligence Centerrek bultzatu du, Foru Aldundiaren proiektu estrategikoak.
Moldes Ura enpresak berrikuntzaren alde egin du lehiakorra izaten jarraitzeko
Zamudion kokatuta, automobilgintza sektorerako injekzio eta konpresio moldeak ekoizten ditu enpresak, eta duela gutxi SPRI Taldearen Hazinnova programan parte hartu du.
Makegik retrofitting industrialaren aldeko apustua egin du, nazioarteko hedapenerako bide gisa
Makina-erreminten eguneratzean espezializatutako enpresa gipuzkoarra merkatu aeroespazialean oinarritutako lan-ildo berriak garatzen ari da.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.